1 Ngan yana, Jakob, nagyayakan ako ha imo: Ikaw an akon suhag nga anak ha henerasyon han akon pagkukuri ha kamingawan. Ngan kamatuoran, ha imo pagkabata ikaw in nag-agi hin mga kakurian nga duro ngan kabidoan, tungod han katurahos han imo kabugtoan nga mga lalaki.

2 Sugad man, Jakob, akon suhag ha kamingawan, maaram kahan kadarayawon han Diyos; ngan iya igpapahinungod an imo mga kakurian para han imo kaupayan.

3 Tungod hito, an imo kalag in bebendisyonan, ngan ikaw in maukoy nga talwas kaupod han imo bugto, nga hi Nephi; ngan an imo mga adlaw in mauubos ha pag-alagad han imo Diyos. Sanglit, maaram ako nga ikaw in gintubos, tungod han kamatadong han imo Manurubos; ngan imo nasayoran ha igo nga mga adlaw nga hiya in maabot agud magdara han katalwasan han tawo.

4 Ngan imo nakita ha imo pagkabatan-on an iya kahimayaan; tungod hito, ikaw in ginbendisyonan sugad ha ira nga iya pagalagaran ha unod; kay an Espiritu in pareho, kakulop, yana, ngan ha kadayonan. Ngan an dalan in igin-andam na tikang pa han pakasala han katawhan, ngan an katalwasan in libre.

5 Ngan an tawo in gintutdoan hin igo agud ira mahibaroan an maupay ngan maraot. Ngan an mga balaod in iginhatag ngadto han tawo. Ngan pinaagi han balaod waray unod nga nakakapamatadong; o, tungod han balaod an mga tawo in mahimumulag. Ngan liwat, pinaagi han tunan-on nga balaod hira in nahimulag; ngan liwat, ha espiritwal nga balaod hira in mamamatay ha kaupayan, ngan magin kairo ha kadayonan.

6 Sanglit, an pagtubos in umabot pinaagi han Baraan nga Mesiyas; nga puno hin grasya ngan kamatuoran.

7 Kamatuoran, iginhalad niya an iya kalugaringon nga usa nga sakripisyo para han mga sala, agud mabaton an panuyo han balaod, para han ngatanan nga may mabidoon nga kaburut-on ngan mabinasulon nga espiritu; ngan waray hin-o man nga iba nga an mga panuyo han balaod in mababaton.

8 Sanglit, hin kadako han ka mahinungdanon nga ine nga mga nahuna-huna in igpahibaro ha mga nangungukoy ha kalibutan, nga ira mahibaroan nga waray unod nga makakag-ukoy ha atubangan han Diyos, labot la hin pinaagi han mga kaupayan, ngan kaluoy, ngan grasya han Baraan nga Mesiyas, nga iginhatag an iya kinabuhi subay ha unod, ngan ginbawi ngahaw pinaagi han gahum han Espiritu, agud mahimo ngan mapahitabo an pagkabanhaw ngahaw han mga patay, tungod kay hiya an una nga binuhat.

9 Tungod hine, hiya an una nga mga bunga ngadto ha Diyos, kay sugad nga hiya in nakimaluoy para han ngatanan nga anak han katawhan; ngan hira nga natuod ha iya in matatalwas.

10 Ngan tungod han iya pakimaluoy para han ngatanan, ngatanan nga tawo in madaop ha Diyos; tungod hito, hira in matindog ha atubangan niya, agud paghukman niya subay han kamatuoran ngan kabaraan nga aada ha iya. Sanglit, an katapusan han balaod nga iginhatag han Usa nga Baraan, ha paghatag hin sirot nga kaangayan, nga diin an sirot nga kaangayan, amo an katugbang han kalipayan nga kaangayan para mabaton an panuyo han pagbayad han sala —

11 Kay kinahanglan, nga mayada pagtipa ha ngatanan nga butang. Kun dire, an suhag ko ha kamingawan, an kaupayan in dire mahinanabo, bisan karaotan, bisan kabaraan, ngan pagpakasakit, bisan maupay ngan maraot. Sanglit, an ngatanan nga butang in kinahanglan magkaupod nga usa; tungod hine, kun naangay nga magin usa nga lawas, ine in kinahanglan nga magpabilin nga patay, waray kinabuhi o kamatayon, kadunotan o waray kadunotan, kalipayan o pagpakasakit, bisan ha pag-abat o waray pag-abat.

