1 At ngeni, makiramdam, kaluguran kung kapatad, palage ku minisip kong banayad karing pusu yu tungkul ketang dapat yung gawan kaibat yung linub king paralan. Dapot, lawan, bakit yo isipang banayad dening bage karing pusu yu?

2 Eyu agaganaka a sinabi ku kekayu a kaibat yeng tinggap ing Espiritu Santo makapagsalita kayu kareng amanu da reng angeles? At ngeni, makananu kayung makapagsalita king amanu da reng angeles nung e king kapamilatan na ning Espiritu Santo?

3 Ding angeles magsalita la king upaya na ning Espiritu Santo; anya pin, sasabian do ring amanu nang Cristo. Anya pin, sinabi ku kekayu, magsaya ko karing amanu nang Cristo; uling lawan, ding amanu nang Cristo sabian no kekayu ring eganaganang bage dapat yung gawan.

4 Anya pin, ngeni kaibat kong sinabi dening amanu, nung eyo aintindian iti uling eko maniawad, o eko kakatuk; at anya pin, eko midadala king masala, dapot dapat kong mawala king dalumdum.

5 Uling lawan, pasibayu sasabian ku kekayu nung lungub kayu kapamilatan ning dalan, at tanggapan ye ing Espiritu Santo, ipakit na kekayu ing eganaganang bage dapat yung gawan.

6 Lawan, iti ing doktrina nang Cristo, at ala nang doktrinang mibiye angga king kaibat nang pepakit ing sarili na kekayu king laman. At potang ipakit na ing sarili na kekayu king laman, ding bage a sabian na kekayu gawan yu la.

7 At ngeni, aku, i Nephi, ala na kung asabi pang dakal; ing Espiritu tiknang na ing pamagsalita ku, at melakuan kung magmalun uli ning kelan kapaniwalan, at ing karokan, at ing kamangmangan, at ing kasiasan dang buntuk ding tau, uling ela bisang manintun beluan, ni manintindi king maragul a beluan, neng biniye da karelang malino, kasing lino ning amanu.

8 At ngeni, kaluguran kung kapatad, daramdaman ku a mimisip ko pa karing pusu yu; at malulungkut ku a dapat kung magsalita tungkul king bage iti. Uling nung makiramdam kayu king Espiritu a tuturu king tau para manalangin abalu yu ing dapat kayung manalangin; uling ing marok a espiritu ene tuturu ing tau para manalangin, dapot tuturu ne a dapat eya manalangin.

9 Dapot, makiramdam, sasabian ku kekayu a dapat kong manalangin parati, at e ko mangaina; a eko gagawang nanumang bage para king Guinu nung eko menalangin king Ibpa king lagiu nang Cristo, bang gawan nang sagradu ing nanumang gawan yu para kekayu, bang ing gawan yu para king kapakanan na ning kaladua yu.