1 Na nau mi, Moronai, i stat wantaim rekot bilong mi. Olsem na, lukim, em i kamap we bikos long kainkain pasin nogut long hait bilong Akis wantaim ol pren bilong em, lukim, ol i bin daunim kingdom bilong Oma.

2 Tasol, Bikpela i bin marimari long Oma wantaim ol pikinini man na meri ol i no traim long bagarapim em.

3 Na Bikpela i bin givim strongpela tok long Oma long driman olsem em mas lusim graun, olsem na Oma i bin go aut long graun wantaim famili bilong em, na wokabaut long planti de, na kam na abrusim liklik maunten bilong Sim, na kamap long ples we ol lain bilong Nifai ol i bin bagarapim, na long dispela hap, ol i bin go long hap bilong is, na kamap long ples ol i kolim Aplom, long nambis, na sanapim haus sel bilong em long dispela hap wantaim ol pikinini man na meri bilong em, na olgeta famili bilong em, tasol i no Jaret wantaim famili bilong em.

4 Na em i kamap we Jaret ol i bin anointim em long kamap king bilong ol pipol wantaim han bilong ol pasin nogut lain, na em i givim pikinini meri bilong em long Akis long maritim.

5 Na em i kamap we Akis i bin traim long kilim tambu papa bilong em, na em i askim ol lain we em i bin mekim ol long tok tru antap long bipo taim, na ol kisim het bilong tambu papa bilong em, taim em i sindaun long sia bilong king bilong em, na lukim na toktok wantaim ol pipol bilong em.

6 Long wanem, dispela pasin nogut na tokhait sosaiti ol i bin kamap bikpela tru long karamapim graun, olsem na em i bin mekim bel bilong olgeta pipol kamap nogut, olsem na ol i bin kilim Jaret taim em i sindaun i stap long sia bilong king bilong em, na Akis i bin rul long ples bilong em.

7 Na em i kamap we Akis i stat long jelas long pikinini man bilong em, olsem na, em i kalabusim pikinini bilong em long haus kalabus, na givim em liklik kaikai, o sampela taim nogat kaikai i go inap long em idai.

8 Na nau brata bilong em em idai (nem bilong em Nimra) em i bin belhat wantaim papa bilong em bikos long wanem papa bilong em i bin wokim long brata bilong em.

9 Na em i kamap we Nimra i bin bungim wanpela liklik namba long ol man wantaim, na ronawe i go long Oma na i stap wantaim em.

10 Na em i kamap we Akis i bin gat ol narapela pikinini, na inap ol pipol i bin mekim tok tru antap long em long wokim olgeta kainkain pasin nogut em laikim ol long wokim, tasol ol pikinini bilong em i bin winim bel bilong ol.

11 Nau ol pipol bilong Akis ol i bin sikrap long samting bilong graun, wankain olsem Akis i bin sikrap long pawa, olsem na, ol pikinini bilong Akis ol i bin givim moni long ol, we bai ol i pulim klostu olgeta pipol long bihainim ol.

12 Na wanpela bikpela pait i bin bruk namel long ol pikinini man bilong Akis na Akis, na dispela pait i bin i stap long planti krismas, ye, inap long bagarapim klostu olgeta pipol bilong kingdom, ye, tru tumas, olgeta pipol, tasol ol tripela ten pipol ol husat i no idai, wantaim ol pipol ol i bin ronawe wantaim haus bilong Oma ol i bin i stap laip.

13 Olsem na Oma ol i bin putim em bek gen long graun bilong em yet.

14 Na em i kamap we Oma i stat long kamap lapun, tasol em i bin gat Ima taim em i kamap lapun, na Oma i bin anointim Ima long kamap king long ples bilong em.

15 Na bihain em i anointim Ima long kamap king, Oma i bin lukim bel isi long graun long tupela krismas, na em i idai, em i bin lukim long planti day tru, sore i bin pulap. Na em i kamap we Ima i bin rul long ples bilong em, na bihainim ol lek mak bilong papa bilong em.

16 Na Bikpela i stat gen long rausim kes long graun, na sindaun bilong haus bilong Ima i kamap gutpela tru aninit long rul bilong Ima, na ol i kamap strongpela tru insait long sikispela ten tu krismas, na ol i kamap ol pipol bilong planti moni na ol samting tru—

17 Na ol i bin gat olgeta kainkain prut, rais samting, slika, gutpela klos tru, gol, silva na ol samting i dia tumas.

18 Na tu olgeta kainkain bulmakau, bul wantaim kau, na sipsip, pik, ol meme wantaim planti ol narapela kainkain animal em i gutpela long man long kaikai.