12 Sanglit, adto in kinahanglan nga mahimo para han usa nga butang nga waray kapulsanan; sanglit waray kapulsanan han panuyo nga pagkahimo hito. Tungod hine, ine nga butang in kinahanglan nga magguba han kaaram han Diyos ngan an iya waray katapusan nga mga panuyo, ngan sugad man an iya gahum, an kaluoy, ngan an kamatadong han Diyos.

13 Ngan kun masiring kamo nga waray balaod, masiring liwat kamo nga waray sala. Kun masiring kamo nga waray sala, masiring liwat kamo nga waray kamatadong. Ngan kun waray kamatadong waray kalipayan. Ngan kun waray kamatadong ngan kalipayan waray liwat kasirotan o kasakitan. Ngan kun waray ine nga mga nahuna-huna, waray Diyos. Ngan kun waray Diyos, waray liwat kita, bisan an kalibutan; ngan waray liwat paghimo han ngatanan nga mga butang, bisan paglarang ngan paglaladngan; sanglit, an ngatanan nga mga butang in kinahanglan mawara.

14 Ngan yana, akon mga anak, ginsisiring ko ha iyo ine nga mga nahuna-huna para ha iyo kapulsanan ngan pagtoron-an; kay mayada Diyos, ngan ginhimo niya an ngatanan nga mga butang, bisan ha kalangitan ngan tuna, ngan ngatanan nga mga butang nga nakadto, nga duha nga buhi mga butang nga bubuhaton ngan mga hitabo nga bubuhaton pa.

15 Ngan agud mahimo an iya mga waray katapusan nga hingyap han mahingangadtoan han katawhan, kahuman nga iya mahimo an aton siyahan nga mga kag-anak, ngan han mga kahayopan ha kahaluagan ngan mga tamsi ha kahanginan, ngan ha katapusan, ngatanan nga mga butang nga ginhimo, in kinahanglan nga may pagtipa; bisan an gindidire nga prutas ha katugbang han kahoy han kinabuhi; an usa nga matam-is ngan usa nga mapait.

16 Sanglit, iginhatag han Ginoo nga Diyos ha katawhan nga hiya an magbuhat para ha iya kalugaringon. Tungod hito, an katawhan in dire makagbuhat han iya kalugaringon labot kun hiya in nadadara han usa o an iba.

17 Ngan ako, hi Lehi, subay han mga pulong nga akon nabasa, in kinahanglanon nga paghuna-hunaon nga an usa nga anghel han Diyos, subay hadton ginsurat, in nahulog tikang ha langit; tungod hine, hiya in nagin yawa, nga ginhihingyap an maraot ha atubangan han Diyos.

18 Ngan tungod kay hiya in nahulog tikang ha langit, ngan naghingaluoy ha kadayonan, hiya in naghingyap nga an katawhan in maghingaluoy liwat. Sanglit, nagsiring hiya ngadto kan Eba, ngan liwat, bisan adton nga serepente, nga amo an yawa, nga amo an amay han mga buwaon, sanglit nagsiring hiya: Kumaon ka han igindidire nga prutas han kahoy, kay dire ka mamamatay, pero ikaw in magigin pareho han Diyos, nga nahibaro han maupay ngan maraot.

19 Ngan kahuman ni Adan ngan hi Eba in kumaon han igindidire nga prutas, hira in ginpaiwas ha hardin han Eden, agud mag-oma han tuna.

