Egesieri 19
Amarieta ya Abanephi ikomi na babere – – Ebatiso yabo – – Omoika Omochenu okarikwa – – Ogocha gwakabere kw’Omotoria – – Okorwa amasabo aisaine.
1. Erio ekero Yeso agenda igoro, erio omoganda ogachaka korwa aroro na kera omonto akamoira omokungu oye na abana baye na koirana ase enka yaye.
2. Na erio chikuma chikagenda ande onsi erio kegima, erio botaraira, nakoba egesunte, ng’a omoganda nomoroche Yeso na akabaorokereria, na boigo mambia nabe okweorokia ase omoganda oria.
3. Erio obotuko obwe erio chinkuma chikagenda are igoro ya Yeso; naboigo chigaika ase abanto abange na barenge ase enamba enenene bagakora emeremo emenene obotuko boria, ng’a mambia babe aase igaria Yeso aorokerete ase omoganda.
4. Erio ekero emambia yaika, omoganda ogacha amo, rigereria Nephi na momura omwabo oria abogetie korwa ase amakweri, ore korokwa Timotheo, na omwana oye okorokwa Jona, naboigo Mathoni, na Mathonihah, na kumeonhi, na Jeremia, na Shemnoni, na Jonasi na Zedekia, na Isana – – aba nabwo aborokigwa Yeso achorete – – erio egaika ekero bakogenda nagotenena egati y’omoganda.
5. Rigereria omoganda nigo orenge omonene oyio obakorete gwatananeka koba emebere ikomi nebere.
6. Na aba ikomi na babere bakaborokereria omoganda; erio amang’ana abo agakora amoganda gotungama inse na gosaba Tata ase erieta ria Yeso.
7. Naboigo aborokigwa bagasaba ase Tata goetera ase erieta ria Tata. Erio egaika engaki bakoimoka nakoborokereria abanto.
8. Na ekero bakora gokwana amang’ana aria Yeso akwanete – – tibasiria kende korwa ase amang’ana aria Yeso akwanete – – rigereria bagatung’ama inse na gosaba ase Tata goetera ase erieta ria Tata.
9. Na bakaba bagosaba ase keria baganetie; na nigo baganetie ng’a Omoika Omochenu obe ogocha ase bare.
10. Na ekero bakora gosaba bakagenda goika ase chingegu, chiamache, na omoganda okoba okobabwatia.
11. Erio egaika engaki Nephi akogenda ime ase amache na akaba okobatiswa.
12. Na akarwa ime ya amache na gochaka kobabatisa. Na akaba okobabatisa bonsi baria Yeso achorete.
13. Erio egaika engaki ekero bakobatiswa bonsi na bakaba bakorwa ase amache, Omoika Omochenu okobachera, na bakaba bagoichorwa n’Omoika Omochenu na omorero.
14. Na rigereria, bakaba bagoetananwa noborabu bonga buna omorero; na ogacha korwa igoro, na omoganda okoba kirori, na koorokia amang’ana; na amaraika korwa igoro na agachaka gokwana.
15. Erio egaika engaki ekero amaraika akoborokereria aborokigwa, rigereria erio Yeso agacha nagotenena agati yabo nakoborokereria.
16. Erio ekero akwana ase omoganda, na kobachika gotung’ama inse naende, naboigo aborokigwa baye bagatung’ama inse.
17. Erio ekero batungama inse bonsi, akabachika aborokigwa baye gosaba.
18. Erio bagachaka gosaba; na komosaba Yeso, ase okomoroka Omonene obo na Nyasae obo.
19. Erio egaika engaki Yeso akorwa egati yabo nakogenda ase engaki enke nakogenda are korwa ase bare nakogwa inse omonyene nagoteba:
20. Tata, mbuya mono ase okorwa Omoika Omochenu ase aba nachorire; na nase engencho begenire ime yane nakio nabachoreire korwa ase ense.
21. Tata nagosabire onyare kobaa Omoika Omochenu ase baria baregene amang’ana abo.
22. Tata, kwabaeire Omoika Omochenu ekiagera begenire ase inde; na kwarorire ng’a mbegenete ase inde ekiagera kwabaigure, nigo bagosaba aseinde, na nigo bagosaba ase inde asengencho inde nabwo.
23. Na bono Tata, nasabire igoro yabo, na bonsi baria baregene amang’ana abo, ng’a begene ase inde, erinde nario indabeime yabo buna aye ore ime yane, erinde tobe egento ekemo.
24. Erio ekero Yeso akora gosaba ase Tata, agacha ase aborokigwa baye na nigo barenge bagendererete gosaba, ase are; na tibabara amang’ana aria amange, ekiagera baetwe aria bagosaba, naboigo bakaba nokogania.
25. Erio Yeso akaba okobasesenia buna babete bagosaba ase are na obosio bwaye bokabagokera na oborabu bw’obosio bwaye bokababarera, na nigo bwarenge oborabu buna okomesa, na chiganchwa chiaye Yeso; na oborabu boria nigo bwabuete oborabu bwonsi, nonya kende tikeri kere ekerabu ase ense kere buna oborabu boria.
26. Erio Yeso akabatebia ng’a: Saba rioka; erio tibaba bagotiga gosaba.
27. Akairana konwa ase bare naende na kogenda ase egeka, nagutugama inse; erio agachaka gosaba ase ise nagoteba;
28. Tata mbuya ase ogosibia baria nachorire, ase okwegena, nabasabeire aba na barobwo baria baregene amang’ana abo erinde bacheneke ase inde, ase okwegena amang’ana abo, na buna bachenekire ase inde.
29. Tata, tinsaberetie ense korende baria kwang’eire korwa ase ense, ase engencho, yokwegena kwabo, erinde babe bagocheneka, erinde nario barabe ime yane buna aye ore ime yane, nario torabe nobomo, erinde inyare koegwa obonene ime yabo.
30. Erio ekero Yeso akora gokwana amang’ana aya; agacha ase abarokigwa baye, erio bakaba bagosaba mono batari gotiga, ase are; erio agaseka ase bare; erio bakaraba buna Yeso.
31. Erio naende egaika engaki ende akogenda ase egeka egeke na gosaba ase ise.
32. Romeme tirori rorakwane amang’ana aria asabete.
33. Erio omoganda okaigwa nakobogoria amariko; na chinkoro chiabo chikaigorwa bakanyara komanya ase chinkoro chiabo amang’ana aria asabete.
34. Aseigo amang’ana amanene asabete ayio batarigete, gose gwatorwa na omonto.
35. Erio ekero yeso akora ogosaba oko akagenda ase aborokigwa baye, nakobatebia ng’a: oko nokwegena naba nakwe intanyakorora ase Abayandi, aseigo tinkoretie ebikone ase bare ase engencho y’ogotegena kwabo.
36. Ekeene onde tari onyorire amang’ana amange buna inwe gose korora amang’ana amange buna inwe.