Mukanda wa Etele

1 Ne mpindiewu, mema, Moloni, ndi ntuadija kufunda mulubu wa benamu ba kala bavua babutuka kupitshila ku tshianza tshia Mukalenga pa mpala wa ditunga edi dia ku node.

2 Ne ndi ngangatshila mulubu wanyi ku bitata makumi abidi ne binayi bivua bantu ba Limihi bangula, udibu babikila ne mukanda wa Etele.

3 Ne bu mundi ntshinka ne tshitupa tshia kumpala tshia miandiku eyi, tshidi tshiakula bitangila bufuki bua buloba, ne bua Adama kabidi, ne mulubu wa katshia ku tshikondu atshi mena tô ne ku kaleya kanena, ne bintu bionsu bivua bienzeka munkatshi mua bana ba bantu tô ne ku tshikondu atshi, Bena Yuda badi nabi—

4 Bua nanku, ntshiena mfunda bintu bivua bienzeka katshia ku matuku a Adama tô ne ku diba adi abi to; kadi bidi pa bitata; ne ewu yonsu wabipeta, yeya muina neikala ne bukola bua amona mua kupeta mulubu mujima.

5 Kadi monayi, ntshiena mfunda mulubu mujima to, kadi ndi mfunda tshitupa tshia mulubu, kumbukila ku diba divuabu bibaka kaleya tô ne ku diba diakabutukabu.

6 Ne ndi mfunda mulubu mushindu ewu. Wakafunda miandiku eyi uvua Etele, ne uvua kankanunuina ka Koliantolo.

7 Koliantolo uvua muana wa baluma wa Molona.

8 Ne Molona uvua muana wa baluma wa Eteme.

9 Ne Eteme uvua muana wa baluma wa Ahaya.

10 Ne Ahaya uvua muana wa baluma wa Sheta.

11 Ne Sheta uvua muana wa baluma wa Shibulona.

12 Ne Shibulona uvua muana wa baluma wa Kome.

13 Ne Kome uvua muana wa baluma wa Koliantuma.

14 Ne Koliantuma uvua muana wa baluma wa Aminigada.

15 Ne Aminigada uvua muana wa baluma wa Alona.

16 Ne Alona uvua kankanunuina ka Hete, uvua muikala muana wa baluma wa Heletoma.

17 Ne Heletoma uvua muana wa baluma wa Libi.

18 Ne Libi uvua muana wa baluma wa Kishi.

19 Ne Kishi uvua muana wa baluma wa Kolome.

20 Ne Kolome uvua muana wa baluma wa Lewi.

21 Ne Lewi uvua muana wa baluma wa Kime.

22 Ne Kime uvua muana wa baluma wa Moliantona.

23 Ne Moliantona uvua kankanunuina ka Lipalakishi.

24 Ne Lipalakishi uvua muana wa baluma wa Sheze.

25 Ne Sheze uvua muana wa baluma wa Hete.

26 Ne Hete uvua muana wa baluma wa Kome.

27 Ne Kome uvua muana wa baluma wa Koliantuma.

28 Ne Koliantuma uvua muana wa baluma wa Emele.

29 Ne Emele uvua muana wa baluma wa Omele.

30 Ne Omele uvua muana wa baluma wa Shule.

31 Ne Shule uvua muana wa baluma wa Kibe.

32 Ne Kibe uvua muana wa baluma wa Oliha, uvua muikala muana wa baluma wa Yalede;

33 Yalede wakalua ne muanabu wa baluma ne mêku abu, ne bantu bakuabu ne mêku abu, kumbikila ku kaleya kanena, ku diba divua Mukalenga mubuejakaja muakulu wa bantu, ne muditshipa mu tshiji tshienda ne nebatangalajibua pa mpala onsu wa buloba; ne bilondeshila ku muaku wa Mukalenga bantu bakatangalajibua.

34 Ne muanabu ne Yalede wa baluma muvuaye muntu munena ne wa bukitu, ne muntu uvua musuibua bikola kudi Mukalenga, Yalede, muanabu wa baluma, wakamuambila ne: Bila kudi Mukalenga, bua katubuejakaji to bua katupangi kumvuangana mêyi etu to.

35 Ne biakalua ne muanabu ne Yalede wa baluma wakabila kudi Mukalenga; ne Mukalenga uvua ne moyo wa lusa bua Yalede; bua nanku kakabuejakaja muakulu wa Yalede to; ne Yalede ne muanabu wa baluma kabakabuejakajibua to.

36 Pashisha Yalede wakambila muanabu wa baluma ne: Bila kabidi kudi Mukalenga, ne bidi bua kuikala ne nealekela tshiji tshienda kudi badi bikala balunda betu, bua kubuejakaja muakulu wabu to.

37 Ne biakalua ne muanabu ne Yalede wa baluma wakabila kudi Mukalenga, ne Mukalenga wakumvua moyo wa lusa bua balunda babu ne mêku abu kabidi, bua ne kabakabuejakajibua to.

38 Ne biakalua ne Yalede wakambila kabidi muanabu wa baluma, wamba ne: Ndâku ne webeja Mukalenga newatuipata mu bulaba, ne pikalaye utuipata mu bulaba, bila kudiye ne nkunyi kutuaye. Ne nganyi udi mumanya Mukalenga newaya netu ku bulaba budi buikala bua disungula ku mutu kua buloba bonsu? Ne pikalabi nanku, tuikalayi ne lulamatu kudi Mukalenga, bua ne tubupeta bua bupianyi buetu.

39 Ne biakalua ne muanabu ne Yalede wa baluma wakabila kudi Mukalenga bilondeshila ku bivua biamba ku mukana wa Yalede.

40 Ne biakalua ne Mukalenga ne wakumvua muanabu ne Yalede wa baluma, ne wakumvua moyo wa lusa buenda, ne wakamuambila ne:

41 Ndâku ne sangisha bisumbu bia bimuna bieba pamua, miluma ne mikaji, bia mishindu yonsu; ne mamînu a buloba kabidi, a mushindu onsu; ne mêku eba; ne Yalede kabidi, muanenu wa baluma, ne dîku dienda; ne balunda beba ne mêku abu kabidi, ne balunda ba Yalede ne mêku abu.

42 Ne pawenza nanku neupueka ku mutu kuabu mu tshibanda tshidi tshikala ku node. Ne nensambakena neba aku, ne nenya kumpala kueba mu bulaba budi buikala bua disungula ku mutu kua malaba onsu a pa buloba.

43 Ne aku nenkubenesha wewa ne ndelanganyi yeba, ne nendibishila tshisamba tshinena ku ndelanganyi yeba, ne ku ndelanganyi ya muanenu wa baluma, ne ya bâya neba. Ne kakuakuikala tshisamba nansha tshimua tshipita tshisamba tshingadibishila pa mpala onsu wa buloba ku bunena ku ndelanganyi yeba to. Ne nenkuenzela nanku bualu uvua mubila kundi diba dionsu edi.