1 Ngan yana ako in naghihimangraw ha imo, Jose, akon puto. Ikaw in igin-anak ha kamingawan han akon mga kakurian; tinuod, ha bug-os nga kinabuhi han akon pinakadako nga kasubo in igin-anak ka han imo iroy.

2 Ngan unta an Ginoo in igpahinungod ine nga katunaan para ha imo, nga usa nga pinili nga tuna, para ha imo sorondon ngan sorondanon han imo tulin upod an imo kabugtoan nga mga lalaki, para ha kasiguradohan ha kadayonan, kun mahitabo nga imo susundon an mga kasugoanan han Usa nga Baraan ha Israel.

3 Ngan yana, Jose, akon puto, igingawas ha kamingawan han akon mga kakurian, unta in pagbendisyonan ka han Ginoo ha kadayonan, kay an imo tulin in dire ngatanan mapupuo.

4 Kay kamatuoran, ikaw in bunga han akon mga tulin; nga ako in tulin ni Jose nga dinara nga bariga ha Egipto. Ngan darayawon an mga kauyonan han Ginoo nga ginhimo niya kan Jose.

5 Tungod hine, ungod nga nakita ni Jose an aton henerasyon. Ngan naangkon niya an iginsaad han Ginoo, nga tikang han iya mga tulin mag-aalsa an Ginoo nga Diyos hin usa nga matadong nga sanga ha sulod balay ni Israel; dire an Mesiyas, kundi an sanga nga nababari, sugad man, mahinunumduman ha mga kauyonan han Ginoo nga an Mesiyas in maipakita ha ira ha urhi nga mga adlaw, ha espiritu hin kagamhanan, ngada han pagdad-a ha ira tikang ha kasisidman ngadto ha kalamragan — oo, tikang ha natatago nga kasisidman ngan pagkabariga ngada ha katalwasan.

6 Kay hi Jose in ungod nga nagpamatuod, nga nasiring: Usa nga tagakita in ig-aalsa han Ginoo nga akon Diyos; nga magigin pinili nga tagakita ngada han bunga han akon mga tulin.

7 Tinuod, ungod nga nagsiring hi Jose: Sugad han ginyakan han Ginoo ha akon: usa nga pinili nga tagakita in ig-aalsa ko tikang ha bunga han imo mga tulin; ngan hiya in tatagan hin dako nga pagtagad ha mga bunga han akon katulinan. Ngan ha iya ko ihahatag an kasugoanan ngan hiya in may buruhaton ha bunga han imo mga tulin, ha iya kabugtoan, nga magigin dako an kapulsanan ha ira, bisan ngada han pagdara ha ira ha kinaadman han mga kauyonan nga ginhimo ko ha iyo mga amay ha katulinan.

8 Ngan ihahatag ko ha iya an usa nga kasugoanan ngan waray hiya iba nga bubuhaton, labot han mga buruhaton nga iginsusugo ko ha iya. Ngan hihimoon ko hiya nga darayawon ha akon mga mata; kay bubuhaton niya an akon buruhaton.

9 Ngan hiya in magigin bantugan sugad kan Moises, nga diin akon iginsiring nga ig-aalsa ko ha iyo, ha pagtalwas han akon mga tawo, O sulod balay ni Israel.

10 Ngan hi Moises in akon igpapakatawo, agud magtalwashan akon mga katawhan tikang ha katunaan ha Egipto.

11 Kundi usa nga tagakita in igpapakatawo ko tikang ha bunga han iyo mga tulin; ngan ha iya ihahatag ko an gahum nga dad-on an akon tugon ngada han tulin ha iyo katulinan — ngan dire la ha pagdadara han mga tugon ko, siring han Ginoo, kundi agud mapamatuod ha ira an akon tugon, nga nahingada na ha ira.

12 Tungod hine, an bunga han iyo mga tulin magsusurat; ngan han bunga han mga tulin ni Juda magsusurat; ngan ito nga susuraton han bunga han imo mga tulin, ngan liwat hiton susuraton hiton bunga han mga tulin ni Juda, matubo pareho, ngadto ha ikagugupong han mga sayop nga mga doktrina ngan pagiwas han mga pagkahisughisug, ngan pagtindog hin kamingaw ha bunga han iyo mga tulin, ngan pagdara ha ira ha kahibaro han ira mga amay ha urhi nga mga adlaw, ngan liwat ha kahibaro han akon mga kauyonan, siring han Ginoo.

