Mosiya

Mukanda wa Molomo

Contents
Tshibangilu ne Bajadiki
1 Nefi
2 Nefi
Yakoba
Enosha
Yaloma
Omoni
Miaku ya Molomo
Mosiya
Alama
Helamana
3 Nefi
4 Nefi
Molomo
Etele
Moloni
Bulondi bua Bifundilu bia Mukanda wa Molomo

Mosiya

Shapita 1
Mfumu Benyamina udi ulongesha bana benda muakulu ne mambi a batatuabu—Ntendelelu wabu ne nshidimukilu wabu bivua bikubibua bua bualu bua miandiku ivua milamibua pa bitata bishilangana—Mosiya wasungidibu bu mfumu ne wapeshibua bulami bua miandiku ne bintu bikuabu. Pabuipi ne 130–124 k.d.K.
Shapita 2
Mfumu Benyamina udi wakula kumpala kua bantu benda—Udi ulonda bujalama, dipanga dia kansungansunga, ne bulombodi bua nyuma mu bumfumu buenda—Udi ubabela bua kusadila Mfumu wabu wa mu Diûlu—Badi batombokela Nzambi nebakenga ne dipampakana bu kapia kadi kakayi kajima to. Pabuipi ne 124 k.d.K.
Shapita 3
Mfumu Benyamina udi utungunuka ne kuakula kuenda—Mukalenga wa Bukola Bonsu neasadila munkatshi mua bantu mu tshitanda tshia dîma—Mashi neapatuka mu kasosu konsu ka mubidi pakapikulaye bua mibi ya ba pa buloba—Lupandu ludi luluila amu ku dîna dienda—Bantu badi mua kulekela bumuntu bua panu ne kulua Bansantu ku njila wa Mulambu wa Mashi a Tshijila—Mpaji ya bantu babi neikala bu dijiba dia kapia ne nsufulu. Pabuipi ne 124 k.d.K.
Shapita 4
Mfumu Benyamina udi utungunuka ne diakula dienda—Lupandu ludi lulua bua bualu bua Bupikudi—Itabuijayi Nzambi bua kupandishibua—Lamayi dilekedibua dia mibi yenu ku njila wa lulamatu—Abanyinanganayi lupetu luenu ne bapela—Enzayi bintu bionsu ne lungenyi ne mu bulongolodi. Pabuipi ne 124 k.d.K.
Shapita 5
Bansantu badi balua bana ba baluma ne bana ba bakaji ba Kilisto ku njila wa ditabuija—Badi babikidibua mu dîna dia Kilisto—Mfumu Benyamina udi ubakankamija bua bikala basuminyina ne kabanyunganyi mu midimu mimpa. Pabuipi ne 124 k.d.K.
Shapita 6
Mfumu Benyamina udi wandika mêna a bantu ne usungula bakuidi bua kubalongesha—Mosiya udi ukôkesha bu mfumu muakana. Pabuipi ne 124–121 k.d.K.
Shapita 7
Amona udi ujandula bulaba bua Lehi-Nefi, kudi Limihi muikala mfumu—Bantu ba Limihi badi mu bupika kudi Bena Lamana—Limihi udi ulonda malu abu a kala—Muambi umua (Abinadi) uvua mujadika ne Kilisto udi Nzambi ne Tatu wa bintu bionsu—Badi bakuna bukoya ne banowa mvunda, ne badi beyemena kudi mu Mukalenga nebapatuishibua. Pabuipi ne 121 k.d.K.
Shapita 8
Amona udi ulongesha bantu ba Limihi—Udi umvua bua bitata makumi abidi ne binayi bia Bena Yalede—Miandiku ya kala idi mua kuandamunyibua kudi bamonyi—Kakuena dipa didi dipita dia bumonyi to. Pabuipi ne 121 k.d.K.
Shapita 9
Zenife udi ulombola tshisumbu kumbuka ku Zalahemela bua kuya kuasa mu bulaba bua Lehi-Nefi—Mfumu wa Bena Lamana udi ubapesha dianyisha bua kupiana bulaba—Kudi mvita pankatshi pa Bena Lamana ne bantu ba Zenife. Pabuipi ne 200–187 k.d.K.
