1 Гэсэн хэдий ч, эхлээд тэрээр Зебулуны нутаг мөн Нафталийн нутгийг хөнгөн зүдрээж, мөн дараа нь Улаан тэнгисийн замд, Иордан голын цаана Галилд үндэстнүүдийг илүү эмгэнэлтэйгээр зовоосон үеийнх шиг, уг шаналал нь түүний зовлон зүдрэлд байсан адил тийм байхгүй болой.

2 Харанхуйд алхдаг байсан хүмүүс агуу гэрлийг харсан аж; үхлийн сүүдэр татсан нутагт орших тэдний дээр уг гэрэл туссан буюу.

3 Та үндэстнийг үржүүлж мөн баяслыг нэмсэн—тэд таны өмнө ургацын улмаас мэт баясна, мөн эрчүүд олзоо хуваахдаа баярлах адил болой.

4 Учир нь түүний дарангуйллын буулгыг, мөн түүний мөрөн дээрх дөнгийг, түүний дарлагчийн савааг та хэмхэлсэн бөлгөө.

5 Өөрөөр хэлбэл дайчны тулаан бүр нь эмх замбараагүй шуугиантай байж, мөн өмсгөл нь цусанд нэвчсэн байдаг; гэвч энэ нь түймэр мөн галын түлштэй байх болно.

6 Өөрөөр хэлбэл нэгэн хүүхэд бидний төлөө төрсөн, бидэнд хүү өгөгдсөн; мөн засаг захиргаа нь түүний мөрөн дээр байх болно; мөн түүний нэр нь Гайхамшигт, Зөвлөгч, Хүчит Бурхан, Үүрдийн Эцэг, Энх Амгалангийн Ханхүү хэмээн дуудагдах болно.

7 Давидын сэнтий дээр, мөн үүнийг журамлан мөн үүнийг шударга байдал болон шударга ёсоор энэ цагаас эхлэн, бүр үүрд тогтоохын тулд түүний хаант улсын дээр засаглалын мөн амар амгалангийн өсөлт төгсгөлгүй байна. Түмний Их Эзэний хичээл зүтгэл үүнийг гүйцэлдүүлэх болно.

8 Их Эзэн өөрийн үгийг Иаковт илгээж, мөн энэ нь Израилын дээр тогтсон бөлгөө.

9 Мөн бүх хүн мэдэх болно, бүр бардамнал мөн бөх зүрхтэйгээр ийн хэлдэг Ефраим болон Самарийн оршин суугчид буюу:

10 Тоосгонууд доош унасан, гэвч бид зассан чулуугаар барих болно; цагаан агч мод тайрагдан унасан, гэвч бид тэдгээрийг хуш модоор орлуулах болно хэмээдэг тэд буюу.

11 Тиймийн тул Их Эзэн Резиний өрсөлдөгчдийг түүний эсрэг тавих болно, мөн түүний дайснуудыг нэгтгэн хамтатгах буюу;

12 Эхлээд Сирийнхэн тэгээд хойно нь Филистинийхэн; мөн тэд Израилыг ангайсан амаараа үмхлэх болно. Энэ бүгд байсан ч түүний хилэн зайлуулагдаагүй, харин ч түүний мутар сунгагдсан хэвээр бөлгөө.

13 Учир нь хүмүүс өөрсдийг нь жанчих түүнд ханддаггүй, бас тэд Түмний Их Эзэнийг ч хайх нь үгүй бөлгөө.

14 Тиймийн тул Их Эзэн Израилаас нэгэн өдөр толгой мөн сүүлийг, мөчир болон салааг огтлон авах болно.

15 Ахмад нэгэн, тэр нь толгой; мөн худал хуурмагийг сургах бошиглогч, тэр нь сүүл буюу.

16 Өөрөөр хэлбэл энэ ард түмний удирдагчид тэднийг гажуудуулдаг; мөн тэднээр удирдагдсан тэд устгагддаг болой.

17 Тиймийн тул Их Эзэн тэдний залуу эрчүүдэд баясах нь үгүй, бас тэдний эцэггүй болон бэлэвсэнд нигүүлсэл үгүй байх болно; учир нь тэдний хүн бүр нь хоёр нүүртэн мөн хилэнцийг үйлдэгч мөн ам болгон мунхгийг ярьдаг бөлгөө. Энэ бүгд байсан ч түүний хилэн зайлуулагдаагүй, харин ч түүний мутар сунгагдсан хэвээр бөлгөө.

18 Өөрөөр хэлбэл ёс бус нь гал лугаа шатна; энэ нь өргөст мөчир мөн хатгуурт бутыг залгина, мөн ширэнгэ ойд нь асах болно, мөн утаа дээш хөөрөх лугаа тэд замхрах болно.

19 Түмний Их Эзэний хилэнгээр уг нутаг харанхуйлагдан, мөн тэр ард түмэн галын түлш лугаа байх болно; хэн ч ах дүүсээ хэлтрүүлэх нь үгүй болой.

20 Мөн тэрээр баруун гартаа шүүрэх боловч мөн өлсгөлөн байна; мөн тэрээр зүүн гараар идэх болно, мөн тэд ханах нь үгүй; тэд идэх болно, хүн бүр гарын шууныхаа махыг буюу—

21 Манассе, Ефраим; мөн Ефраим, Манассе; тэд хамтдаа Иудагийн эсрэг байх болно. Энэ бүгд байсан ч түүний хилэн зайлуулагдаагүй, харин ч түүний мутар сунгагдсан хэвээр бөлгөө.