1 Cunan riqui, yalishca jipa ñuca, Jacob, ñuca llactapuracunata shimihuan ashtaca achil yachachishca cashcani, (na quilcai ushani ashtahuangari ashalla ñuca shimicunamanda, ñucanchi shimicuna cai jirru fangacunapi quilcangapa shinlli caimanda) ñucanchi yachanchimi ima cuzascuna ñucanchi jirru fangacunapi quilcashcacunaca tiangalla;

2 Ashtahuangari tucui cuzascuna ñucanchi na jirru fangacunapi quilcashcacunaca tucuringa maucayangapash; ashtahuangari ñucanchi quilcaita ushanchi huaquin shimicunata jirru fangacunapi, imata ñucanchi huahuacunaman cushun, ñucanchi juyashca huauquicunamanbash, shuj ashalla parteta ñucanchimanda yachanata, nacashpaca paicunapaj taitacunamanda—

3 Cunan cai cuzaspi ñucanchi cushijunchi; ñucanchi utsialla mascashpa ruranchi quilcangapa cai shimicunata jirru fangacunapi, shuyashpa ñucanchi juyashca huauquicuna ñucanchi huahuacunapash caicunata chasquichun pagui nishca shungucunahuan, caicunata liichun yachajui ushachunbash cushijuihuan na llaquirinahuan, na na ricunayachishpa, paicunapaj callari taitacunamanda.

4 Cai munaihuan ñucanchi quilcashcanchi cai cuzascunata, paicuna yachai ushachun ñucanchi Cristomanda yachashcata, ñucanchi charircanchi shuj shuyaita paipaj punchapambapi tauca patsaj huatacuna nara pai shamujpi; na ñucanchilla charircanchichu shuj shuyaita paipaj punchapambapi, ashtahuangari ñucanchipaj punda tucui achil villachijcunapash.

5 Riqui, paicuna Cristopi crirca paipaj shutipi Taitatapash adorarca, ñucanchipash Taitata paipaj shutipi adoranchi. Cai munaihuan ñucanchi Moiséspaj catichunbacha saquishcacunata alichinchi, caica ñucanchi almacuna paiman rinata ricuchin; caimanda ñucanchiman achilyachishca ali ruraipa, imashna yupashpa carca Abrahamman jichushca pambapi Diospaj mandashcacunata cazuj cajpi paipaj churi Isaacta achil cushpa, caica shuj ricuchij laya can Diosta paipaj Shujlla Churitapash.

6 Chaimanda, ñucanchi mascanchi achil villachijcunata, charinchipash tauca achil ricuchinacunatapash achil villachinapaj espíritutapash; tucui cai ricushpa nijcunata charishpa shuj shuyaita chasquingapa, ñucanchipaj fe shinlliman tigran, chashna ñucanchi ciertopacha Jesúspaj shutipi mandai ushanchi yuracunapash ñucanchita cazun, urcucunapash, jatun mama cochapaj caiman chaiman cuyurijcunapash.

7 Shina cajpipash, Apunchij Diosca ñucanchiman ricuchin ñucanchipaj irquiyaicunata ñucanchi yachachun caica paipaj ninan juyaimanda cajta, paipaj jatun achil juyaicunamandapash runacunapaj huahuacunaman, ñucanchi ushaita charinchi cai cuzascunata rurangapa.

8 Riqui, jatun juyaillapacha Apunchijpaj ruraicuna can. Na mascashpa tarinalla can paipaj na villashcacunapaj ucu ucucuna; caica na usharinllu ima runaca tucui paipaj ñangunata na tari ushangachu. Maijan runapash na yachangachu paipaj ñangunata paiman achil yachaj chayachishca cashpalla; chaimanda, huauquicuna, Diospaj achil ricuchinacunata ama millanayaichi.

