1 Mi tiaikid, e ak mocha melkoi er a rubekuk el kmo: mei medorael mo er a Jerusalem, e bole mesisiich a klaumerang er kid loltirakl a llechul a Rubak; le ngii a kuk mesisiich er a beluulechad er rokui, me a le uaisei eng mekerae diak le mesisiich er a Laban me a rokeim el chedal, me a lechub el truich el telael chedal?

2 Me kamei me dorael mong; mei me bo de mesisiich el uaia Moses; leng di millekoi er a debel a Bekerekard el Daob, endi ulebii el mo er a bitang me a bitang, me a redemad el mle kelbus a mirrael er a medidirt el chutem el moimuul, ea re soldau er a Farao luleltoir er tir a riros er a debel a Bekerekard el Daob.

3 Chelcha komednge el kmo tia klemrang; e dirrek el mednge el kmo a anghel a mla mengedecheduch er kemiu; meng ngera komdakt er ngii? Mei medorael mong; a Rubak a sebechel sobecheklid el diuar demad, e dirrek el tomellii a Laban el diuaia rechad er a Egipten.

4 Chelcha bochakmerek el melkoi a ika el tekoi, endirke kesib a rengrir, e dirke mengiremrum; endi tedi ulekiuellek er a kimorael; me a kimerema er a ikrel a euatel er a beluu er a Jerusalem.

5 Meng mocha milkelkang me ak dilur tir me bol berrotel er a ikrel a euatel. Mitiael bochal berrotl e ngak el Nephi a mocha mkekokak el mo er a chelsel a beluu e morola el mobedul a blil a Laban.

6 Chelchang di Edaol Reng omekrael er ngak meng diak kudenge el kmo akmo mekerang.

7 Endi akdi mirrael, me ak bocha er a blil a Laban, ea kmesa chad el mlo moiit er a chutem er medak el chetelaol er a bino.

8 Ma keda er ngii, ea kdongchii el Laban.

9 E milsa saider re ngii me a kmocha orkedii e ngimersii lotebdii er a blil; a ordemlel a mle kolt e kmal mle ungil a teletelel, me a medal er a kisang eng mle meringel chad el deel.

10 Engak amlo melchesiu er a Edaol Reng el kmo, mokodir a Laban; endi a di ngara renguk a kmo; ng dirkak a tal kutobed a resechel a chad. Me a kmlo medakt e mlo diak el soak lomkeuad er ngii.

11 Endi Edaol Reng a luuta el dmur ngak el kmo: Kamosang a Rubak a mla nguu el loia er a chimam. Oi, a kmedengei el kmo ngika dirrek el mlo soal melai er a klengar re ngak; oi, e dirrek el dimlak lorrenges a llechul a Rubak; e dirrek el rirechorch a kloklam.

12 Chelcha Edaol Reng a liluut el melekoi er ngak el kmo: mokodir, leng Rubak a mla loia er a chelsel a chimam.

13 Kamomdasu, a Rubak omekouad er a redengerenger meng mo sebechel mekedmokl a uldesuel kirel a llemalt. Ng bai ungil a lemad a dital chad, er a chimo el beluu a lebo lengemed ellak loumerang.

14 Chelcha ngak el Nephi er a krenges a ikal tekoi, ea kmlo lematk a tikingel a Rubak el me erngak er a ekngar oreomel kmo: alsekum a re ngelekem a mo oltirakl a llechuk eng moungil beserir er a beluu er a telbiil.

15 Oi, akmocha omdasu el kmo. Ng diak el sebecherir el mo oltirakl a llechul a Rubak el lebilsa Moses alsekum eng diak lengai a llach.

16 Ak dirrek el mle medenge el kmo, a llach a blotk er bebul a ikel tibereberk el sintsyu.

17 Ng luutael mocha bleketakl er a renguk el kmo, a Rubak a mla nguu a Laban el loia er a chelsel a chimak el kirel a kmo, ngmosebechek el mo otirakl a llechul eng mai a rekord.

