1. Erio egaika emiaka emerongo kianda noyomo ekaera na nigo orenge omwaka bw’amagana ane korwa Lehi ayetiga Yerusalem na oyo nigo orenge omwaka ekero Lakoneusi are omonachi ebina omonene na omogambi bwense eria.

2. Erio Nephi, omwana o Helamani akang’anya korwa Zarahemula, nakomoa omwana oye Nephi chisemi, oyorenge omwana oye omotangi, igoro yechibao chie chifetha na amang’ana aria agachire ase obobisi korwa ase okong’anya kwa Lehi korwa Yerusalemu.

3. Erio akayetiga ense eyio, nakogenda ase monto atamanyeti, erio omwana oye Nephi akagacha amang’ana aye, amang’ana ya abanto aba.

4. Erio ekero kiomwaka bwemorongo kianda nebere, obobani bwa ababani bogachaka goikerana, erio ebirage bigachaka kororekana ebinene, na ebikone kworokigwa abanto.

5. Korende mbarengeo abange batebete ng’a engaki yaetire ekero aya agoikerana, aria akwanetwe na omobani Samuel omolamani.

6. Erio bagachaka kogokera abamwabo na goteba ng’a: Engaki yaetire na amang’ana a’Samuel tagoikerana; aseigo omogoko oino igoro ye ebinto ebi mbosa.

7. Erio bakabeka chinkuma ase ense eyio engima; na abanto baria begenete bagachaka kogechigwa ng’a ebinto biria biakwanetwe mbigocha.

8. Korende bakaba bakoganya ase rituko riria na obotuko boria, na rituko eri nigo rirabe buna rituko erimo koreng’ana buna oborabu mbwarengeo, erinde nario baramanye ng’a okwegena kwabo tikori okwabosa.

9. Erio egaika engaki abanyabibe bagochora rituko ng’a bonsi baria begenete ase amang’ana aya baitwe gotatiga ekerage giakorekanire keria kiarwetwe na omobani Samuel.

10. Erio egaika engaki ekero Nephi, omwana o Nephi akorora obworo bwa abanto aba omoyo oye nigobete nobororo mono.

11. Erio akaimoka nakogenda gotung’ama inse, na korera mono ase Nyasae oye ase engencho ya abanto aba baria barenge ang’e gosirigwa asengencho yokwegena amorokererio ya abaise babo.

12. Erio akaba okorera ase rituko rigima ase Omonene erio eriogi ri’Omonene rigacha ase inde rigoteba.

13. Gororokia omotwe oo na kabe nomoyo omuya; rora ensa yaikire na ase obotuko obo ekerage nkeorokigwe na mambia erinde inchiche ase ense, koborokia ase ense ng’a ning’ikeranie onsi aria naete ababani bakwane.

14. Rigereria nigo nachire inche bweka, erinde ing’ikeranie onsi aria namanyetie abanto korwa omochakano bwense, na gokora okobua gwa Tata na Omwana ekiagera omobere one. Rigereria ensa yaikire, na ase obotuko obo ekerage goika keorokigwe.

15. Erio egaika engaki amang’ana aria ase Nephi agoikerana, buna akwanetwe, buna erioba rikorimeria gesunte ngekoba aroro, erio abanto bagacha gokumia ekiagera obotuko bwachete na gesunte nkiaba.

16. Na barengeo abange betegenete amang’ana ya ababani; abwe bagwete inse bakaba buna baria bakure, ekiagera bamanyete ng’a okoroberia babegete ase baria begenete ababani gwasarekire, ekiagera ekerage keria kiarwetwe ng’ang’e igaa kere.

17. Erio bagachaka komanya ng’a Omwana o Nyasae ng’ang’e are aoroke; ase obuya, abanto bonsi ase ense engima korwa bosoongo gochia mocha naboigo korwa irianyi gochia sugusu, bakaba bagokumia mono ekagera bakagwa inse.

18. Mbamanyete ng’a ababani mbakwanete igoro yamang’ana aya ase emiaka emenge, na ebirage ebi biarwetwe nigo biarenge ang’e; erio bagachaka kwoboa asengencho yebibe biabo na ogotegena.

19. Erio omosunte toba aroro obotuko obwe obogima, korende oborabu bwarengeo nigo bwarenge buna mobaso gati; erio erioba rigatongia mambia naende koreng’ana buna ribanire rikore erio bakamanya ng’a eri nerituko riria omotoria akoiborwa, asengencho yebikone biabete bikoorokigwa.

20. Erio ebinto bionsi bikarorekana, koreng’ana nering’ana riababani.

21. Erio egaika engaki eng’enang’enia ekaoroka enyia, koreng’ana na amang’ana.

22. Erio oborimo bogachaka gocha ase egati ya abanto ba Saitani, ase ogokong’ia chinkoro chiabo, nakobatebia ng’a tibancha amang’ana aria baigwete na korora yebikone; korende gotenena ase oborimo obo na kobang’aina abanto gwancha korende bakaba bakwegena ase Omonene.

23. Erio egaika engaki nephi akogenda egati ya abanto abange na kobabatisa ebatiso yokoangama, abwo ase abange banyarete okwaberwa kwebibe erio naende abanto bagachaka koba nomorembe ase ense.

24. Erio koamererania tikwaba aroro gotatiga abake bachagete korandia na korigiarigia amariko gotaka komanya ng’a amachiko a Musa tari na ngencho naende. Asengencho eye bakarora bobe ase ogotaigwa amariko.

25. Erio bwango bakaba naende bagwancha na bagatantanigwa nobobe boria barenge ime ekiagera batebetigwe ng’a amachiko a Musa konya taraikeranigwa, aseigo goika aikeranigwe ase kera aase; nonya negetone tigegosira goika kiaikeranigwe; ase omwaka oyo bakaretwa ase obong’aini bw’obobe bwabo erio bakaba bakoorokia obobe bwabo.

26. Omwaka bwemerongo kianda na ebere ekoera, amang’ana amaya akaretwa ase abanto asengencho ye bikone biabete bigokoreka koreng’ana namang’ana ya ababani abachenu.

27. Erio egaika engaki omwaka bwemerongo kianda netato yomorembe, gotatiga abaibi ba Gadianton, abwe bamenyete ase ebitunwa na abwo bairete ense eyio; okobua kwabo nigo kwarenge ase bare na aase abo ng’a abanto tibababua; Aseigo bagakora ogoita okonge, na kobasiria abanto abange.

28. Erio ekero kiomwaka bwemenongo kianda nene bagachaka komenta mono, ase engencho barengeo abasaria abange ase Abanephi baria batigarete ase ense eyio.

29. Na erio oborori bokaba bokomenteka egati ya abalamani; na imbabwate abana abwo babete bagokina ase emiaka na bakaba betenenerete na koirwa amo na Bazorami, ase oborimo bwabo na amang’ana abo yoborimo erinde banyare gosoa ase abaibi aba ba Gadiantoni.

30. Erio Abalamani bagachandwa naende boigoigo okwogena kwabo gogachaka koirana inse amo noboikeranu bwabo asengencho yobonyaka bwabo bwekegori ekio.