1 Na nau mi, Moronai, i bin raitim ol toktok we mi bin tokim long raitim, olsem long tingting bilong mi, na mi bin tokim yu long ol samting we mi bin silim, olsem na noken tasim ol olsem yupela bai tanim tok, bikos dispela samting i bin tambu long yu, tasol, sapos long taim God bai makim long bikpela save bilong em.

2 Na lukim, yu bai gat rait long soim ol plet long ol lain ol bai halivim long bringim kam dispela wok;

3 Na ol samting bai soim long ol tripela lain wantaim pawa bilong God, olsem na, ol bai save trutru olsem ol dispela samting i tru.

4 Na ol dispela samting bai kirap long maus bilong ol tripela witnes, na long testimoni bilong ol tripela lain, na pawa wantaim toktok bilong God bai soim long dispela wok, em Papa, Pikinini wantaim Holi Spirit i witnes—na olgeta long dispela bai sanap olsem testimoni long graun long las de.

5 Na sapos ol tanim bel na kam long Papa long nem bilong Jisas Krais, ol bai kisim ol i go insait long kingdom bilong God.

6 Na nau, sapos mi nogat atoroti long ol dispela samting, yupela jasim, long wanem, yupela bai save olsem mi gat atoroti taim yupela bai lukim mi, na mipela bai sanap long ai bilong God long las de. Amen.