8. Jerusalem

Erohwɛ Jerusalem etsifi afamu. Muslim som bea a ɔwɔ korkorba fã a woebutuw no a wɔdze sika egu ho no wɔ mfonyin no ne finimfim, a wɔfrɛ no Dome of the Rock (Ɔbotan Korkorba Fã a Woebutuw no). Tsetseberdo no Jewfo sɔɔr wɔ temple no a ɔwɔ ha mu. Afasu a ɔbɛn Dome of the Rock no twa Jerusalem kuropɔn no ho hyia. Afasu no ne nyimfa nye Kidron Bɔnsa. Ɔdze kɔ nyimfa ekyir no ho a onnyi mfonyin yi mu nye Ngo Bepɔw no. Ɔdze kɔ etsifi no, dze tra Dome of the Rock no, nye bea a annhwɛ a ɔyɛ Golgotha no, anaa Calvary no.

Dza Osisii Tsitsir: Tsetse no nna wɔfrɛ Jerusalem Salem (Ndw. 76:2). Abraham tuaa ebupɛn du maa Melchizedek (Gen. 14:18–20). Abraham baa dɛ ɔdze Isaac robɔbɔ afɔr (Gen. 22:2–14). Ɔhen David gyee Jerusalem fii Jebusfo hɔ (2 Sam. 5:4–9). Ɔhen Solomon sii temple (1 Ahem. 6–7). Lehi fii ha dɛ ɔrokɔ anohoba asaase no do (1 Ne. 1:4; 2). Agyenkwa no somee, bɔɔ werdam maa hɛn bɔn, na wonyaan No fii owu mu (Matt. 21–28). Dɛ mbrɛ Agyenkwa no hyɛɛ ho nkɔm no, No wu ekyir annkyɛr koraa na wɔsɛɛ Jerusalem (JS—M 1:3–20). Nda a odzi ekyir no wɔbɔbɔ Jerusalem do ntua (Ezek. 38–39; Joel 2–3; Nyi. 11; 16). Agyenkwa No bopue ha, akã Ne Mbae a Otsĩa Ebien no ho (Zech. 12–14; N&A 45:48–53). (Hwɛ KK Jerusalem; Salem.)