1 At ngeni magsalita ku keka, Jose, ing bunsu ku. Mibait ka king ilang king kakung kasakitan; wa, karing aldo ning kanakung maragul a kalungkutan ing indu mu penganak na ka.

2 At sana ing Guinu isagradu ne ing labuad a ini para keka mu naman, a pekamaulagang labuad, para king kekang mana at king mana da ring kekang bini a kayabe ring kapatad mu, para king kekang kaligtasan kapilanman, iti nung pamintuan mo ring kautusan ning Banal a Metung ning Israel.

3 At ngeni, Jose, bunsu ku, a dela kung palual king ilang king kakung kasakitan, sana ing Guinu panuanan na ka kapilanman, uling ding kekang bini ela lubusang malasak.

4 Uling lawan, ika ing bunga ning kakung katawan; at aku ing lahi nang Jose a midalang bihag king Ehipto. At dakila la ring pangaku na ning Guinu a gewa na kang Jose.

5 Anya pin, i Jose tutu nang ikit ing kekaming panaun. At menikua yang pangaku na ning Guinu, a manibatan karing bunga ning keang katawan ing Guinung Dios padala yang metung a mayap a sanga ning bale ning Israel; aliwa ing Mesias, dapot metung yang sangang mapakli, makanian man, mayalala ya karing pangaku na ning Guinu a ing Mesias mipakit ya karela king tauling aldo, king espiritu ning upaya, angga king pangapalual da king dalumdum papunta king masala — wa, lual ning makasalikut a dalumdum at lual ning pangaalipan papunta king kalayan.

6 Uling i Jose tutung migpatutu ya, a sasabing: Ing metung a propeta padala ne ning Guinu, a mepiling propeta karing bunga na ning kakung katawan.

7 Wa, i Jose tutung sinabi na: Anya sinabi ning Guinu kanaku: Metung a mepiling propeta ing padala ku manibatan king bunga ning kekang katawan; at makabukud yang igalang kareng bunga ning kekang katawan. At kea mibiye kung kautusan a gawa yang obra para kareng bunga ning kekang katawan, ding keang kapatad, a maging maragul yang ulaga karela, anggiyang king pamagdala karela king beluan da ring pangaku a gewa ku kareng ninunu ku.

8 At mibiye ku keang metung a kautusan a ala yang aliwang gawan a obra, nung e ing obrang iutus ku kea. At gawan keng dakila king kanakung panlalawe; uling gawan na ing obra ku.

9 At maging dakila ya anti i Moises, a sinabi kung ipadala ke keka, bang iligtas na la ring tau ku, O bale ning Israel.

10 At i Moises ipadala ke, bang iligtas nala ring kekang tau palual king labuad ning Ehipto.

11 Dapot metung a propeta ing ipadala ku ibat king bunga ning kekang katawan; at kea ibiye ku ing upaya bang ikalat na ing kanakung amanu karing bini ning kekang katawan — at e mu kabud king pamangalat ning kakung amanu, sinabi ning Guinu, nung e para amuyutan la king kakung amanu, a mikalat na karela.

12 Anya pin, ding bunga ning kekang katawan sumulat la; at ding bunga ning katawan nang Juda sumulat la; at ing isulat da ring bunga ning kekang katawan, at ding isulat da ring bunga na mu naman ning katawan nang Juda, at itang isulat da ring bunga ning kekang katawan, at makanian mu naman itang isulat da ring bunga na ning katawan nang Juda, miyabe lang dagul, king pamangulu karing e tutung doktrina at ituknang ing e pamikaintindi, at mitatag kapayapan kareng bunga ning kekang katawan, at idala la king beluan kareng ninunu da king tauling aldo, at king kabaluan kareng kanakung pangaku, sinabi ning Guinu.

13 At manibat king keinan meging masikan ya king aldo ita potang ing obra ku magumpisa karing anggang tau ku, angga king atalakad da kang pasibayu, O bale ning Israel sinabi ning Guinu.

14 At makanian menula ya i Jose a sasabing: Lawan, itang manulang ita panuanan ne ning Guinu; at ila a magnasang siran de maraig la; uling ining pangaku, a ikua ku king Guinu, kareng bunga ning katawan ku, matupad ya. Lawan, makasiguru ku king pangatupad na nining pangaku;

15 At ing lagiu na mayaus ya king lagiu ku; at iti makatuki ya king lagiu nang tata na. At ya maging anti ya kaku; uling ing bage, a ipalual ning Guinu king gamat na, king upaya ning Guinu yang magdala karing tau ku king kaligtasan.

16 Wa, makanian nang inulang Jose: Makasiguru ku kening bage iti, kalupa ning kasiguraduan ku king pangaku nang Moises; uling ing Guinu sinabi na kaku, sesen ko ring bini mu kapilanman.

17 At ing Guinu sinabi na: Mipadala kung metung a Moises; at miye kung upaya kea king metung a tukud; at miye kung kayatulan kea king sulat. Dapot eke malayang papagsalitan, bang magsalita yang dakal, uling eke gawang mayupaya king pamagsalita. Dapot isulat ke kea ing kakung batas, king taliri ning sarili kung gamat; at miye kung tagapagsalita para kea.

18 At ing Guinu sinabi na naman kaku: Mipadala ku karing bunga ning kekang katawan; at miye kung tagapagsalita para kea. At aku, tutu, miye ku kea bang isulat na la ding kasulatan da ring bunga ning kekang katawan, angga karing bunga na ning kekang katawan; at ing talapagsalita ning kekang katawan sabian na iti.

19 At ding amanung isulat na ila ring amanung makasaup king kanakung kabiasnan a dapat mikalat karing bunga ning kekang katawan. At iti mengari yang balamu ing bunga ning kekang katawan ginulisak ya karela menibatan king alikabuk; uling balu ku ing kasalpantayanan da.

20 At gulisak la manibatan king alikabuk; wa, anggiyang pamanisi kareng karelang kapatad, anggiyang kaibat da na ring dakal a salinlahing linabas karela. At milyari a, ing karelang gulisak misundu ya, anggiyang agpang king kamalinawan ning karelang amanu.

21 Uli na ning karelang kasalpantayanan, ding karelang amanu lumual la king asbuk ku angga karing kapatad da a bunga ning kekang katawan; at ing kainan da ring karelang amanu gawan ku lang masikan king karelang kasalpantayanan, angga king pamanalala da king kakung pangaku a gewa ku kareng kekang ninunu.

22 At ngeni, makiramdam, anak kung Jose, king paralan a ini ing matua kung ninunu menula ya.

23 Anya pin, uli na nining pangakung ini mipanuanan ka; uling ing kekang bini ela masira, uling makiramdam la kareng amanu na ning libru.

24 At ating mipadalang metung a mayupaya karela, a gawang dakal a kayapan, pareung king amanu at dapat, bilang metung a kasangkapan king gamat ning Dios, king maragul a kasalpantayanan, bang gawang mayupayang milagru, at gawan ne itang bage a dakila king panlalawe ning Dios, angga king papalyarian na ing pangabalik ning bale ning Israel, at angga karing bini da ring kekang kapatad.

25 At ngeni, nuan ka, Jose. Lawan, malati ka; anya pin makiramdam ka kareng amanu ning kekang kapatad, i Nephi, at matupad keka ding anggiyang agpang karing amanung sinabi ku. Ganakan la ring amanu na ning kekang magingalung tata. Amen.