1. Erio ekero Yeso akora gokwana amang’ana aya, agakwana ase aborokigwa baye, oyomo ase oyomo nagoteba ase bare: Inee inaki moratebe igoro yane, ekero indagende ase Tata?

2. Na bonsi bagateba gotatiga baria batato nigo togoteba ng’a nyuma ekero twamenyire nabanto ase omeremo eye gwatorangeirie tokore nigo erabe ekoera bwango erio toche ase obonda bwao.

3. Mosesenigwe ekiagera morengereretie igoro yane, nyuma ekero mwakorire emiaka emerongo etano nebere na ebere erio imonyare gocha ase oborwoti bwane, na amo nainche imonyore ogotimoka.

4. Erio ekero akora gokwana agaonchoka ase baria batato nakobatebia inwe ninki na ninki indakore ase more ekero nkogenda ase Tata?

5. Erio bakaba nobororo ase emioyo yabo erio tibakwana gento ase are keria baganetie.

6. Namanyire ekimotagete ase ebirengererio biaino nigo moganetie ebinto biria Yohana omwanchwa oria orenge ase emeremo yane nyuma intaraimokererigwa igoro na Abayaudi, nigo monganetie.

7. Mosesenigwe mono na timokorora amakweri; imomonye ase okorora ogokora kwaye ase abanto aba, goika ebinto ebi bionsi biaikeranigwe koreng’ana nokobua kwa Nyasae ekero indache nokobua nechinguru chia’igoro.

8. Na timogochandeka obosareri bwa amakweri erio ekero indache nobonene imobe mogonchorwa ase okomiamia na okoramokia korwa omobere oyo goika omobere otagokwa; erio mobe mogosesenigwa ase obonda bwa Tata.

9. Na timokoba nobosareru nakomenya ase omobere, gose obororo gotatiga ase ogokora ebibe biense; na ning’ikeranie aya onsi koreng’ana nokogania kwaino erinde nario morarete emioyo emenge aseinde, ekero ense eratenene.

10. Na ase engencho aye imobe nomogoko omonene oisanegete na imobe mogoikaransa inse ase oborwoti bwa Tata: na omogoko oino nigo orabe omonene buna oyo Tata ang’ete; na imobe buna inche, inde na Tata nainche nigo tore abamo;

11. Na Omoika Omochenu nigo ogokwana igoro yane; na Tata nigo akorwa Omoika Omochenu ase engencho yane.

12. Erio ekero Yeso akwana amang’ana aya, agakuna kera oyomo nebiara biaye, gotatiga baria batato batigarete na erio akagenda.

13. Rigereria igoro ekaigorwa, na erio bakairwa igoro, bakarora na koigwa ebinto bitari gokwaneka.

14. Na bagakanigwa ng’a tibatora; natibaetwe nguru chinde chionsi ase ogwatora ebinto baroche nakoigwa;

15. Ntokomanya gose nigo barenge ase omobere gose yaya; korende nigo yaroregete ase bare buna ogonchorwa korwa ase omobere oyo gochia ase omobere bwekemoika na bakaba bakoimokia amang’ana a Nyasae.

16. Erio egaika egaki ekero bakoborokereria ase obosio bwense; naboigo tibayakwanete amang’ana aria baroche na koigwa, ase engencho ya amachiko baetwe igaria igoro.

17. Na bono, nonya barenge ase omobere gose ase ekemoika, korwa ase amatuko yogonchorwa kwabo timanyati;

18. Korende aya naro imanyete koreng’ana namang’ana aria naetwe – – erio bakagenda ase ense nakoborokereria abanto okoba amo ase obonge ase ekanisa; nabakegena okorandia okwo nakobatiswa, na erio buna abange babatisetwe bakanyora Omoika Omochenu.

19. Erio bakaba bakorutwa echera nabaria batarenge abekanisa. Na echera tiyabasiba aseigo nigo yatandogete ara kabere.

20. Erio bakagwa inse ase ense; erio bakaba bakayianga ense, na ase chinguru chi’Omonene bakarusigwa ase chiora chiense; natibaremete chingoro chisaine ase bare.