Shapita 10
Mufumu Lamana wafu—Bantu benda badi bapala ne bena tshikisu ne badi bitabuija ngikadilu ya mashimi—Zenife ne bantu benda badi babatshimuna. Pabuipi ne 187–160 k.d.K.
Shapita 11
Mfumu Noa udi ukôkesha ne bubi—Udi usankila mu nsombelu mubi wa ne bakaji ne bakaji ba ku mpenga babakibua benda—Abinadi udi wamba ku Nyuma ne bantu nebakuatshibua ku bupika—Mfumu Noa udi ukeba moyo wenda. Pabuipi ne 160–150 k.d.K.
Shapita 12
Badi bela Abinadi mu lukanu bualu uvua muamba ku Nyuma bua dinyanguka dia bantu ne lufu lua mfumu Noa—Bakuidi ba mafi badi batela mifundu ya Nzambi ne badi badinga ne badi balama mikenji ya Mose—Abinadi udi ubanga kubalongesha mikenji dikumi ya Nzambi. Pabuipi ne 148 k.d.K.
Shapita 13
Bukola bua bunzambi budi bulama Abinadi ku njiwu—Udi ulongesha Mikenji Dikumi ya Nzambi—Lupandu kaluena luluila ku mikenji ya Mose nkayayi to—Nzambi nkayenda neenza bupikudi bua kusungila bantu benda. Pabuipi ne 148 k.d.K.
Shapita 14
Yeshaya udi wakula bitangila Mashiya—Udi uleja dipuekeshibua ne makenga a Mashiya—Mashiya udi ufila anyima wenda bu mulambu bua kufuta nawu bua mibi ya bantu ne udi ulumbuluila basambuki ba mikenji—Fuanyikijayi ne Yeshaya 53. Pabuipi ne 148 k.d.K.
Shapita 15
Munyi mudi Kilisto muikala Tatu ne Muana kabidi—Nealumbuluila ne neambula disambuka dia mikenji dia bantu benda—Bobu ne bambi bansantu bonsu badi ndelanganyi yenda—Udi uvuija dibika dia ku lufu—Bana bateketa badi ne moyo wa tshiendelela. Pabuipi ne 148 k.d.K.
Shapita 16
Nzambi udi usungila bantu ku ngikadilu wabu wa dipona ne dijimina—Bantu badi mu mubidi badi bashala bu kakuvua disungila to—Kilisto udi uvuija dibika dia ku lufu bua kupeta moyo kawuyi ndekelu anyi bua kupeta dipîshibua kadiyi ndekelu. Pabuipi ne 148 k.d.K.
Shapita 17
Alama udi witabuija ne udi ufunda mêyi a Abinadi—Abinadi udi ukenga lufu ku kapia—Yeya udi wamba ku Nyuma ne bubêdi nebukuata bamushipi benda ne nebafua lufu ku kapia. Pabuipi ne 148 k.d.K.
Shapita 18
Alama udi uyisha mu musokoku—Yeya udi umvuija tshipungidi tshia ditambula ne udi utambuisha ku mâyi a Molomo—Yeya udi wasa Ekelezia wa Kilisto ne udi ujidila bakuidi—Badi badikuatshila ne badi balongesha bantu—Alama ne bantu benda badi banyema Mfumu Noa baya mu tshipela. Pabuipi ne 147–145 k.d.K.
Shapita 19
Gideona udi ukeba mua kushipa mfumu Noa—Bena Lamana badi buwula mu bulaba ku makanda—Mfumu Noa udi ukenga lufu ku kapia—Limihi udi ukôkesha muikala ku bukôkeshi bua mfumu mukuabu munena. Pabuipi ne 145–121 k.d.K.
Shapita 20
Bakuidi ba Noa bavua bakuata bamua bana ba bakaji ba Bena Lamana ku bukola—Bena Lamana badi bela Limihi ne bantu benda mvita—Bantu ba Limihi badi bapingaja Bena Lamana panyima ne badi babatalaja. Pabuipi ne 145–123 k.d.K.
