1 Dóó índa éí nááháasdzo yę́ę baa hodoolzhish: Hótaał, O doo oołchíinii, tʼáadoo ashíníłchíinii, haʼdíʼaahgo; dóó yéigo hadílgháásh, awééʼ tʼáadoo ńdiiʼnáaii; háálá íiyisíí ndaʼiichííh góneʼ doo ałchíihii baʼáłchíní éí asdzání ayéehii biláahgo ląʼí áłchíní dooleeł, ní Bóhólníihii.

2 Niníbaal siʼą́ągi hótsaago áhólééh, dóó bíniʼ biiʼ dabighanii bináheezbaalii deidíłtsʼǫǫd; łaʼ tʼáá biʼoh óhłéʼé lágo, niníbaal bitłʼóól nineezgo ádanileʼ dóó nistake daniłdzilgo ádanileʼ;

3 Háálá nishtłʼajígo dóó nishʼnáájígo chʼídoohjah, dóó naʼáłchíní éí Gentile dineʼé daabíhę́ę ńdeididoolééł dóó kin hadaalʼá doo yiiʼ dabaghanii yiiʼ ńdahidooʼnééł.

4 Tʼáadoo náníldzidí, háálá doo ádaa yádiníizįįł da; doo ndóʼ niʼ kónihidiʼdoolníił da, háálá baa yáhásinii doo biiʼ ndooháał da; háálá ániid nanináhą́ądą́ą́ʼ baa yáhasinii biiʼ tádííníyáhą́ą éí bee yidiyíínah, dóó baa yáhasinii biiʼ nisíníyáhą́ą doo béénílniiʼ da dooleeł, dóó naa áhásdįįd yę́ędą́ą́ʼ bá yá nínízinę́ę doo béénílniiʼ da dooleeł.

5 Háálá ánihiilaaí, nahastiin, Tʼáá ałtsoní bee Bóhólníihii wolyé; dóó niNináʼnídláii, Israel beʼAyóó Átʼéii—nahasdzáán tʼáá dasiʼą́ą́ ńtʼę́ę́ʼ biDiyin God biʼdiʼníi doo.

6 Háálá Bóhólníihii nihichʼįʼ ádííniid asdzání nahjįʼ kóbiʼdiilyaaí dóó yínííł naagháii nilínę́ędą́ą́ʼ, dóó hweʼesdzáán nileehę́ędą́ą́ʼ, dooda niʼdooʼniid yę́ędą́ą́ʼ, ní nihiDiyin God.

7 Háálá tʼóó kónízáhájįʼ éí yóó anihidiiʼą́, ndi ayóó átʼéego nihaa jiinishbaʼgo áłah ánánihideeshdlííł.

8 Tʼóó kónízáhijįʼ shá háchįʼgo nitsʼą́ąjįʼ shiniiʼ kwíínísin ńtʼę́ę́ʼ, ndi hoolʼáágóó joobaʼii bee naa jiinishbaʼ dooleeł, ní Bóhólníihii, nihiNináʼnídláii.

9 Háálá díí, éí Noah naagháhą́ądą́ą́ʼ tó yíląądgo, háálá íídą́ą́ʼ éí háadida doo tó nahasdzáán bił náádidoolkǫ́ǫł da dííniid, kótʼéego háadida éí doo nihichʼįʼ shá nááhodoochįįł da.

10 Háálá dził éí adadoodįįł dóó dah daaskʼidę́ę éí nahjįʼ kódadoolnííł, ndi shijoobaʼii éí doo nahjįʼ kódoolníił da, doo ndi sheʼakʼéhwiinidzin bee nihił ałhadadiʼnishtʼánę́ę doo nahjįʼ kódoolníił da, Bóhólníihii nihaa joobaʼígíí ání.

11 O nichʼįʼ nahwiisnáaʼii, níyoltsoh nanihiisxanii, dóó tʼáadoo nihíká eelwodii! Jó, nitseʼ ałʼąą átʼéego ndaashchʼąąʼii ndeeshnił, dóó tséghádiʼnídíín dootłʼizhii daʼílíinii ayaadi aheedeeshtłʼį́į́ł.

12 Dóó tséghádiʼnídínii daʼílį́ dalchiiʼii éí nitsésǫʼ ádeeshłííł, dóó tséghádiʼnídínii daʼílíinii éí dáńdítį́hí ádeeshłííł, dóó ndaneelʼą́ąjįʼ éí tsé danizhóní ałtaasʼéí bee ahéénínil dooleeł.

13 Dóó naʼáłchíní eí tʼáá ałtso Bóhólníihii ndabinitin dooleeł; dóó naʼáłchíní éí ayóó átʼéego kʼédanilį́į dooleeł.

14 Tsʼídá yáʼátʼéehii tʼéiyá bee hanidiʼdoolnííł; achʼįʼ nahwiiʼná éí tsʼídá nitsʼą́ą́ʼ nízaadi tʼéiyá hólǫ́ǫ doo háálá doo éiyá náníldzid da dooleeł, dóó bádahadzidii da háálá éí doo nihitʼáahjįʼ dadikáah da dooleeł.

15 Jó, tʼáá aaníí nihikʼijįʼ danilį́įgo ahíidookah, doo éí shí áshtʼį́į da dooleeł; háíshį́į́ nihikʼijįʼ danilíinii ahíidookahígíí éí chʼééh ádaazhdootʼį́į́ł nihiyáʼátʼéehii bąą.

16 Jó, shí atsidii kǫʼ biyiʼ tsííd deisołígíí íishłaa, dóó biyiʼdę́ę́ʼ bee naʼanishí yee naalnish dooleełígíí hayíʼą́; dóó bee naʼatseedii bee atídoolníiłgo íishłaa.

17 Bee ndaʼabaahii niniiyé ályaaii éí doo náás kódooníił da; dóó tsʼídá tʼáá ałtso ałʼąą dineʼé nihikʼijįʼ ándahwiiʼaahii yóó ádadoolnííł. Díí éí Bóhólníihii yá ndaalnishii biyáʼátʼéehii tʼáá ałkʼidą́ą́ʼ bidineʼé baa heesyáii átʼé, dóó biyáʼátʼéehii éí shí shitsʼą́ą́dę́ę́ʼ, ní Bóhólníihii