6. Judea Koko Man

Judea koko kurow no ne tsentsen yɛ kilomita 56 na ne tɛtɛr kilomita 27. Asaase no ne kɛse yɛ abo-abo na ɔyɛ dzen dɛ wɔbɛyɛ kua wɔ do. Mbɔnsa akyekyɛ akoko no mu, a no mu asaase no ye kakra ma kuayɛ. Tsetseberdo no Israelfo no tsenaa akoko yinom mu, dze bɔɔ hɔnho ban fii etuabɔfo nsa.

Dza Osisii Tsitsir: Ewuradze dze asaase yi bɔɔ Abraham na n’asefo anohoba (Gen. 13:14–18; 17:8). Wosiee Sarah na Abraham wɔ Machpelah ɔbo-tu no mu, wɔ Hebron (Gen. 23:19; 25:9). David gyee Jerusalem fii Jebusfo hɔ (2 Sam. 5:4–9). Ahyɛmu Dadaw mu dza osisii no mu pii a wɔakyerɛw no sisii wɔ akoko yinom mu kyɛɛn mantɔw beebiara.