19 Na ol tu i bin gat ol hos, na donki, na ol elepen, ol kurelom, ol kumom wantaim olgeta kainkain animal em ol man ken yusim, na ol elepen, kurelom wantaim kumom i bin gutpela stret long ol man long yusim.

20 Olsem na Bikpela i bin kapsaitim ol blesin bilong em long dispela graun, em i nambawan graun tru long olgeta graun, na em i bin givim wanpela lo olsem husat man kisim dispela graun bilong em yet mas kisim long Bikpela, O em bai bagarapim ol olgeta taim ol i mau stret wantaim pasin nogut, bikos Bikpela i bin tok long kain lain olsem: Mi bai kapsaitim olgeta belhat bilong mi.

21 Na Ima i bin jasim ol samting wantaim stretpela pasin long olgeta de bilong em, na em i bin gat planti pikinini man na meri, na em i gat Koriantum, na anointim em long rul long ples bilong em.

22 Na bihain em anointim Koriantum long rul long ples bilong em, em i bin i stap long fopela krismas, na em i lukim bel isi long graun, ye, tru tumas, em i bin lukim Pikinini bilong Stretpela pasin, na amamas na glori long ol de bilong em, na em i idai wantaim bel isi.

23 Na em i kamap we Koriantum i bin bihainim ol lek mak bilong papa bilong em, na wokim planti siti, na minista long dispela ol samting em i gutpela long ol pipol bilong em long olgeta de bilong em. Na em i kamap we em i nogat pikinini i go inap long em i kamap lapun stret.

24 Na em i kamap we meri bilong em idai, bikos em i kamap wan handret na tu krismas. Na em i kamap we Koriantum i bin maritim taim em i lapun, wanpela yangpela meri, na i bin gat ol pikinini man na meri, olsem na em i bin i stap i go inap long em i kamap wan handret na fopela ten tu krismas.

25 Na em i kamap we em i bin gat Kom, na Kom rul long ples bilong em, na em i rul long fopela ten nain krismas na i bin gat Het, na em i bin gat ol narapela pikinini man na meri tu.

26 Na ol pipol i bin karamapim olgeta pes bilong graun gen, na pasin nogut i kamap bikpela tru gen long pes bilong graun, na Het i stat long bihainim ol tokhait plen bilong bipo taim gen long bagarapim papa bilong em.

27 Na em i kamap we em i daunim papa bilong em, long wanem, em i bin kilim papa bilong em wantaim naip bilong pait bilong em yet, na rul long ples bilong em.

28 Na planti profet i bin kam long graun gen, na singautim ol long tanim bel—olsem ol mas redim rot bilong Bikpela, nogut, kes bai kamap long pes bilong graun, ye, tru tumas, bikpela taim tru bilong hangre bai kam long bagarapim ol sapos ol no tanim bel.

29 Tasol ol pipol i no bilip long toktok bilong ol profet, tasol ol i bin tromoi ol i go ausait, na sampela bilong ol ol i bin tromoi ol i go insait long hul na larim ol long idai. Na em i kamap we ol pipol i bin wokim ol dispela samting long bihainim oda bilong king, Het.

30 Na em i kamap we bikpela taim tru bilong hangre i stat long kamap long graun, na ol pipol i stat long bagarap hariap tru bikos long taim bilong hangre, long wanem, nogat ren i bin kamap long pes bilong graun.

31 Na ol poisen snek tu i bin kamap long pes bilong graun, na ol i bin poisenim planti pipol. Na em i kamap we ol sipsip bilong ol i stat long ronawe long pes bilong ol poisen snek, i go long graun long hap bilong saut, em ol lain bilong Nifai ol i kolim Jarahemla.

32 Na em i kamap we planti bilong ol i bin idai long rot, tasol, sampela i bin ronawe i go long graun long hap bilong saut.

33 Na em i kamap we Bikpela i bin mekim ol snek olsem ol i no moa ronim ol, tasol olsem ol mas banisim rot na ol pipol bai i no inap go, olsem ol poisen snek bai kilim ol man ol i traim long go long graun long hap bilong saut.

34 Na em i kamap we ol pipol i no bihainim sipsip bilong ol, tasol kaikai ol sipsip ol i bin idai long rot, i go inap long ol i kaikai olgeta. Nau taim ol pipol lukim olsem ol i mas idai, ol i stat long tanim bel long pasin nogut bilong ol na singaut long Bikpela.

35 Na em i kamap we Bikpela i bin salim ren kam long pes bilong graun taim ol i daunim ol yet long ai bilong em, na ol pipol i stat long kisim strong gen, na planti prut i stat long karim long graun long hap bilong not, na long olgeta kantri raunabaut. Na Bikpela i bin soim pawa bilong em long ol long lukautim ol long taim bilong hangre.