13 Ngan tikang ha kamaluya hiya in hihimoon nga makusog, hadto nga urhi nga adlaw kun san-o nga an akon buruhaton in magtitikang ha ngatanan nga mga tawo, ngadto ha pagpabalik ha iyo, O sulod balay ni Israel, an siring han Ginoo.

14 Ngan ha sugad nagtagna hi Jose, nga nagsiring: Kamatuoran adto nga tagakita in pagbebendisyonan han Ginoo; ngan hira nga maghihingyap nga hiya in patayon in magugupong; tungod kay ine nga panaad, nga akon naangkon tikang ha Ginoo, mahitungod han mga bunga han akon mga tulin, in matutuman. Kamatuoran, ako in sigurado nga ine nga panaad in matutuman;

15 Ngan hiya in tatawagon ha ngaran ko; ngan ine isusunod ha ngaran han iya amay. Nga hiya in masusugad ha akon; kay an butang, nga ipapagawas han Ginoo pinaagi han iya kamot, ha gahum han Ginoo in magdadara ha akon mga tawo hin katalwasan.

16 Oo, ngan sugad han panagna ni Jose: Nakakasiguro ako hine nga nahuna-huna, pareho han kasiguradohan ko han panaad ni Moises; tungod kay nagsiring an Ginoo ha akon, mamangnoan ko an imo tulin tubtub ha kadayonan.

17 Ngan nagsiring an Ginoo: Ako in mag-papakatawo hin usa nga Moises; ngan ihahatag ko ha iya an gahum ha usa nga tungkod; ngan igtutubyan ko ha iya an paghukom ha surat. Kundi dire ko huhubaran an iya dila, nga magyinakan hiya hin duro, kay dire ko hiya hihimoon nga maupay ha pagyakan. Kundi akon igsusurat ha iya an akon kasugoanan, pinaagi han tudlo han kalugaringon ko nga kamot; ngan maghihimo ako hin tagapagyakan para ha iya.

18 Ngan nagyakan liwat an Ginoo ha akon: Ako in mag-papakatawo ngadto han bunga han iyo mga tulin; ngan ako magaandam para ha iya hin usa nga tagapagyakan. Ngan ako, kamatuoran, magtutubyan ngadto ha iya nga isurat niya an kasuratan han bunga han iyo mga tulin, ngadto han bunga han iyo mga katulinan; ngan an tagapagyakan han iyo mga tulin in magsusumat hine.

19 Ngan an mga tugon nga iya isusurat in mga tugon nga may kapulsanan ha akon kinaadman nga angay mahingadto ha bunga han iyo mga tulin. Ngan adto in mahitatabo nga baga an bunga han iyo mga tulin in nanginyupo ha ira tikang ha tapo-tapo; kay maaram ako han ira pagtuo.

20 Ngan hira nanginyupo tikang ha tapo-tapo; ngan liwat, bisan an pagbasul han ira kabugtoan, bisan ha tubtub ha damo nga katulinan in maglabay ha ira. Ngan ito in mahitatabo nga an ira panginyupo in magpapadayon, bisan subay ha kun ano an ira mga saad.

21 Tungod han ira pagtuo an ira mga tugon in matikang ha akon baba ngadto ha ira kabugtoan nga bunga han iyo mga tulin; nga an kamaluya han ira saad in hihimoon ko nga makusog ha ira pagtuo, ngada ha pagpahinumdum han akon kauyonan nga ginhimo ko ha iyo mga amay.

22 Ngan yana, pamati, Jose anak ko, subay ha sugad hine nga pamaagi an akon amay nga tigurang in nagtagna.

23 Sanglit, pinaagi hine nga kauyonan ikaw in ginbendisyonan; kay an imo tulin in dire mapupuo, kay hira in mamamati han mga tugon ha libro.

24 Ngan mayada usa nga magawas nga magigin gamhanan ha ira, nga maghihimo han damo nga kaupayan, bisan ha pulong ngan binuhatan, tungod kay hiya in ginhimo nga garamiton han mga kamot han Diyos, nga may labaw nga pagtuo, agud mahimo in damo nga mga urusahon, ngan maghimo hin hitabo nga bantugan ha pagkita han Diyos, ngadto ha pagtuman han damo nga pagpabalik ha sulod balay ni Israel, ngan ngadto ha tulin han iyo kabugtoan nga mga lalaki.

25 Ngan yana, bulahan ka, Jose. Kamatuoran, ikaw in gutiay pa; sanglit mamamati ka han mga tugon han imo bugto nga hi Nephi, ngan ito in mahihimo ngada ha imo subay han mga tugon nga akon iginyakan. Hinumdumi an mga tugon han imo tikamaratay nga amay. Amen.