1 Ngan yana, pamati, akon hinigugma nga kabugtoan, ha akon pag-bana-bana iyo gintirutimbang ha iyo mga abilidad hiunong han iyo bubuhaton katapos makasulod kamo han dalan. Pero, kundi, kay ano nga iyo ine gintitirutimbang nga mga nahuna-huna ha iyo mga abilidad?

2 Dire ba niyo nahinunumduman nga akon iginsumat ha iyo nga katapos niyo makarawat an Espiritu Santo makakagyakan kamo han pinulungan han mga anghel? Ngan yana, paonan-o kamo makagyakan han pinulungan han mga anghel labot la kun ito in tikang han Espiritu Santo?

3 An mga anghel in nagyayakan pinaagi han gahum han Espiritu Santo; sanglit, nagyayakan hira han mga tugon ni Cristo. Sanglit, nasiring ako ha iyo, magpiyesta kamo han mga tugon ni Cristo; kay kamatuoran, an mga tugon ni Cristo in magsusumat ha iyo han ngatanan nga mga hitabo nga iyo angay bubuhaton.

4 Tungod hine, ngan yana kahuman ko igyakan ine nga mga tugon, kun dire niyo mahisabotan, ine, tungod kay dire kamo naaro, ngan natuktok; tungod hine, dire kamo nadadara ha kalamragan, kundi kinahanglan nga mamatay ha kasisidman.

5 Kay ungod, nagsisiring liwat ako nga kun kamo in sumulod han dalan, ngan kumarawat han Espiritu Santo, igpapakita ha iyo an ngatanan nga mga hitabo nga angay niyo buhaton.

6 Kamatuoran, ine an doktrina ni Cristo, nga waray na doktrina nga ighahatag tubtub ngada han iya pagpakita ha iyo dida ha iya unod. Ngan kun magpakita hiya ngada ha iyo ha unod, an mga pulong nga iya igyayakan ha iyo in iyo bubuhaton.

7 Ngan yana ako, hi Nephi, dire magyayakan hin madamo; an espiritu in nagpupugong ha akon pagyakan, ngan ginbayaan ako agud magmasolob-on dara han kawaray pagtuo, ngan han pagkamakasasala, pagka-ignorante, kamatig-a han ulo han mga tawo; kay dire hira nagbibiling hin kaaram, o mahisabotan an dako nga kaaram, bisan kun ginhahatag ha ira hin malinaw, magin malinaw sugad hin usa nga panagna.

8 Ngan yana, akon hinigugma nga kabugtoan, ha pagkasabot ko iyo pa gintitirutimbang ha iyo mga kaburut-on; ngan nabibido ako nga kinahanglan ako magyakan ha iyo hine nga nahuna-huna. Mahitungod kay kun kamo in nanmamati han Espiritu nga nagtututdo han tawo nga mangadi, mahihibaro kamo nga kinahanglan gud kamo nga mangadi; tungod kay an maraot nga espiritu dire nagtututdo han tawo nga mangadi, kundi nagtutdo ha iya nga dire gud hiya mangadi.

9 Pero kundi, nagsiring ako ha iyo nga kamo in pirme mangadi, ngan dire manluya; ngan dire angay kamo magbuhat hin bisan ano nga buruhaton ngadto ha Ginoo kun dire anay mangadi ngadto han Amay ha ngaran ni Cristo, ngan iya pabaraanon an pagbuhat ngadto ha iya, nga an iyo ginbuhat in para han kaupayan han iyo mga kalag.