1. Erio egaika engaki akobachika korika amang’ana aria Tata aete Malaki, arabe okobatebia. Erio ekero arikwa, akaba okoyamenta ase bare. Na aya naro amang’ana akwanete ase bare nagoteba ng’a: Otebire, nintome omotomwa one na korosia enchera ase inde, erio Omonene oria mokorigia nabe ogocha ase ekaru, na omotomwa ase eira, oria ararete ime na nabe ogocha, otebire Omonene bwemeganda.

2. Korende oramenye ase rituko riogocha kwaye, na oratenene ekero gikoroka kwaye? Ere nigo anga omorosia omorero na buna riuro ri’esabuni.

3. Na nabe okoba omorosia bw’efetha; na nabachene abana ba Nephi, na kobakora buna ethahabu, na efetha, erinde nario bararwe ekeng’wanso ase Omonene ase oboikeranu.

4. Na ekeng’wanso kia Yuda na ekia Yerusalemu nkebe ekiya ase Omonene, buna amatuko akare na emiaka ya kare.

5. Erio ninchiche ang’e nainwe ase ekina; na nimbe mamincha ya abang’ainereria, na abatomani, na abare abarimo na mamincha ya baria abarianania, ababoraka na chintakana, na koirania abare abageni, na timonyiroka, otebire Omonene bwemeganda.

6. Aseigo ninche Nyasae otagoonchoka; aseigo inwe abana ba Yakobo motaramerwa.

7. Nonya nkorwa amatuko ya abaiso baino nigo more are nemeroberio yane, na na timoyerendetie. Irana aseinde nainche ning’irane ase more otebire Omonene bwemeganda. Korende nigo mogoteba ng’a inee ing’ai tokoirana gochia?

8. Inee omonto nanyare komoibera Nyasae? Na mwabeire mokong’ibera. Korende nigo mogoteba ng’a: twakoibeire? Ase etaisi na ekengwanso.

9. Mwaragererigwe ase okoragererigwa, ekiagera mwanyibeire, nonya nense eye engima.

10. Yerete etaisi yonsi ase enyomba y’Omonene, erinde enyare koba endagera ase enyomba yane na’Inteme bono morore otebire Omonene bwemeganda, onye tinkoigora chitirisa chiaigoro, na goitera ase more ogosesenigwa motanyare konyora ribaga mokobekerera.

11. Na nindagererie omosaria ase engencho yaino, na takoyasaria amatunda yomogondo; nonya nemesabibu yaino nebe ekorusia amatunda ase engaki ende yonsi ase omogondo, otebire Omonene bwemeganda.

12. Na kera egesaku nkebaroke abaseseneku, ekiagera imoire amaremo atari make, otebire Omonene bwemeganda.

13. Amang’ana aino kanya nigo agokwana mamincha yane, otebire Omonene. Naende imogendererete goteba ng’a: Ninki twakwanire mamincha yao?

14. Mwatebire ng’a: nigo ere bosa komokorerera Nyasae, na ninki twakonyekire ng’a ntoyerendete emeroberio na twagendire nokorera ase Omonene bwemeganda?

15. Na bono nigo tokobaroka abarori omogoko; baria bagokora obworo barurwe; nabaria bakomotema Nyasae barurwe.

16. Korende baria bamoirogete Omonene nigo bagokwana botambe barabwo ase barabwo, na Omonene aigugwa na aigwa; na egetabu giekeinyorio gekarikwa ase obosio bwaya ase engencho yabo baria bamoirogete Omonene, na korengereria erieta riaye.

17. Na imbabe abane, otebire Omonene bwemeganda, ase rituko ekero narosetie amameka; na nimbarende buna omonto akorenda omwana oye oria okomokorera.

18. Naboigo mobe mokoirana na gwatanana egati yamaya na amabe, egati ya baria bakomokorera Nyasae na oria otari komokorera.