1 Ne mpindiewu, mema Moloni, ngafundi miaku ivua Mukalenga mumpeshela mukenji, bilondeshila ku mvulukilu wanyi; ne ngakuambidi bintu bimvua mukanga; bua nanku kubilengi bua kubiandamuna mu muakulu mukuabu to; bualu bualu abu budi bukandikibua, amu pa kumbusha diba dikalabi bikumbana mu lungenyi lua Nzambi.

2 Ne mona, newikala ne diakalenga dia wewa kuleja bitata kudi bâkuambuluisha bua kutuala mudimu ewu;

3 Ne nebilejibua kudi bajadiki basatu ku bukola bua Nzambi; bua nanku nebamanya bua bushuwa ne bintu ebi bidi bilelela.

4 Ne bintu ebi nebishikikibua mukana mua bajadiki basatu; ne bujadiki bua basatu, ne mudimu ewu, mualejibua bukola bua Nzambi ne muaku wenda kabidi, udi Tatu, ne Muana, ne Nyuma wa Tshijila badi bajadika—ne bionsu ebi nebikala bu mudi bujadiki bua kupîsha ba pa buloba ku dituku dia ndekelu.

5 Ne pikalabi ne nebakudimuna mutshima ne nebalua kudi Tatu mu dîna dia Yezu, nebakididibua mu bukalenga bua Nzambi.

6 Ne mpindiewu, dijunguluilayi ne ntshiena ne bukôkeshi bua bintu ebi to; bualu nenumanya ne ndi ne bukôkeshi panuammona, ne netuimana kumpala kua Nzambi ku dituku dia ndekelu. Amena.