1 Na planti profet ol i bin kam long ol de bilong Kom tu, na profesai olsem ol pipol bai bagarap olgeta sapos ol i no tanim bel, na tanim kam long Bikpela, na lusim ol pasin kilim man wantaim pasin nogut bilong ol.

2 Na em i kamap we ol pipol ol i bin les long ol profet, na ol i ronawe i go long Kom long em i lukautim, ol long wanem, ol pipol ol i bin traim long bagarapim ol.

3 Na ol i bin profesai long Kom planti samting, na Bikpela i bin blesim em long olgeta hap long ol de bilong em.

4 Na em i bin i stap longpela taim, na em i bin gat Siblom, na Siblom i bin rul long ples bilong em. Na brata bilong Siblom i bin sakim tok long em, na bikpela pait tru i stat long kamap long olgeta graun.

5 Na em i kamap we brata bilong Siblom i bin givim oda olsem olgeta profet ol i bin profesai long bagarap bilong ol pipol ol i mas kilim ol idai.

6 Na bikpela taim nogut tru i bin kamap long olgeta graun, long wanem, ol i bin tokaut olsem bikpela kes tru bai kam long graun, na tu long ol pipol, na olsem bikpela bagarap tru bai kamap namel long ol, kain bagarap i no bin kam ap bipo long pes bilong graun, na ol bun bilong ol bai bung antap long pes bilong graun, sapos ol i no tanim bel long pasin nogut bilong ol.

7 Na ol i no harim long nek bilong Bikpela, bikos long kainkain pasin nogut, olsem na, planti bikpela pait na tok pait wantaim planti taim bilong hangre na kainkain sik i bin kamap long olgeta graun, na bikpela bagarap tru i no bin lukim bipo long pes bilong graun i bin kamap, na olgeta long dispela i bin kamap long ol de bilong Siblom.

8 Na ol pipol i stat long tanim bel long pasin nogut bilong ol, na Bikpela i bin marimari long ol.

9 Na em i kamap we ol i bin kilim Siblom, na Set ol i bin kalabusim, em na em i bin i stap long kalabus long olgeta de bilong em.

10 Na em i kamap we Aha, pikinini bilong em, i bin kisim kingdom, na em i bin bosim ol pipol long olgeta de bilong em. Na em i bin wokim olgeta kainkain pasin nogut long ol de bilong em, we em i bin mekim planti blut long kapsait, na em i no bin i stap long longpela taim.

11 Na Item, bikos em wanpela tumbuna pikinini bilong Aha, olsem na em i bin kisim kingdom, na em tu i bin wokim pasin nogut long ol de bilong em.

12 Na em i kamap we planti profet ol i bin kam long ol de bilong Item, na ol i profesai gen long ol pipol, ye, ol i bin profesai olsem Bikpela bai bagarapim tru olgeta long pes bilong graun, sapos ol no tanim bel long pasin nogut bilong ol.

13 Na em i kamap we ol pipol bin kamap belhat long ol, na ol i no laik harim toktok bilong ol, na ol profet i bin sore na lusim ol pipol.

14 Na em i kamap we Item i bin save jas wantaim pasin nogut long olgeta de bilong em, na em i bin gat Moron. Na em i kamap we Moron i bin rul long ples bilong em, na Moron i bin wokim pasin nogut long ai bilong Bikpela.

15 Na em i kamap we wanpela sakim tok i bin kamap namel long ol pipol, bikos long dispela kainkain pasin nogut long hait, em i bin kirap long kisim pawa na samting bilong graun, na wanpela traipela man tru i bin kirap namel long ol long wokim pasin nogut, na i bin pait wantaim Moron, we em i bin daunim wanpela hap long kingdom, na em i bin lukautim wanpela hap long kingdom long planti krismas.

16 Na em i kamap we Moron i bin daunim em, na kisim kingdom gen.

17 Na em i kamap we narapela traipela man tru i bin kirap, na em i bin wanpela tumbuna pikinini long brata bilong Jaret.

18 Na em i kamap we em i bin daunim Moron na kisim kingdom, olsem na, Moron i bin i stap long kalabus olgeta hap long ol de bilong em, na em i bin gat Korianta.

19 Na em i kamap we Korianta i bin i stap long kalabus long olgeta de bilong em.

20 Na planti profet i bin kam long ol de bilong Korianta tu, na profesai long planti bikpela na naispela ol samting tru, na singautim ol long tanim bel long ol pipol, na God Bikpela bai jasim ol long bagarapim olgeta tru, sapos ol no tanim bel,

21 Na olsem God Bikpela bai salim, o bringim narapela pipol long kisim graun wantaim pawa bilong em, wankain olsem em i bin bringim ol tumbuna papa bilong ol.

22 Na ol i bin les long olgeta toktok bilong ol profet, bikos long tokhait sosaiti na pasin les nogut tru bilong ol.

23 Na em i kamap we Korianta i bin gat Ita, na em idai, bihain long em i bin i stap long kalabus long olgeta de bilong em.