Shapita 1Amalona udi wambila Molomo bitangila miandiku ya tshijila—Mvita idi ituadija pankatshi pa Bena Nefi ne Bena Lamana—Mukalenga udi wangata Bena Nefi basatu—Bubi, dipanga ditabuija, mipongo, ne buloji bidi bitampakana. Pabuipi ne 321–326 p.d.K. Shapita 2Molomo udi ulombola misumba ya basalayi ya Bena Nefi—Mashi ne dishipangana dikola bidi bikomba buloba—Bena Nefi badi badilakana ne badi badila kanyinganyinga ka bantu badi bapîshibua—Dituku diabu dia ngâsa dikadi dipita—Molomo udi wangata bitata bia Nefi—Mvita idi itungunuka. Pabuipi ne 327–350 p.d.K. Shapita 3Molomo udi ubila kudi Bena Nefi bua kukudimuna mutshima—Badi bapeta butshimunyi bunena ne badi baditumbisha bua makanda abu—Molomo udi ubenga bua kubalombola, ne masambila enda buabu ka’ena ne ditabuija to—Mukanda wa Molomo udi ubikila bisa dikumi ne bibidi bia Isalele bua kuitabuija lumu luimpa. Pabuipi ne 360–362 p.d.K. Shapita 4Mvita ne dishipangana bidi bitungunuka—Bantu babi badi bapesha bantu babi dinyoka—Bubi budi butampakana mu Isalele monsu bupita bukola bua diba dikuabu dionsu kumpala—Bakaji ne bana balambudibua kudi mpingu—Bena Lamana badi babanga kukomba Bena Nefi kumpala kuabu. Pabuipi ne 363–375 p.d.K. Shapita 5Molomo udi ulombola kabidi misumba ya basalayi ya Bena Nefi mu mvita ya mashi ne dishipangana dikola—Mukanda wa Molomo neulua bua kuitabujija Isalele yonsu ne Yezu udi Kilisto—Bua bualu bua dipanga ditabuija diabu, Bena Lamana nebatangalajibua, ne nealekela kukuata nabu mudimu—Ne bapetela lumu luimpa kudi Bena Bisamba bia Benda mu matuku a ku ndekelu. Pabuipi ne 375–384 p.d.K. Shapita 6Bena Nefi badi badisangisha ku bulaba bua Kumola bua mvita ya ndekelu—Molomo udi usokoka miandiku ya tshijila mu kakuna ka Kumola—Bena Lamana badi batshimuna, ne badi babutula tshisamba tshia Bena Nefi—Binunu nkama bia bantu bidi bishipibua ku muela wa mvita. Pabuipi ne 385 p.d.K. Shapita 7Molomo udi ulomba Bena Lamana ba matuku a ku ndekelu bua kuitabuija mu Kilisto, kuitaba lumu luimpa, ne kupandishibua—Bonsu badi bitabuija Bibiliya nebitabuija kabidi Mukanda wa Molomo. Pabuipi ne 385 p.d.K. Shapita 8Bena Lamana badi bakeba Bena Nefi ne bababutula—Mukanda wa Molomo neulopokela ku bukola bua Nzambi—Moloni udi wela mulawu badi bikala baleja tshiji ne luntûta kudi mudimu wa Mukalenga—Miandiku ya Bena Nefi neilopoka mu dituku dia bubi, dia mbipilu wa ngikadilu, ne dipambuka. Pabuipi ne 400–421 p.d.K. Shapita 9Moloni udi ubikila bantu badi kabayi bitabuija mu Kilisto bua kukudimuna mutshima—Udi uyisha Nzambi wa bishima, udi upesha mabuluila ne upumuina badi ne lulamatu mapa ne bimanyinu—Bishima bidi bijika bua bualu bua dipanga ditabuija—Bimanyinu bidi bilonda badi bitabuija—Moloni udi ukankamija bantu bua bikala ne lungenyi ne balama mikenji. Pabuipi ne 401–421 p.d.K.