18 Tiaikid ea kmocha oltirakl er a ngerel Edaol Reng, me a kmocha choreked a chiiul, e kimdii a chiklel loba olsengel.

19 A uriul er ak kimdii a chiklel loba olesengel, ea kngilai a bilel lotuu er ngak; ngii er rokui; e nguu a kaba el loiang.

20 Chelcha bochakmerek, ea kmorolang el mo bedul a blil a ududel a Laban. Mitia er a kurael el mong e ak milsa tara mesiungel a Laban loba kisel ngii el blil a udoud. Me a kukor e omkedong er ngii elle aleko ngak a Laban, me le mei me kimdak el mo er a blil a udoud.

21 Meng ka mlousbech el kmo ngak a merredelel el Laban, leng miles a bilel a Laban me a olsengel el blak ngai el lochang.

22 Meng millekoi er ngak el kirir ar rubak er a chiJews, lleng medengei el kmo, a merredel er ngii el Laban a mle teloi er tir er a kekesus.

23 Mak milngedecheduch er ngii el diuai ak Laban.

24 Ak dirrek el millekoi er ngii el kmo ngkirek el melai ikel blotk el tibereberk el sintsyu el mora rubekuk el ngara aikrel a euatel.

25 Ak dirrek el millekoi er ngii me lokiuellek.

26 Me ngka mlousbech el kmo ak millekoi er a rodam er a ikelesia, me ngak ngikal Laban el bla kukodir; meng mocha okiuellek.

27 Ng mle betok el taem el lolekoi er ngak el kirir ar rubak er a chiJews er tial kurael mo er a rubekuk el ngara ikrel a euatel.

28 Elcha kimkedang me lesekak a Laman eng kmal mlo medakt, me a Lemuel me a Sam me te dirrek el mlo medakt. Tirka chiliis le tuluusbech el kmo, ng Laban el mla mekotkak, e merma melai a klengar er tir.

29 Me a kmocha omkedong er tir, me te rirngesak meng dikea lechiis.

30 Chelchang ngikal mesiungel a Laban er a losetrir a rubekuk eng mlo omritel; e lekong chiisueng el mo er a Jerusalem.

31 Chelcha ngak el Nephi a mle mokoar, e dirrek el Rubak a milskak a klou el klisiich, me a kurrekedii ngikal mesiungel a Laban meng mlo diak lechiis.

32 Mak diluer ngii el kmo, alsekum eng mo remenges a tikingek, eng Rubak a medngei, me ngak me a kmedengei el kmo, a bo lolab a tikingam eng diak kibo momekeuad er ngii.

33 Me ak millekoi el mlor ngii ra mesisiich el telbiil, me llak el medakt; Ng di mouai kemam el mimokl el chad alsekum eng mo obengkemam el mo er a chereomel.

34 Ak dirrek el dulaer ngii el kmo: A Rubak a uldurech er kemam el me meruul a ikang; kid ng diak le kired el mo blak a rengud el moltirakl a llechul a Rubak? Me chelecha lsekum ke mo o bengkemam el mo er a demak el nga er a chereomel, eng morngii a delengcheklem lobengkemam.

35 Chelcha Zoram a mocha klou a rengul er a ikael tikingek; A Zoram a mle ngklel ngikael mle mesiungel a Laban; Ng kilngei el lobengkemam el mo er a demmam el nga er a chereomel. Ng dirrek el mloak a mesisiich el telbiil er a delongelam el kmo, ng di merekoel mo ta er kemam.

36 Chelcha kemam a uchul meng mle somam a bol ta erkemam, aki mle bekikel er a re chiJews a bo lodengei el kmo aki ngar a oreomel, me bolosiik er kemam el melemall er kemam.

37 Mitiael lle kengei ku Zoram er tiael mesisiich el telbiil el kmo ngmo ta er kemam, eng mlo diak ki bekikl el kirel.

38 Me a ki ngoura ikael tibereberk el sintsyu me a mesiungel a Laban a morolael mo er a chereomel el mirrael mo bedul a tento er a demak.