1. Na ekeene nabatebirie, nabaeire ekemanyererio erinde monyare komanya ekero ebinto ebi birabe bigoikerana – – indanyare gosangereria ime korwa ase ogochandeka ogotambe abanto bane O enyomba ya Israel nechake naende ase Zayoni yane;

2. Na rigereria, ebi nabio ebinto ngokoa buna Omobwekano – – ekeene nagotebirie ng’a ebinto ebi nakwanire ase ore, na biria indakwane naende igoro yane, na Omoika Omochenu orarwegwe ase more na Tata, nobe okomanyekanigwa ase abanto bebisaku erinde nario baramanye igoro ya abanto aba abwe bare abatigari benyomba ya Yakobo, na abanto aba bane abwe barabe bagosiarerekana ase engencho yabo.

3. Ekeene, ekeene, nabatebirie inwe ng’a ekero ebinto biraorokigwe natata ase bare, naboigo nigo biraorokigwe na gocha ase more goetera ase Tata korwa ase bare gocha ase more.

4. Na nigo chire chisemi chia Tata ng’a imbabe ase ense eye, nakobekwa koba abasibore na Tata, erinde nario amang’ana aya ararwe ase bare nagocha ase oroiboro rwaino rotigarete, erinde nario eira y’Omonene Tata eraikerane eria ariete ase abanto baye enyomba ya Israel;

5. Aseigo, ekero emeremo eye eraretwe ase more igaa magega nigo erarwe ase abanto bebisaku, gocha ase oroiboro rwaino abwe baraonchoranwe ase engencho yebibe.

6. Aseigo etebire Tata ng’a nigo ararwe ase abanto bebisaku, erinde nario araorokie chinguru chiaye ase abanto bebisaku, onye tibagokong’ia emioyo yabo, na koangama na kobatiswa ase erieta riane na komanya chingencho amorokererio ane erinde nario baranyare kobarwa ase abanto bane, O enyomba ya Israel;

7. Na ekero ebinto ebi birache oroiboro rwaino, ndobe rokomanya amang’ana aya – – na nigo arabe ekiorokererio ase bare na komanya ng’a emeremo y’Omonene Nyasae yabeire egoikerana ase eira eria arierete enyomba ya Israel.

8. Na ekero rituko erio rigoika abarwoti mbabe bagosieka emenwa yabo; ekiagera aria bare gotebigwa imbayarore namaiso abo; na aria batanya koigwa imbayamanye.

9. Ase rituko riria ase engencho yane Tata nakore emeremo, eyio erabe eyogoichania na yogokumia ase bare; na mbabeo egati yabo bategene, abanto nababa bakobatebia.

10. Korende, obogima bwa abasomba bane nigo bore ase amaboko ane; aseigo tibakobachanda naboigo nabe okonywomwa nabwe. Na nimogwenie, na nimworokie ng’a nigo imbwate chinguru na obong’aini bwane nigo bobuete oboenenu bwekerecha.

11. Aseigo neike engaki ase oria otegenetie amang’ana ane, ng’a nigo inde Yeso Kristo, oyio Nyasae ararete ase abanto bebisaku, na komoa chinguru chiokomoreta ase abanto bebisaku, (nigo erabe buna Musa atebete) na imbanachwe korwa ase abanto bane abwe bare abeira.

12. Na abanto bane abwe bare abatigari ba Yakobo mbabe egati ya abanto bebisaku, ase egati yabo buna esimba ere egati yeching’iti ase orosana, buna chimanwa chiesibwori ase egati yechimanwa chiengondi echio onye okorwa aroro chiranyare goitwa nakobutorwa nagokorwa ebingese, na onde tari orakonye.

13. Na amaboko abo nabe akoimokigwa igoro ase ogosaria kwabo, na ababisa babo bonsi basirigwe.

14. Okoragererigwa ase abanto bebisaku; gotatiga baangamire, ekiagera engaki neike ase rituko riria, otebire Tata, erinde inyare kobutora chibarasi korwa ase obosio bwaino, na gosaria emeganda yaino yesegi;

15. Naboigo ninsarie enechie yaino ere ase ense yaino na koiyeria ebiteneneri biaye;

16. Na nimbarusie aroro abarogi bonsi korwa ase ense, na timokoba nagoteba konde gwonsi;

17. Na chinyasae chiabo nimbe ingochituguta, na chinyasae chiaino ninchisarie ase egati yaino, na gosaba tigokoba aroro koria kwemeremo ya amaboko aino;

18. Na nimbe ingosaria ebinto biaino egati yaino; aseigo nimbe ingosaria emechi yaino.

19. Erio egaika engaki oborimo bwensi na emeko yonsi, obobisa na obogenki bikorusigwa aroro.

20. Korende nebe egoika engaki, otebire Tata, ng’a onde bwensi otaangametie na gocha ase Omwana one omwanchwa, aba bonsi nimbanache korwa ase egati ya abanto bane O enyemba ya Israeli;

21. Na nimbe inkorwa oborwaire igoro ase bare koreng’ana buna abanyabibe, obwe botanya kororekana na koigugwa.

22. Konende onye bakoangama nakoigwa amang’ana ane na tibakong’ia, chinkoro chiabo, nimbe ingochaka ekanisa yane asebare nabarobwo imbabe bagosoa ase obobwatani bwane na kobarwa amo nabatigari ba Yakobo, ase bare nabaeire koba obomenyo bwabo;

23. Naboigo imbakonye abanto bane, abwe bare abatigari bayakobo na boigo nabange ase enyomba ya Israieli buna bagocha, erinde banyare koagacha omochi, oyio orarokwe Yerusalemu enyia.

24. Naboigo imbabakonye abanto bane koba amo, abwe basiarerekanate ase obosio bwense, nagosoa ime ya Yerusalemu enyia.

25. Erio chinguru chia igoro nchiche ase bare; nainche nimbe egati yabo.

26. Erio emeremo y’Omonene neoroke ase rituko erio, goika ekero enchiri erabe ekorandigwa ase abatigari ba abanto aba. Ekeene nabatebirie ng’a emeremo y’Omonene nebe ekoorokigwa ase abanto bane nonya nase ebisaku biria biasirete biria Omonene arusetie ime ya Yerusalemu.

27. Emeremo eye neorokigwe ase abanto bane baria bachecheirie, na Tata narosie enchera ase ogoetara gocha ase inde, erinde banyare komorangeria Tata ase erieta riane.

28. Erio emeremo nementwe n’Omonene, ase ebisaku bionsi, ase okobaroseria enchera yogoetera nagosangererekana ase enka yabo ime se ense yabo eyio ere obomenyo bwabo.

29. Naboigo imbabe bakorwa ase chinse chionsi; na tibakogenda korwa ase abwe, gose kogenda nokoiruruka nainche nimbe obosio bwabo, otebire Tata, nainche nimbae eng’eria yabo.