Etele

Mukanda wa Molomo

Contents
Tshibangilu ne Bajadiki
1 Nefi
2 Nefi
Yakoba
Enosha
Yaloma
Omoni
Miaku ya Molomo
Mosiya
Alama
Helamana
3 Nefi
4 Nefi
Molomo
Etele
Moloni
Bulondi bua Bifundilu bia Mukanda wa Molomo

Etele

Shapita 1
Moloni udi ukosolola mifundu ya Etele—Bulondanganyi bua Etele budi bulejibua—Muakulu wa Bena Yalede kawena ubuejakajibua ku Kaleya ka Babela to—Mukalenga udi ulaya bua kubalombola ku bulaba bua disungula ne kubenza tshisamba tshinena.
Shapita 2
Bena Yalede badi badilongolola bua luendu luabu lua ku bulaba bulaya—Budi buikala bulaba bua disungula mudi bantu ne tshia kusadila Kilisto anyi kuikala bakombibua—Mukalenga udi wakula meba asatu ne muanabu ne Yalede wa baluma—Bena Yalede badi benza bibeya—Mukalenga udi ulomba muanabu ne Yalede wa baluma bua kufila meji a munyi muakukenkesha bibeya.
Shapita 3
Muanabu ne Yalede wa baluma udi umona munu wa Mukalenga bu muvuaye ulenga mabua dikumi ne asambombo—Kilisto udi uleja muanabu ne Yalede wa baluma mubidi wenda wa Nyuma—Bantu badi ne dimanya dijima kabena mua kupangishibua bua kumona munda mua tshibuikilu to—Biandamunyi bia miakulu bidi bifidibua bua kutuala miandiku ya Bena Yalede patoka.
Shapita 4
Moloni udi upeta mukenji bua kukanga mifundu ya muanabu ne Yalede wa baluma—Kayakumanyishibua to tô ne papeta bantu ditabuija bu muvua dia muanabu ne Yalede wa baluma—Kilisto udi upesha bantu mukenji bua kuitabuija miaku yenda ne ya bayidi benda—Bantu badi bapeta mukenji bua kukudimuna mutshima, kuitabuija lumu luimpa, ne kupandishibua.
Shapita 5
Bajadiki basatu ne mudimu muina nebikala bu mudi bujadiki bua bulelela bua Mukanda wa Molomo.
Shapita 6
Lupepela ludi lusaka bibeya bia Bena Yalede ku bulaba bulaya—Bantu badi basamuna Mukalenga bua buimpa buenda—Oliha udi usungudibua bua kuikala mfumu ku mutu kuabu—Yalede ne muanabu wa baluma badi bafua.
Shapita 7
Oliha udi udi ukôkesha mu buakana—Munda mua didiangatshila ne luntûta, makalenga a Shule ne Koholo adi ewu uluisha mukuenda adi ashibua—Bambi badi bapîsha bubi ne ditendelela dia mpingu dia bantu, badi pashisha bakudimuna mutshima.
Shapita 8
Kudi luntûta ne dikokangana bua bukalenga—Akishi udi wenza tshipungidi tshia kuditshipa kua mu musokoku bua kushipa mfumu—Bipungidi bia mu musokoku bidi bia diabulu ne tshipeta tshiabi tshidi dibutuka dia bisamba—Bena Bisamba bia Benda bia lelu badi badimuisha bilondeshila ku bipungidi bia mu musokoku biakeba bua kutonkola budishikaminyi bua malaba onsu, bisamba bionsu, ne matunga onsu.
Shapita 9
Bukalenga budi bupita kudi umua ne kudi mukuabu ku ndelanganyi, ku dilongolola disokoka ne ku dishipa dia bantu—Emele wakamona Muana wa Buakana—Bambi ba bungi badi babila bua dikudimuna mutshima—Tshiyola ne nyoka ya lulengu bidi bitatshisha bantu.
Shapita 10
Mfumu umua udi upingana mukuabu—Bamua bamfumu badi bakana; bakuabu badi bena bubi—Padi buakana butampakana, bantu badi babeneshibua ne balubulujibua kudi Mukalenga.
Shapita 11
Mvita, matapuluka, ne bubi bidi bitamba mu nsombelu wa Bena Yalede—Bambi badi badianjila kumanyisha dibutuka dijima dia Bena Yalede amu bobu bakudimuna mutshima—Bantu badi babenga mêyi a bambi.
Shapita 12
Muambi Etele udi ukankamija bantu bua kuitabuija Nzambi—Moloni udi ulonda bitangila malu a dikema ne bishima bivua bienzeka ku ditabuija—Ditabuija diakafikisha muanabu ne Yalede bua kumona Kilisto—Mukalenga udi upesha bantu buteketa bua ne bikala badipuekeshi—Muanabu ne Yalede wakumbusha mukuna wa Zelina ku ditabuija—Bidi bikengedibua kuikala ne ditabuija, ditekemena, ne bunangi bua kupeta lupandu—Moloni wakamona Yezu ku mpala ne mpala.
Shapita 13
Etele udi wakula bua Yelushalema Mupia-mupia washibua mu Amelika kudi ndelanganyi ya Yosefe—Udi wamba ku Nyuma, udi wipatshibua, udi ufunda malu a kala a Bena Yalede, ne udi udianjila kuamba dibutuka dia Bena Yalede—Mvita idi itomboka mu bulaba bonsu.
Shapita 14
Malu mabi a bantu akatuala mutshipu pa mutu pa bulaba—Koliantumela udi wasa Gilada mvita, pashisha Libi, ne pashisha Shize—Mashi ne dishipangana dikola bidi bitangalaka mu bulaba.
Shapita 15
Mbombo ya Bena Yalede idi ishipibua mu mvita—Shize ne Koliantumela badi basangisha bantu bonsu bua mvita ya lufu—Nyuma wa Mukalenga udi ulekela kukuata nabu mudimu—Tshisamba tshia Bena Yalede tshidi tshibutuka tshionsu—Amu Koliantumela ki udi ushala.