29. Athens

Mfonyin yi wotwaa fi Areopagus (Koko Mars) a ɔkyerɛ Athens Acropolis no, bea a abosonsɔr enyame horow hɔn krɔnkrɔn-mbea wɔ no. Athens yɛ Attica ne tsetse Greek ahenkurow na Ahyɛmu Fofor mber do no nna ɔwɔ Romefo Achaia mansin mu. Wɔtoo dɛm dzin no dze hyɛɛ Greek abosonsɔrfo no hɔn nyamebaa Athena enyimnyam. Ahyɛmu Fofor mber do no nna Athens ayew ne kɛseyɛ na enyimnyam dadaw, mbom nna enyame mbanyin na mbaa pii nye “Nyame a Wonnyim no” no so hɔn ehonyi na nkaadze da ho sisi hɔ (Ndwu. 17:23).

Dza Osisii Tsitsir: Ɔsomfo Paul kɛseraa kuropɔn no na ɔkãa ne “Nyame a Wonnyim no” no nsɛmpa wɔ Koko Mars no do (Ndwu. 17:15–34). Wɔsomaa asɛmpasomafo fii Athens kɔr Greece mbea binom do (1 Thes. 3:1–2).