1 Na em i kamap we bihain sua bilong Koriantuma i pinis, em i stat long tingim ol toktok bilong Ita i bin tokaut long em.

2 Em i bin lukim olsem klostu tu milen long ol pipol bilong em i bin idai pinis long naip bilong pait, na em i stat long sore long bel bilong em, ye, tu milen long ol strongpela man tru ol i bin idai pinis wantaim ol meri na pikinini bilong ol.

3 Em i stat long tanim bel long pasin nogut em i bin wokim, em i stat long tingim ol toktok ol i bin autim long maus bilong olgeta profet, na em i lukim ol, olsem ol i bin kamap tru i kam long dispela taim, olgeta toktok i bin kamap tru, na sol bilong em i bin sore na em i les long kisim gutpela bel.

4 Na em i kamap we em i bin raitim wanpela pas i go long Sis, na laikim long em olsem em bai larim ol pipol, na em bai givap long kingdom bikos long laip bilong ol pipol.

5 Na em i kamap we taim Sis kisim pas bilong em, em i bekim na raitim wanpela long Koriantuma, olsem em bai larim laip bilong ol pipol sapos Koriantuma bai givap em yet, inap long em bai kilim em wantaim naip bilong pait bilong em yet.

6 Na em i kamap we ol pipol i no tanim bel long pasin nogut bilong ol, na bel bilong ol pipol bilong Koriantuma i bin sikrap long belhat wantaim ol pipol bilong Sis, na bel bilong ol pipol bilong Sis ol i bin sikrapim long belhat wantaim ol pipol bilong Koriantuma, olsem na, ol pipol bilong Sis ol i bin pait wantaim ol pipol bilong Koriantuma.

7 Na taim Koriantuma lukim olsem em klostu pundaun long han bilong Sis em ronawe gen long pes bilong ol pipol bilong Sis.

8 Na em i kamap we em i bin kam long ol wara bilong Ripliankum, em i minim traipela tru, o long winim olgeta, olsem na, ol i bin sanapim haus sel bilong ol taim ol i kamap long ol dispela wara, na Sis tu i bin sanapim haus sel bilong em klostu long ol, olsem na ol i bin kam long pait long narapela de.

9 Na em i kamap we ol i bin pait nogut tru, we Koriantuma i bin kisim sua gen, na hap idai bikos em lusim blut.

10 Na em i kamap we ol ami bilong Koriantuma ol i bin strong tru long paitim ol ami bilong Sis na ol i bin winim ol, na mekim ol long ronawe long ai bilong ol, na ol i bin ronawe i go long hap bilong saut, na sanapim haus sel bilong ol long wanpela ples ol kolim Ogat.

11 Na em i kamap we ami bilong Koriantuma ol i bin sanapim haus sel bilong ol long liklik maunten Rama, na em i dispela wankain liklik maunten we papa bilong mi Momon i bin haitim ol rekot bilong Bikpela, we i holi.

12 Na em i kamap we ol i bin bung wantaim olgeta pipol long olgeta pes bilong graun, ol i no bin kilim, tasol i no Ita.

13 Na em i kamap we Ita i bin lukim olgeta pasin bilong ol pipol, na em i lukim olsem ol pipol ol bilong Koriantuma ol i bin bung wantaim ol ami bilong Koriantuma, na ol pipol ol bilong Sis ol i bin bung wantaim ol ami bilong Sis.

14 Olsem na, ol i bin bung wantaim ol pipol long fopela krismas, olsem ol bai kisim olgeta pipol ol i bin i stap long pes bilong graun, inap long ol bai kisim olgeta strong we ol i ken.

15 Na em i kamap we bihain olgeta long ol i bin bung wantaim, wanwan man long ami we em laikim wantaim ol meri na pikinini bilong ol—olsem ol man, meri na pikinini ol i bin gat ol samting bilong pait, na ol i bin gat ol samting bilong banisim long pait, ol brosplet na hetplet, na ol i bin pasim ol klos bilong pait—ol i go long bungim ol yet long pait, na ol i bin pait long olgeta de long dispela de, na ol i no winim.

16 Na em i kamap we taim nait i bin kam ol i bin skin taiet, na go bek long kem bilong ol, na bihain ol i go bek long kem bilong ol, ol i singaut na krai na sore bikos ol pipol bilong ol ol i bin kilim, ol na traipela krai tru, singaut na krai na sore bilong ol na win i bin pairap nogut tru.