Shapita 21
Bena Lamana badi batûta ne batshimuna bantu ba Limihi—Bantu ba Limihi badi basambakena ne Amona ne badi bakudimuna moyo—Badi bambila Amona bitangila bitata makumi abidi ne binayi bia Bena Yalede. Pabuipi ne 122–121 k.d.K.
Shapita 22
Bantu badi balongolola bua kunyemabu ku bupika bua Bena Lamana—Bena Lamana badi bakuatshishibua mâluvu—Bantu badi banyema, badi bapingana ku Zalahemela, ne badi balua ku bumfumu bua mfumu Mosiya. Pabuipi ne 121–120 k.d.K.
Shapita 23
Alama udi ubenga bua kuikala mfumu—Udi usadila bu muakuidi munena—Mukalenga udi upesha bantu benda dinyoka, ne Bena Lamana badi banyenga bulaba bua Helama—Amulona, mulombodi wa bakuidi babi ba mfumu Noa, udi ukôkesha ku bukôkeshi bua mfumu wa Bena Lamana. Pabuipi ne 145–121 k.d.K.
Shapita 24
Amulona udi ukengesha Alama ne bantu benda—Nebashipibua bu bobu basambila—Mukalenga udi uluija majitu abu mapepela—Udi ubapatuisha mu bupika, ne badi bapingana ku Zalahemela. Pabuipi ne 145–120 k.d.K.
Shapita 25
Tunkanunuina tua Muleke mu Zalahemela tudi tulua Bena Nefi—Badi balonga bidi bitangila bantu ba Alama ne ba Zenife—Alama udi utambuisha Limihi ne bantu benda bonsu—Mosiya udi upesha Alama bukôkeshi bua kuasa Ekelezia wa Nzambi. Pabuipi ne 120 k.d.K.
Shapita 26
Bena mu Ekelezia ba bungi badi balombodibua ku mibi kudi badi kabayi ne ditabuija to—Alama udi ulayibua moyo wa tshiendelela—Badi bakudimuna mutshima wabu batambuishibua badi bapeta dibuikidila—Bena mu Ekelezia ba mu mibi badi bakudimuna mutshima ne batonda kudi Alama ne kudi Mukalenga nebabuikidibua; tshianana, kabakubadibua munkatshi mua bantu ba mu Ekelezia to. Pabuipi ne 120–100 k.d.K.
Shapita 27
Mosiya udi ukandika dikengeshangana ne udi utêka bobumua—Alama wa nsongaluma ne bana ba baluma banayi ba Mosiya badi bakeba bua kunyangakaja Ekelezia—Muanjelu udi umueneka ne udi ubakandika njila wabu mubi—Alama udi uluishibua kamama—Bukua bantu bonsu budi ne tshia kuledibua kabidi bua kupeta lupandu—Alama ne bana ba baluma ba Mosiya badi bamanyisha mukenji mulenga. Pabuipi ne 100–92 k.d.K.
Shapita 28
Bana ba baluma ba Mosiya badi baya kuyisha Bena Lamana—Mosiya udi wandamuna bitata bia Bena Yalede ku diambuluisha dia mabua abidi a bamonyi. Pabuipi ne 92 k.d.K.
Shapita 29
Mosiya udi ufuila meji bua kusungula balumbuluishi pamutu pa kuikala ne mfumu—Bamfumu badi kabayi bakana to badi basaka bantu babu ku dienza dia mibi—Dîyi dia bantu didi disungula Alama wa Nsongaluma bu mulumbuluishi munena—Udi kabidi muakuidi munena ku mutu kua Ekelezia—Alama Mukola ne Mosiya badi bafua. Pabuipi ne 92–91 k.d.K.

Print

Include highlights and underlines

Sign in to use

Include footnotes