1. Esutsen Nile na Egypt

Nduadzewa na ndua a ofifir wɔ Esutsen Nile n’esuegya. Bea a ɔtse dɛm no na Moses ne nã dze n’abodomaba banyimba no sumae no. N’ekyir hɔ no yɛ sar mbea a ɔkata Egypt ne kɛse do.

Dza Osisii Tsitsir: Egyptus na okopuee asaase no do (Abr. 1:23–25). Abraham kɔr Egypt (Gen. 12:10–20; Abr. 2:21–25). Wɔtɔɔn Joseph kɔr Egypt, ɔbɛyɛɛ ɔhwɛdofo, na ɔgyee n’ebusua nkwa fii ɔkɔm mu (Gen. 37; 39–46). Jacob n’asefo tsenaa Egypt (Gen. 47; Ex. 1; 12:40). Pharaoh ne babaa hun abodomaba Moses wɔ esutsen no mu na ɔyɛɛn no (Ex. 2:1–10). Moses dzii Israelfo no enyim kan fii Egypt (Ex. 3–14). Mary, Joseph na Jesus kɔr Egypt mber kakra ama woeefi Herod nsa (Matt. 2:13–15, 19–21). Nda a odzi ewiei no mu no, Egyptfo no bohu Ewuradze, na Ewuradze behyira Egypt (Isa. 19:20–25). (Hwɛ KK Egypt.)