1 Cu dzoʼocol in tʼan yétel Yumtsileʼ, ten Nefieneʼ cah sunaheʼn tu nahil in tata.

2 Heʼel túnaʼ ca tu tʼanaheʼneʼ ca tu yaʼalah, úch ten humpʼél tucul tiʼn wenel tuʼux cu yaʼalic ten Yumtsileʼ tech yétel a sucuʼunoʼobeʼ ca caʼa sunaqueʼex Jerusalen.

3 Tumen Labaneʼ yan tiʼ le u dzíbtaan tsicbalil le Judioʼoboʼ bey heʼebix xan u tsoʼolol tiʼ maʼx síhic úchben tataoʼobeʼ, le tsicbaloʼ dzíbtaan yókol laminaoʼob mentaan yétel bronce.

4 Le betiʼc túneʼ Yumtsileʼ dzoʼoc u yaʼalic ten decosque tech yétel a sucuʼunoʼobeʼ ca anac a bineʼex tu yotoch Laban tu yoʼolal a wiliqueʼex a chʼaʼiqueʼex le dzíbtaan tsicbaloʼ ca a taseʼex wáy h kaxaʼ.

5 Heʼel túnaʼ a sucuʼunoʼobeʼ tán u mucul tʼantiʼcoʼob, tán u yaʼalicoʼobeʼ le baʼax quiʼn kátiʼc tiʼoʼoboʼ hach maʼ, baʼaleʼ maʼ ten kátiʼquiʼ, sino Yumtsil u yaʼalmaʼh.

6 Le betiʼc túneʼ in xíbpalecheʼ xen, Yumtsileʼ letiʼ heʼel u yántiʼquecheʼ tumen maʼ a wáʼalmaʼh baʼal tu contraiʼ.

7 Ten Nefieneʼ ca tiʼn núcah in tataeʼ ca tiʼn wáʼalah tiʼ: Heʼel in bineʼ yétel heʼel in betiʼc le baʼax dzoʼoc u yaʼalic Yumtsiloʼ, in woheʼleʼ, letiʼeʼ mix huntén cu yaʼalic humpʼél tʼan tiʼ u palal maʼcoʼob wá maʼ xan u betiʼc u behil utiaʼal u páhtal u betiʼcoʼob le baʼax u yaʼalmaʼhoʼ.

8 Heʼel túnaʼ in tataeʼ cah pʼát hach quiʼmaʼc u yól tu yoʼolal le baʼax tiʼn wáʼalahoʼ tumen tu naʼatah decosque Yumtsileʼ dzoʼoc u bendecirtiʼquen.

9 Bey túnoʼ in sucuʼunoʼob yétel teneʼ ca t cuchah c bisbil nah cah hoʼopʼ c xímbal ich kax utiaʼal c bin tu luʼumil Jerusalen.

10 Ca anchah tún c kuchul Jerusaleneʼ ca hoʼopʼ c tsicbal ichil t batsil.

11 Ca tún c ilic maʼx tiʼ ichiloʼon cun yantal u bin tu yéyah hundzít chan cheʼ cada huntúl yotoch Laban. Heʼel túnaʼ Lamaneʼ tu yéyah u maʼs chowáquiʼl, le betiʼqueʼ cah bin letiʼ tu yotoch Laban, cah tsicbalnah yétel caʼaliquiʼl tyaʼan culucbal tu yotoch.

12 Ca tún tu kátah tiʼ Labaneʼ le úchben tsicbaloʼob dzíbtaan yókol laminaoʼob mentaan yétel bronceoʼ, le yan tiʼ u tsoʼolol maʼx u úchben tatailoʼob in tata.

13 Heʼel túnaʼ Labaneʼ cah kuxilnahiʼ, ca tu pulah tu tánil cu dzoʼocoleʼ maʼ tu yót u kub tiʼ le dzíbtaan tsicbaloʼob tiʼoʼ. Ca tún tu yaʼalah tiʼ: Heʼel túnaʼ techeʼ ca woclic, bín in caʼah in quiʼnsech.

14 Chén baʼaleʼ Lamaneʼ h púdz tiʼeʼ ca tu tsolah toʼon baʼax h betaab tiʼ tumen Laban. Ca tún hoʼopʼ u yantal toʼon yayah ólal, in sucuʼunoʼobeʼ u kátoʼob sut tu yicnal in tata teʼ kaxoʼ.

15 Chén baʼaleʼ, heʼel túnaʼ ca tiʼn wáʼalah: Tu hahil cuxaʼan Yumtsileʼ, tu hahil xan cuxaʼanoʼoneʼ, maʼ tán c sut tu yicnal c tata wá maʼ c betiʼc baʼax u yaʼalmaʼh toʼon Yumtsil.

16 Le betiʼc túneʼ coʼox dzic c ól utiaʼal c dzoʼocsic u heʼel túnaʼ, letiʼeʼ tu pʼatah plata, oro yétel tulácal u heʼheʼlásil ayikaliloʼob, yételeʼ u betmaʼh tulácal lelaʼ tu yoʼolal u betiʼc u tʼan Yumtsil.