9 Riqui, paipaj shimipaj ushaimanda runaca cai alpa jahuaman shamurca, cai alpaca rurashca carca paipaj shimipaj ushaimanda. Chaimanda, Dios parlai ushashca cajpica cai pacha carca, parlan runapash rurashca carca, Nacashpa jipa, imashpata cai pachata mandai ushanga, paipaj maqui rurashcata cai alpa jahuallapi, paipaj munashcahuan munashcauraspash?

10 Chaimanda, huauquicuna, Apunchijman yachachingapa ama munaichi, ashtahuangari japichi villashcacunata paipaj maquimanda. Riqui, cangunallata yachanguichi pai villajta jatun yachaipi, alicaipi, jatun llaquipipash, tucui paipaj rurashcacunapi.

11 Chaimanda, juyashca huauquicuna, paihuan ali tucushca caichi Cristo shujpa juchacunamanda huañunamanda, paipaj Shujlla Churi, canguna causarita chasqui ushanguichi, causarinapa ushaimanda chaica Cristopi can, Diosman rijsichishca cangapa Cristopaj callari fucushcacunatashna, feta charishpa, paipi chasquishpapash shuj ali shuyaita punchapambamanda nara aichapi pai ricurimujpi.

12 Cunan, juyashcacuna, ama ninanda manllarichichu ñuca cai cuzascunata villashcamanda; imashpata na parlasha shujpa juchacunamanda Cristo huañushcamanda, mascashpa chasquinapash paimanda shuj alipacha yachaita, shinallata mascashpa chasquinapash shuj causarinamanda yachaita shamuj pachatapash?

13 Riqui, ñuca huauquicuna, pi achil villachijpipash runacunapaj yuyaipi chasquinaman achil villachina; Espírituca na llullata parlan na llullanbash. Chaimanda, caica cuzascunamanda parlan caicuna imashnapacha cajta, imashnapacha cana cuzascunamandapash; chaimanda, cai cuzascuna ñucanchiman punchalla na pandanalla ricuchishcacuna can, ñucanchi almacuna quishpirichun. Ashtahuangari riqui, ñucanchilla cai cuzascunamanda ricushpa nijcuna na ñucanchilla canchi; imashpa Diosca parlarcapashmi punda achil villachijcunaman.

14 Ashtahuangari riqui, Judíocuna na cazuj llactapuracuna carca; paicuna millanayachirca punchalla na pandanalla shimicunatapash, achil villachijcunata huañuchircapash, mascarcapash cuzascunata paicuna na yuyaipi chasqui ushanata. Chaimanda, paicunapaj ñausa caimanda, cai ñausa caica shamurca ricuchishcata yalimanda, minishtirishcapacha can paicuna urmachun; Dios paipaj punchalla na pandanalla cuzascunata paicunata quichushca, na yuyaipi chasquinalla tauca cuzascunata paicunaman cushca, cai paicuna munaimanda. Paicuna caita munaimanda Dios shina rurashca, paicuna nitijai ushachun.

15 Cunan ñuca, Jacob, Espíritu mandahuan achil villachichun; ñuca yashpa ricuipi Espíritupaj ricuchijcunapi ñucapi can, Judíocunapaj nitijaimanda paicuna na cazunga rumita chai jahuapi paicuna huasichinma charinma alipi huasi shayachinata.

16 Ashtahuangari riqui, achil quilcashcacunamanda, cai rumica tigranga jatun tucurinamanpash, shujlla shinllipi shayachinapash, maijan chai jahuapi Judíocuna huasichi ushan.

17 Cunan, ñuca juyashcacuna, imashnashi caica canga, na crishca jipa shinllipi shayachinata, ushangachu huasichita imaurapash, cai ushachun minishtirishcapacha pirca tigranapi rumi?

18 Riqui, ñuca juyashca huauquicuna, ñuca yachaj chayachisha canman cai na villashcata; imamandapash, caita na rurashpaca, Espíritupi shinlli cai irquiyashpalla, nitijaimanda cangunamanda ninanda llaquirimanda.