20 Ngan hira in nagkamayada hin mga anak; tinuod, bisan an ngatanan nga mga katawhan ha bug-os nga kalibutan.

21 Ngan an mga panahon han anak han katawhan in ginpahalaba, subay han pagburut-an han Diyos, agud hira in magbasul samtang nga buhi pa; tungod hine, an ira kamutangan in nagin kamutangan hin pagproyba, ngan an ira panahon in ginpahalaba subay han mga kasugoanan han Ginoo nga Diyos nga iginhatag ha anak han tawo. Kay naghatag hiya hin kasugoanan nga an ngatanan nga tawo in magbasul; kay iginpakita ha ira ha ngatanan nga hira in nakasala, tungod han pagtalapas han ira kag-anak.

22 Ngan yana dayon, kamatuoran, kun hi Adan in waray pagtalapas waray unta hiya makasala, hiya unta in nagpabilin ha hardin han Eden. Ngan an ngatanan nga butang nga nahimo in angay nga magpabilin ha daan nga kamutangan kahuman nga hira in paghimoon; ngan hira in magpabilin ha kadayonan ngan waray katapusan.

23 Ngan hira in dire unta magkakaada hin mga anak; tungod hito hira unta in nagpapabilin ha inosente nga kamutangan, waray kalipayan, kay maaram hira nga waray paghingaluoy, dire magbubuhat hin maupay, kay dire hira nakakakilala hin sala.

24 Kundi kamatuoran, an ngatanan nga hitabo in ginhimo ha kinaadman niya nga nahibabaro han ngatanan nga mga butang.

25 Hi Adan in nakasala agud an tawo in magin sugad; ngan an tawo masugad, agud hira in magkamayada hin kalipay.

26 Ngan an Mesiyas in maabot ha igo nga panahon, nga hiya in magtubos han anak han katawhan tikang ha pakasala. Ngan tungod nga hira in tinubos tikang ha pakasala hira in nahimo matalwas ha kadayonan, nahibaroan an maupay tikang ha maraot; naglalarang ha ira kalugaringon ngan dire ginlaladngan, labot la kun pinaagi han sirot ha balaod ha bantugan ngan urhi nga mga adlaw, subay han mga kasugoanan nga iginhatag han Diyos.

27 Sanglit, an tawo in libre subay ha unod; ngan an ngatanan nga butang in iginhatag ha ira nga pagpulsan han katawhan. Ngan hira in libre nga magpili han katalwasan ngan kinabuhi nga waray katapusan, pinaagi han bantugan nga Magturuhay han ngatanan nga tawo, o, pilion an pagkabariga ngan kamatayon, subay han pagkabariga ngan gahum han yawa; kay iya gin-uungara nga an ngatanan nga mga tawo in magin makaloluoy sugad han iya kalugaringon.

28 Ngan yana, mga anak ko, ginhihingyap ko nga kamo sumiplat han bantugan nga Magturuhay, ngan manmati ha iya darayawon nga mga kasugoanan; ngan magin tangkod ha iya mga tugon, ngan pilion an kinabuhi nga waray katapusan, subay han kaburut-on han iya Baraan nga Espiritu;

29 Ngan ayaw pilia an waray katapusan nga kamatayon, subay han hingyap han unod ngan han maraot nga aada hito, nga naghahatag han gahum han espiritu han yawa agud magin bariga, agud madara kamo ha empiyerno, ngan hiya in magdudumara ha iyo ha iya kalugaringon nga ginhadian.

30 Ngan ginsiring ko ine nga pipira nga mga tugon ha iyo ngatanan, mga anak ko, ha urhi nga mga panahon han akon pagproyba; ngan ginpili ko an maupay nga mga bahin, subay han mga tugon han propeta. Ngan waray ako iba nga panuyo labot han waray katapusan nga kaupayan han iyo mga kalag. Amen.