17 Tumen u yoheʼl letiʼ decosque Jerusaleneʼ yan u xuʼulsaʼal tu yoʼolal u keban le maʼcoʼob cahacbaloʼoboʼ.

18 Heʼel túnaʼ, maʼ tu yóltahoʼob u kamoʼob u tʼan le profetaoʼoboʼ. Le betiʼqueʼ, wá ca pʼátac in tata caʼach teʼ luʼum le dzoʼoc u yaʼalaʼal tiʼ ca hókocoʼ, dzoʼoc u químil xan caʼacheʼ. Beyoʼ hach kabét caʼach ca lukuc tu cahal.

19 Heʼel túnaʼ hach bey u naʼatiʼl Hahal Dios ca c caxt le úchben tsicbaloʼ tu yoʼolal u páhtal c taaquiʼc chucaʼan utiaʼal u yilic c palal bix u tʼan c tataoʼob úchoʼ.

20 Bey heʼebix le tʼanoʼob aʼalaʼan tumen le hahil profetaoʼoboʼ le dzaʼan tiʼoʼob tumen u Pixan yétel u páhtalil Hahal Dios, desde cah betaab yókolcabeʼ tac behlaʼeʼ.

21 Bey tún úchic in tsolic tiʼn sucuʼunoʼob ca anac u dza u yóloʼob u betoʼob u tʼan Hahal Dios.

22 Ca tún anchah c bin teʼ t luʼumil pʼataan toʼon tumen c úchben ét lákiloʼoboʼ ca t láh bisah molah c oro, plata yétel tulácal c coʼocoʼoh baʼaxiʼloʼob.

23 Cu dzoʼocol c múchʼquiʼntiʼc le baʼaloʼobaʼ cah sunahoʼon tu yotoch Laban.

24 Le cah ocoʼon tuʼux yan Labanoʼ, ca t kátah tiʼ ca u dza toʼon le tsicbaloʼob dzíbtaan teʼ yókol le laminaoʼob mentaan tiʼ bronceoʼ, ca t aʼalah c dzaic c oro, c plata yétel tulácal c coʼocoʼoh baʼaloʼob utiaʼal bey c boʼotiʼc tiʼoʼ.

25 Le tún ca tu yilah yan c ayikalileʼ, Labaneʼ tu dzíboltah, tu yoʼolaleʼ ca tu hóksoʼon táncabeʼ ca tu túxtah u meyah maʼquiʼloʼob ca quínsaʼac ca páhchahac u pʼátal yétel c ayikalil.

26 Toʼon túneʼ cah púdzoʼon tiʼ u meyah maʼquiʼloʼob cah anchac c pʼatiʼc c ayikaliloʼobeʼ ca tu láh chʼaʼah Laban.

27 Toʼoneʼ cah púdzoʼoneʼ cah binoʼon ich kaxeʼ beyoʼ maʼ tu caxtoʼon u meyhuloʼob Labaniʼ, ca t taacahcba tiʼ u holil humpʼél nohoch tunich.

28 Laman túneʼ ca hach kuxinah tiʼn woʼolal yétel tu yoʼolal in tata, beyxann tu betah Lemueloʼ, tumen tu yuʼubah baʼax tu yaʼalah Laman. Le betiʼc túneʼ, Laman yétel Lemueleʼ, tu yaʼalahoʼob yaʼabach baʼal tiʼ toʼon u yídzinoʼonoʼobeʼ ca tu haʼahadzoʼonoʼob yétel hundzít cheʼ.

29 Caʼaliquiʼl tán u hadzicoʼonoʼob yétel le hundzít cheʼoʼ, heʼel túnaʼ h chícpah huntúl u angel Yumtsil tu tánoʼobeʼ cah aʼalaʼab tiʼoʼobʼ: Baʼaxtén ca hadziqueʼex a wídzineʼex yétel hundzít cheʼ? Maʼ wá a woheʼleʼex Yumtsil u yéymaʼhil letiʼ utiaʼal u betuba a nohochileʼex tu yoʼolal a kebaneʼexiʼ? Heʼel túnaʼ bín a caʼaheʼex sut Jerusaleneʼ ca kuʼubuc Laban ta kabeʼex tumen Yumtsil.

30 Le cah dzoʼoc u tʼan le angel t ételoʼ cah bini.

31 Le cah dzoʼoc u bin le angeloʼ, Laman yétel Lemueleʼ ca hoʼopʼ u yaʼalicoʼob baʼal tu caʼatén tán u yaʼalicoʼob: Bix cun h páhtal u kuʼubul Laban t kab tumen Yumtsil? Heʼel túnaʼ letiʼeʼ huntúl maʼc yan páhtalil tiʼ, heʼel tac u páhtal u túxtiʼc cincuenta maʼcoʼobeʼ, beyoʼ, heʼel tac u páhtal u quínsic cincuenta maʼcoʼobeʼ, baʼaxtén maʼ quínsicoʼon toʼon xan?