21. Ara gatato bakabekwa ase riera rinene na tibayia.

22. Ara kabere bakaba bakorutwa ase engoro yeching’iti chintindi; na rigereria bakaba bakogosoria neching’iti buna omwana nemanwa, na tibanyora koriegwa.

23. Erio egaika engaki bakogenda goika egati ya abanto ba Nephi na korandia enchiri ya Kristo ase abanto bonsi ase ense eria; erio bakaba bagwancha Omonene, naboigo bakaba bagocha amo ase ekanisa ya Kristo, na abanto bonsi bekegori keria bakaba bagosesenigwa koreng’ana nering’ana ria Yeso.

24. Na bono inche, Mormoni, inkaba ingokora enkwana igoro y’ebinto ebi ase engaki eye.

25. Rigeria kanya nabeire ang’e korika amarieta ya baria batanya korora amakweri, konende Omonene okanire; aseigo tinkobarika, ekiagere babisire korwa ase ense.

26. Korende rigereria nabarorire, na babeire mbakondanderia.

27. Na rigereria mbabe egati ya abanto bebisaku, na abanto bebisaku tibakobamanya.

28. Naboigo aya nabe ase egati ya abayandi, na abayandi tibakoyamanya.

29. Na nebe engaki egocha ekero Omonene aramanye ase obong’aini bwaye ng’a mbabe bakobaranderia baria bebisaku ebisiru bia Israel, na ase ebisaku bionsi biense nechimeme chionsi na abanto bonsi, na mbabarusie emioyo emenge korwa ase bare, ebirengererio biabo mbibe bigoikeranigwa, naboigo ase engencho yechinguru chinene chia Nyasae echio chire ase bare.

30. Na nigo bare buna amaraika a Nyasae, na onye bagosaba ase Tata ime ase erieta ria Yeso mbabe bakweorokia boka abanyene ase monto onde bwonsi oria okororekana ore omuya.

31. Aseigo emeremo y’ogokumia na emenene nebe egocha ase bare, nyuma rituko rinene riogocha ritaraika ekero abanto bonsi barabe bagotenena ase ekerogo giekina kia Kristo.

32. Nonya negati ya abayunani emeremo y’ogokumia ebeo ekorire nabwo, ase obosio bwekina.

33. Na onye mobwate amariko onsi aria abwate amang’ana onsi a Kristo, imobe mokomanya koreng’ana namang’ana a Kristo ng’a aya onsi goika ekeene ache.

34. Na okoragererigwa kobe asare oria otaigwe amang’ana a Yeso, amo na baria achorire na kobatoma ase more; na onde bwonsi otayanyoretie amang’ana a’Yeso na amang’ana aria abaria achorete; na boigo nabe ogotigua ase amatuko ayio;

35. Nigo yare koba buya onye ndiria bataiboretwe. Inee morengereretie ng’a imonyone obuya ase Nyasae oria ogechirie, oria kanya ogoeta ase amagoro ya abanto ng’a nario baranyore ogotoreka?

36. Nabono buna nakwanire igoro ya baria Omonene achorire, nonya mbaria bairetwe igoro, titomanyeti gose nigo basibetigwe na korwa ase omobere na gosoa ase omobere bw’ekemoika –

37. Korwa indika, nabeire inkomoboria Omonene na obeire okong’orokia ng’a nigo baonchoretwe emebere yabo, na goika nyuma bakwe;

38. Aseigo, gotanyora ogokwa goika ogonchoreria kobeo ase emebere yabo; ase ogochandeka nobosareru gose obororo, gotatiga ase ebibe biense.

39. Ogoonchoka oko tikori buna koria korabe ase amatuko yomoerio; naboigo Saitani takobanyara na tibakonyarwa gotemwa na nigo beng’wansete ase omobere, ekiagera nigo barenge abachenu, na chinguru chiense tichikobanyara.

40. Na aase aya nigo arenge atigarete goika rituko riekina ria Kristo; na ase rituko riria nigo barenge gocha konyora ogoonchoka okonene, na koirwa ase obonda bwa Tata batanyare gosoka, korende nigo barabe bakomenya amo na Nyasae kare na kare.