Jacobpaj Quilcashca
Nefipaj Huauqui

1 Riqui, yalishca jipa picha chunga picha huatacuna yalishca carca Lehi Jerusalénda saquishca punllamanda; chaimanda, Nefi cuhuarca ñucaman, Jacob, shuj rurachunbacha saquishcata uchilla jirru fangacunamanda, cai jahuapi cai cuzascuna quilcashcacuna can.

2 Pai cuhuarca ñucaman, Jacob, shuj rurachunbacha saquishcata cai jirru fangacunapi quilcachun huaquin cuzascunata ñuca yaipi juyaillapacha canga yashcata; paipaj llactapuracunapaj imashna causashcataca ashatalla quilcachun, picuna Nefipaj llactapuracuna shutichishca carca.

3 Pai nihuarca paipaj llactapuracunapaj imashna causashca shuj jirru fangacunapi quilcashca canga, cai jirru fangacunataca ñuca alchishpa charina cani ñuca cati aillucunaman maquin maquin yalichingapa, shuj miraimanda cutishuj miraiman.

4 Yachachinacuna tiajpica chaicuna achilcuna cajpica, na cashpa achil ricuchi chai jatun cajpica, na cashpaca achil villachinacuna, caicunamanda minishtishcata cai jirru fangacunapi quilcasha, caicunamanda quilcachun usharishcatalla. Cristopaj ali cachun, ñucanchi llactapuracunapapash ali cachun.

5 Femanda ninan preocupaciónmandapash, ciertopacha ñucanchiman ricuchishca carca ñucanchi llactapuracunamanda, ima cuzascunami paicunata yalinamanda.

6 Ñucanchi charircanchipashmi tauca achil ricuchishcacunata, ashtaca achil villachinapaj espíritutapash; chaimanda, yacharcanchi Cristomanda paipaj reinomandapash, imami shamuna carca.

7 Chaimanda ñucanchi llactapuracunamanda utsia mascashpa rurashcanchi, paicunata crichingapa Cristoman shamuchun, Diospaj alicaita chasquichun, paipaj samanaman yaicuchun, ima layapira paipaj fiñaipi juranman paicuna ama yaicuchun, munachinapishna tentaciónpaj punllacunapi imaura Israelpaj huahuacuna jichushca pambapi carca.

8 Chaimanda, munanchiman Dios ñucanchi tucui runacunata crichinchiman Diosta cazuchun, paita fiñachingapa munashpa, ashtahuangari tucui runacuna Cristopi crishcanman, paipaj huañuita aliguta yachun, paipaj cruzta llaqui yalichun cai pachapaj pingaita apachun; chaimanda, ñuca, Jacob, japini ñucapi pactachingapa ñuca huauqui Nefipaj rurachunbacha saquishcata.

9 Cunan Nefi rucuyai callarirca, pai ñalla huañugrijujta ricurca; chaimanda, pai ungirca shuj runata jatun mandaj cachun paipaj llactapuracunapa shuj mandaj cachun cunan, imashna jatun mandajcunapaj reinadomanda.

10 Llactapuracuna Nefita ninandapacha juyashca carca, paicunapaj shuj jatun huacaichij cashca carca, Labánpaj espadata paipaj maquihuan japirca paicunata mitsangapa, trabajashca carca paipaj tucui punllacunapi paicunapa alicachun—

11 Chaimanda, llactapuracuna munashca carca paipaj shutita yarishpa charingapa. Maijan paipaj pushtupi mandajca paipaj llactapuracunahuan shutichishca canga, Cati Nefi, Catipaj Cati Nefi, ashtahuanbash, jatun mandajcunapaj reinadocunahuanbash; llactapuracuna shina shutichishca carca, paicuna ima shuticuna cajpipash.

12 Yalishca jipa Nefi huañurca.

13 Cunan llactapuracuna picunami na Lamanitacuna cashcacuna Nefitacuna carca; shina cajpipash, paicuna shutichirishca carca Nefitacuna, Jacobitacuna, Josefitacuna, Zoramitacuna, Lamanitacuna, Lemuelitacuna, Ismaelitacunapash.

14 Ashtahuangari ñuca, Jacob, cunanmanda chaiman paicunapaj shuticunapi na rijsishachu, ashtahuangari ñuca paicunata Lamanitacunapi shutichisha maijan Nefipaj llactapuracunata tucuchingapaj mascajcunataca, maijan Nefihuan alicajcunataca Nefitacunapi shutichisha, nacashpaca Nefipaj llactapuracuna, jatun mandajcunapaj reinadocunamanda.

15 Cunan yalishca jipa, Nefipaj llactapuracunaca, cati jatun mandajpa reinadopica, paicuna shinlli shungucuna cangapaj callarirca, paicunallata quimirirca ashalla na ali ruraicunaman, tauca huarmicunata charingapa munarca, chaishu huarmicunatapash, punda Davidshna, paipaj churi Salomónshnapash.

16 Ari, mascai callarircapash ashtaca curita, culquitapash, vichai alsari callarirca ashalla jariyaipi.

17 Chaimanda ñuca, Jacob, paicunaman cai shimicunata villarcani, achil huasipi yachachijushpa, mandashcata callari chasquishca cashcajpi Apunchijpamanda.

18 Ñuca, Jacob, ñuca huauqui Josépash achil ajllashca carcanchi cai llactapuracunapaj sacerdotecuna yachachijcunapash cangapa, Nefipaj maquimanda.

19 Jatunyachircanchi ñucanchi oficiota Apunchijpaj ñaupapi, ñucanchipi japishpa cai ruranata, llactapuracunapaj juchacunata ñucanchi umacunaman tigrachishpa Diospaj shimita na tucui rurariajcunahuan yachachishpaca; chaimanda, ñucanchi ushaihuan rurashpaca paicunapaj yahuar na ñucanchipa churajunacunata jicharingachu; shuj layapica paicunapaj yahuar ñucanchi churajunacunapi jicharinga, chai tucuri punllapi ñucanchi na ricurishunllu mapa illa.