17 Na em i kamap we ol i bin go long pait gen long narapela de, na dispela de i bin bikpela na nogut tru, tasol, ol i no win, na taim nait i bin kam gen ol i pairapim win wantaim krai, singaut long krai na sore long ol, bikos ol pipol bilong ol ol i bin kilim ol.

18 Na em i kamap we Koriantuma i bin raitim wanpela pas gen long Sis, na laikim olsem em bai i no inap kam gen long pait, tasol olsem em bai kisim kingdom, na larim laip bilong ol pipol.

19 Tasol lukim, Spirit bilong Bikpela i bin les pinis long i stap wantaim ol, na Satan i bin gat olgeta pawa long bosim bel bilong ol pipol, long wanem, ol i bin kamapim belhat bilong ol, na het bilong ol i bin pas long lukim olsem ol bai kisim bagarap, olsem na ol i bin go gen long pait.

20 Na em i kamap we ol i bin pait olgeta long dispela de, na taim nait i bin kam ol i slip antap long naip bilong pait bilong ol.

21 Na long narapela de ol i bin pait i go inap long nait i bin kam.

22 Na taim nait i bin kam ol i bin spak wantaim belhat, wankain olsem wanpela man i spak wantaim wain, na ol i bin slip gen antap long naip bilong pait bilong ol.

23 Na ol i bin pait gen long narapela de, na taim nait i bin kam olgeta ol i bin kilim ol wantaim naip bilong pait tasol faipela ten tu ol pipol bilong Koriantuma na sikispela ten nain ol pipol bilong Sis ol i no bin kilim ol.

24 Na em i kamap we ol i bin slip antap long naip bilong pait bilong ol long dispela nait, na ol i pait gen long narapela de, na ol i pait wantaim olgeta strong bilong ol wantaim naip bilong pait na samting bilong banisim ol long pait bilong ol, olgeta long dispela de.

25 Na taim nait i bin kam tripela ten tu ol pipol bilong Sis, na tupela ten seven ol pipol bilong Koriantuma ol i bin i stap.

26 Na em i kamap we ol i bin kaikai na slip, na redi long idai long tumora. Na ol lain ol i bikpela tru na traipela man olsem long strong bilong ol man.

27 Na em i kamap we ol i bin pait long tripela aua, na ol i bin hap idai bikos ol i bin lusim blut.

28 Na em i kamap we taim ol man bilong Koriantuma ol i kisim inap strong long wokabaut, ol i klostu ronawe long laip bilong ol, tasol lukim, Sis wantaim ol man bilong em ol i bin kirap, na em i bin tok tru antap long belhat bilong em, olsem em bai kilim Koriantuma, o em bai idai wantaim naip bilong pait.

29 Olsem na, em i bin bihainim ol, na abrusim ol long narapela de, na ol i pait gen wantaim naip bilong pait. Na em i kamap we taim olgeta pundaun wantaim naip bilong pait, tasol Koriantuma na Sis ol i bin i stap laip, lukim Sis i bin hap idai bikos em lusim blut.

30 Na em i kamap we taim Koriantuma holim long naip bilong pait bilong em na malolo, em katim op het bilong Sis.

31 Na em i kamap we bihain em katim op het bilong Sis, olsem Sis i bin kirap long tupela han bilong em, na bihain em i painim hat long pulim win, na em i idai.

32 Na em i kamap we Koriantuma i bin pundaun long graun, na kamap olsem em i nogat laip.

33 Na Bikpela i bin toktok long Ita, na tokim em: Go aut. Na em i go aut, na lukim olsem olgeta toktok bilong Bikpela i bin kamap tru, na em i pinisim rekot bilong em (na mi no raitim olgeta raitin bilong em) na em i bin haitim ol long kain pasin we ol pipol bilong Limhai ol i bin painim ol.

34 Nau ol laspela toktok Ita i bin raitim i olsem: Sapos Bikpela i laikim olsem em bai kisim mi wantaim skin, o olsem mi bihainim laik bilong Bikpela long skin, i nogat samting, tasol sapos mi kisim selvesen insait long kingdom bilong God. Amen.