1 Ngan yana, ako, hi Nephi, in ginhuman ko an akon panagna para ha iyo, mga hinigugma ko nga kabugtoan. Ngan dire ko maisusurat kundi an gutiay la nga mga hitabo, adton mahinanabo la hin sigurado, in akon igsusurat labot la hin gutiay nga mga tugon nga ginyakan han akon bugto nga hi Jakob.

2 Sanglit, an mga pulong nga akon iginsurat in igo la para ha akon, labot la hin dire damo nga mga tugon nga akon igyayakan mahitungod han doktrina ni Cristo; sanglit, nagyayakan ako ha iyo hin dayag, subay han kadayag han akon panagna.

3 Kay an akon kalag in nalilipay han kadayag; kay hine nga paagi an Ginoo nga Diyos in nagbubuhat han iya buruhaton ngadto han anak han katawhan. Kay an Ginoo nga Diyos in naghahatag hin kalamrag nga mahisabotan; kay nagyayakan hiya ngadto han tawo subay han ira yinaknan, agud mahisabotan.

4 Sanglit, karuyag ko nga iyo hinumduman an akon iginyakan ha iyo mahitungod hadton propeta nga iginpakita ha akon han Ginoo, nga angay magbunyag han Kordero han Diyos, nga magkukuha han sala han kalibutan.

5 Ngan yana, kun an Kordero han Diyos, nga usa nga baraan, in kinahanglan mabunyagan ha tubig, agud matuman an ngatanan nga mga kasugoanan, O, hi kita pa ba nga dire baraan in kinahanglan mabunyagan liwat, ngan liwat, bisan pinaagi ha tubig!

6 Ngan yana, nagpapakiana ako ha iyo, mga hinigugma ko nga kabugtoan, ha ano nga paagi nga an Kordero han Diyos in nagtuman han ngatanan nga mga kasugoanan pinaagi han pagbunyag ha tubig?

7 Dire ba kamo maaram nga hiya in baraan? Pero ha luyo han iya pagigin baraan, iginpakita niya ha anak han katawhan, subay ha lawas hiya in nagpaubos ha iya kalugaringon ha atubangan han Amay, ngan iginpakita ha Amay nga hiya in magigin masinugtanon han pagsunod han iya mga kasugoanan.

8 Tungod hine, kahuman nga hiya mabunyagan ha tubig an Espiritu Santo in lumusad ngada ha iya ha porma hin usa nga sarapati.

9 Ngan nasugad, nga iginpakita han anak han katawhan an kasuok han dalan, ngan an kahaligot han purtahan nga ira susudlan, hiya in naghatag hin susbaranan ha ira atubangan.

10 Ngan hiya in nagsiring ngadto han anak han katawhan: Sumunod kamo ha akon. Sanglit, akon hinigugma nga kabugtoan, masusunod ba naton hi Jesus labot la kun dire kita magsunod han mga kasugoanan han Amay?

11 Ngan an Amay in nagsiring: Magbasul kamo, magbasul kamo, ngan magpabunyag ha ngaran han akon Higugmaon nga Anak.

12 Ngan liwat, an tingog han Anak in nahibatian ko, nga nasiring: Hiya nga nabunyagan ha akon ngaran, hiya in pagtatagan han akon Amay han Espiritu Santo, pareho ha akon; sanglit, sumunod kamo ha akon, ngan buhata an mga hitabo nga iyo nakita nga akon ginbuhat.

13 Sanglit, akon hinigugma nga kabugtoan, maaram ako nga kun magsunod kamo han Anak, nga may tim-os nga panuyo ha kasingkasing, ngan waray kasalinkapaw ngan waray paglimbong ha atubangan han Diyos, nga may tinuod nga panuyo, nagbabasul han mga sala, nagpapamatuod ha Amay nga kamo in nakaandam dad-on an ngaran ni Cristo, pinaagi han pagpabunyag — ngan liwat, pinaagi han pagsunod han Ginoo nga Manluluwas didto ha tubig, subay han iya mga mando, kamatuoran, iyo makakarawat an Espiritu Santo; ngan liwat, katapos maabot an pagbunyag ha kalayo ngan Espiritu Santo; ngan kamo in makakagyakan han yinaknan han mga anghel, ngan mag-guliat hin pagdayaw han Usa nga Baraan ha Israel.

