Isahluko 22
Ngomhla wemileniyam bonke abantu baya kuyidumisa iNkosi—Iya kuhlala phakathi kwabo—Thelekisa Isaya 12. Malunga 559–545 P.K.
1 Kwaye ngaloo mhla uya kuthi: Owu Nkosi, ndiya kukudumisa; nangona wawunomsindo ngakum umsindo wakho uwubuyisile, kwaye uyandithuthuzela.
2 Qaphela, uThixo ulusindiso lwam; ndiya kumthemba, kwaye ndingoyiki; kuba iNkosi uYehova ungamandla am nengoma yam; uye waba lusindiso lwam kananjalo.
3 Ke ngoko, ngovuyo niya kutsala amanzi aphuma emithonjeni yosindiso.
4 Kwaye ngaloo mhla niya kuthi: Dumisani iNkosi, nilibize igama layo, vakalisani izenzo zayo phakathi kwabantu, khankanyani ukuba igama layo liphakanyiselwe phezulu.
5 Yivumeleni ingoma iNkosi; kuba yenze izinto ezikhethekileyo; oku kuyazeka kuwo wonke umhlaba.
6 Danduluka kwaye umemeze, wena mmi waseZiyon; kuba mkhulu oNgcwele kaSirayeli phakathi kwakho.