23. Galilee Po na Nhyira Bepɔw no

Erohwɛ anaafo-anee afamu dze kɔ Galilee Po, nsupa nsutaae bi n’etsifi anee nkyɛn hɔ. Koko a ɔwɔ finimfin hɔ n’enyim no na wonyim tsetseberdo nyina dɛ ɔyɛ Nhyira Bepɔw. Capernaum wɔ ɔdze kɔ bankum hɔ, onnyi mfonyin no mu. Tiberia wɔ anaafo ekyir kakra a ɔda anee mpoano afamu.

Dza Osisii Tsitsir: Agyenkwa no yɛɛ Ne ɔnnkyebo asetsena mu ɔsomdwuma no no mu kɛse wɔ bea yi do. Ha na Ɔfrɛɛ na Ɔhyɛɛ Asomafo Duebien no (Matt. 4:18–22; 10:1–4; Mark 1:16–20; 2:13–14; 3:7, 13–19; Luke 5:1–11), Ɔmaa Bepɔw do Nkyerɛkyerɛ no (Matt. 5–7), na Ɔkyerɛkyerɛɛ wɔ abɛbu mu (Matt. 13:1–52; Mark 4:1–34). Etumdze a Ɔyɛɛ no no mu bi na odzi do yi: Ɔsaa kwatanyi yarba (Matt. 8:1–4); Ɔmaa ehum taa dzinn (Matt. 8:23–27); Otuu mbɔnsam dodow fii aberantsɛ bi mu, na nkyii wɔkɛhɛɛn mpreko mu ma woguanee kɛhyɛɛ po mu (Mark 5:1–15); Ɔmaa 5,000 no na 4,000 no edziban ma wodzii (Matt. 14:14–21; 15:32–38); Ɔhyɛɛ n’esuafo no dɛ wongu hɔn asawu, wɔyɛɛ dɛm no, woyii nam pii (Luke 5:1–6); Ɔsaa nkorɔfo pii yarba (Matt. 15:29–31; Mark 3:7–12); No Wusoɛr ekyir no Oyii noho dɛ ɔrebɛkyerɛkyerɛ N’esuafo no (Mark 14:27–28; 16:7; John 21:1–23). (Hwɛ KK Galilee.)