14 Pero, pamati, akon hinigugma nga kabugtoan, ha hine umabot an tingog han Anak ha akon, nga nagsisiring: Katapos niyo magbasul han iyo mga sala, ngan magpamatuod ngadto han Amay nga kamo in karuyag magsunod han akon mga kasugoanan, pinaagi han pagbunyag ha tubig, ngan nakarawat an pagbunyag ha kalayo ngan Espiritu Santo, ngan makagyakan hin bag-o nga pinulungan, ngan liwat, bisan an pinulungan han mga anghel, nga kahuman hine igwaray bali ako, mauroupay pa kun waray niyo ako nakilala.

15 Ngan nahibatian ko an tingog han Amay, nga nagsisiring: Oo, ngan an mga tugon han akon Hinigugma in matuod ngan matinumanon. Hiya nga nag-antos ngada ha katapusan, hiya in matatalwas.

16 Ngan yana, akon hinigugma nga kabugtoan, maaram ako nga labot la kun an tawo in mag-antos ngada ha katapusan, han pagsunod han susbaranan han Anak han buhi nga Diyos, dire hiya matatalwas.

17 Sanglit, buhata an mga hitabo nga akon iginsumat ha iyo nga akon nahikit-an nga ginbuhat han imo Ginoo ngan Manurubos; ngan tungod hine nga panuyo iya iginpakita ha akon, nga mahibaro kamo han purtahan nga iyo susudlan. Kay an purtahan nga iyo susudlan in amo an pagbasul ngan pagbunyag pinaagi ha tubig; ngan katapos maabot an pagpasaylo han iyo mga sala pinaagi han kalayo ngan Espiritu Santo.

18 Ngan pagkatapos kamo in aada na ha suok ngan haligot nga dalan tipakadto han kinabuhi nga waray katapusan; oo, ngan nakasulod na kamo han purtahan; iyo na nabuhat an subay han mga kasugoanan han Amay ngan han Anak; nakarawat na niyo an Espiritu Santo, nga nagpapamatuod han Amay ngan Anak, ngada han katuman han mga saad nga iya ginhimo, nga kun kamo in sumulod ha hine nga paagi iyo ine makakarawat.

19 Ngan yana, akon hinigugma nga kabugtoan, katapos nga kamo in mahingadto hine nga suok ngan haligot nga dalan, magpapakiana ako kun an ngatanan in nabuhat na? Hipausa, nasiring ako ha iyo, nga Dire pa; tungod kay waray pa kamo pakaharani labot la han mga tugon ni Cristo nga mayada dire mababantad nga pagtuo ha iya, ngan naglalaum hin tim-os han mga kaluoy niya nga may kagamhanan hin pagtalwas.

20 Sanglit, kinahanglan kita nga magpadayon hin paglakat nga waray pagkabalhin kan Cristo, nga mayada hingpit nga kalamrag ngan paglaum, ngan paghigugma han Diyos ngan ngatanan nga tawo. Tungod hine, kun kamo in magpadayon, ngan magpiyesta han mga tugon ni Cristo, ngan mag-antos ngada ha katapusan, kamatuoran, ine an iginyakan han Amay: Kamo in magkakaada hin kinabuhi nga waray katapusan.

21 Ngan yana, pamati, akon hinigugma nga kabugtoan, amo ine an dalan; ngan waray iba nga dalan ngan ngaran nga iginhatag ha ilarum han langit para an katawhan in maialwas ha ginhadian han Diyos. Ngan yana, pamati, amo ine an doktrina ni Cristo, ngan amo la an tinuod nga doktrina han Amay, ngan han Anak, ngan han Espiritu Santo, nga uusa nga Diyos, nga waray katapusan. Amen.