1 Ao e koro bukina bwa i mwin are e tia iai Aramwa n taetae nakoia kaain te ekaretia, are e kateaki n te kaawa ae Taraemera, e katabuia ibonga ao unimwaane, ni katokan baina iaoia ni kaineti nakon ana botaki te Atua, bwa a na tararua ao man kawakina te ekaretia.

2 Ao e koro bukina bwa uaake aki kaaina te ekaretia ma a rairinanoia man aia bure a bwabetitoaki nakon te rairannano, ao a bon butimwaeaki nako nanon te ekaretia.

3 Ao e koro naba bukina bwa ake a kaaina te ekaretia man aki rairananoia man aia buakaka ao man nanorinano i matan te Atua—I nanonia naake a tabekaki rake ni kainikatongan nanoia—boni ngaia ake a totokoaki, ao araia a kamaunaki, bwa e aonga n ae araia aikoa warekaki i buakoia ake a raoiroi.

4 Ao ikanne are a waaki ni katea babairean te ekaretia n te kaawa are Taraemera.

5 Ao I tangiria bwa kam na oota bwa ana taeka te Atua e bon kona n reke nakoira ni kabane, bwa akea ae e aki karekea te kona n ikotaki i marenaia n ongora n ana taeka te Atua.

6 Ma e ngae n anne ao natin te Atua a anganaki te tua bwa a na riai n ikoikotiia angiin te tai, n reitaki n te aki mamatam ao te tataro ae korakora ibukin maiuraoin tamneia ake aki ataa te Atua.

7 Ao ngkai e koro bukina bwa ngke Aramwa e a tia ni karaoi tua aikai, e kitania, eng, man te ekaretia are n te kaawa are Taraemera, ao e mwananga riaon mainikun te karaanga are Titan, nakon te mwarua are Kiteon, are iai te kaawa ae kateaki iai, are arana ana kaawa Kiteon, are e mena n te mwarua ae arana Kiteon, are e aranaki i mwin te mwaane are e tiringaki n te kabaang iroun Neooa.

8 Ao Aramwa e nako ao e waaki n taetaekina ana taeka te Atua nakon te ekaretia are e kateaki n te mwarua are Kiteon, n aron taian kaotioti ibukin koauan te taeka are a tia n taekinaki irouia ana bakatibu, ao n aron tamnein te taeka ni burabeti are e mena irouna, n aron koauan Iesu Kristo, natin te Atua, are e na roko ni kabooia ana aomata man aia bure, ao te botaki ae tabu are e a tia ni weteaki iai. Ao ngaia are e a koreaki. Amen.