1 Cunan ñuca, Moroni, quilcani ima ñucapi ali cajta; ñuca quilcani ñuca huauqui, Lamanitacunaman; ñuca paicuna yachachun munani chuscu patsaj ishcai chunga huatacuna yalita yalishca can Cristo shamushca señalta cushcamanda.

2 Ñuca cai tandachishpa quilcashcacunata sellani, huaquin shimicunata parlashca jipa cangunaman cutin yarichina layapi.

3 Riqui, ñuca cutin yarichini imaura canguna liinguichi cai cuzascunata, Diospi jatun yachaipi cajpica canguna caicunata liinguichi, yaringuichi imashna Apunchij shungumanda llaquinata charin runacunapaj huahuacunaman, Adánda rurashcamanda cunan punllacaman canguna cai cuzascunata chasquinguichi, cangunapaj shungucunapi aliguta yaringuichi.

4 Imaura cai cuzascunata chasquinguichi, ñuca cutin yarichini canguna tapunguichi Diosta, Mana Tucurina Taita, Cristopaj shutipi, cai cuzascuna nachu ciertopacha can; canguna tucui shungu tapujpica, ciertopacha munashpa, Cristopi feta charishpa, pai ricuchinga caipaj ciertopachata cangunaman, Espíritu Santopaj ushaihuan.

5 Espíritu Santopaj ushaihuan canguna yachai ushanguichi tucui cuzascunapaj ciertota.

6 Ima cuzas ali can, justo can, ciertopash; chaimanda, nima ali caj Cristota negan, ashtahuangari, rijsin pai causajta.

7 Canguna yachanguichi pai causajta, Espíritu Santopaj ushaihuan; chaimanda ñuca cutin yarichini ama negaichi Diospaj ushaita; pai ruran ushaihuan, runacunapaj huahuacunapaj femanda, shinallata cunan, caya, mana tucurinacaman.

8 Cutin, ñuca cutin yarichini, ñuca huauquicuna, canguna ama neganguichi Diospaj dongunata, caicuna taucacuna can; caicuna shamun chai Diosmanda. Tian shuj laya ñanguna cai donguna administrashca cana; ashtahuangari cai can chai Diosllata pimi ruran tucuita tucuipi; paicuna cushca can Espíritu Santopaj ricuchimanda runacunaman, ali cachun.

9 Riqui, shujman cushca can Diospaj Espírituta, yachachichun jatun yachaipaj shimita;

10 Cutishujman, yachachichun yachajuipaj shimita chai Espírituhuanllata;

11 Cutishujman, ninan jatun fe; cutishujman, jambingapaj dongunata chai Espírituhuanllata;

12 Cutin, cutishujman pai rurachun juyailla ruraita ricuchinacunata;

13 Cutin, cutishujman, pai achil villachichun tucui cuzascunamanda;

14 Cutin, cutishujman, ricuchun ángelcunata, achil yachachi espíritucunatapash;

15 Cutin, cutishujman, tucui laya shimicunata;

16 Cutin, cutishujman, shuj shimirimaicunaman tigrachichun, tauca laya shimicunaman.

17 Tucui cai donguna shamun Cristopaj Espíritumanda; caicuna shamun tucui runaman shujllangaman, imashna pai munashca.

18 Ñuca cutin yarichini, ñuca juyashca huauquicuna, canguna yarichi tucui ali don Cristomanda shamujta.

19 Ñuca cutin yarichini, ñuca juyashca huauquicuna, canguna yarichun paimi paillata can, caina, cunan, imaurapash na tucurinacaman, tucui cai donguna imamanda ñuca parlashcani, imacuna can espiritual, nimaura na saquiringachu, imaura cai pacha tiajpi, runacunapaj huahuacunapaj na crimandalla.

20 Chaimanda, fe tiana can; fe tiajpi tianapash shuyai; shuyai tiajpi tiana caridadpash.

21 Imashpapash caridadta charishpalla, nimamanda quishpirishca canguichi Diospaj reinopi; na quishpirishca canguichipash Diospaj reinopi feta na charishpa; na canguichipash shuyaita na charishpa.

22 Shuyaita na charishpa ima ruraita na yachaipi canguichi; cai ima ruraita na yachai shamun na ali ruraicunamanda.

23 Cristo ciertopacha nirca ñucanchi taitacunaman: Feta charishpaca tucui cuzascunata rurai ushanguichi ima ñucapaj minishtirishcata.

24 Cunan ñuca parlani tucui alpa tucuricunacaman—chai punlla shamujpica Diospaj ushai dongunapash ñana tiajpica, cangami na crimanda.

25 Ay canga runacunapaj huahuacuna cai shina cajpica; pipash na tianga cangunapurapi alita rurajcuna. Tiajpica pipash cangunapurapi alita ruraj, pai ruranga Diospaj ushaihuan donhuanbash.

26 Ay paicuna maijan cai cuzascunata ruraita saquichin, huañunbash, imashpa paicuna huañun paicunapaj juchacunapi, paicuna na quishpirishca cai ushan Diospaj reinopi; ñuca caita parlani Cristopaj shimicunamanda; ñuca na llullanichu.

27 Ñuca cutin yarichini cangunata cai cuzascunata yarichun; ñapash punlla shamun canguna yachanguichi ñuca na llullanita, canguna ricuhuanguichi Diospaj jatun shayarinapi; Apunchij Dios cangunata ninga: Nachu yachachircani cangunaman ñuca shimicunata, ima carca quilcashca cai runamanda, shuj huañushcacunapamanda caparijuj laya, ari, shuj alpamanda parlajuj laya?

28 Ñuca villani cai cuzacunata pactachun achil villachishcacuna. Riqui, paicuna Mana Tucurina Diospaj shimimanda shamun; paipaj shimi uyaringa shuj miraimanda cutishuj miraiman.

29 Dios cangunaman ricuchinga, ima ñuca quilcashca cierto can.

30 Cutinbash ñuca cutin yarichini Cristoman shamuichi, charirichi tucui ali donpi, ama tacarichi na ali donda, nacashpa mapa cuzasta.

31 Rijchari, jataripash alpamanda, Oh Jerusalén; ari, churajuipash quiquinba juyailla churajunacunata, Oh Siónpaj ushi; shinllichi quiquinba estacacunata, jatunyachi mana tucurinacaman mujungunata, ama ashtahuan pandashca cangui, Mana Tucurina Taita conveniocuna imata quiquinman rurashca, Oh Israelpaj huasi, pactachishca canga.

32 Ari, Cristoman shamui, paipi alipacha caichi, jarcarichi tucui na ali ruraicunata; cangunamandallata neganguichi tucui na ali ruraicunata, Diosta juyashpapash tucui cangunapaj ushaihuan, yuyaihuan, shinllicaihuanbash, shina paipaj ninan juyai cangunapa chailla can, paipaj ninan juyaimanda canguna Cristopi alipacha canguichi; Diospaj ninan juyaimanda canguna Cristopi alipacha cajpica, canguna nimamanda Diospaj ushaita negai ushanguichi.

33 Cutin, canguna Diospaj ninan juyaimanda Cristopi alipacha canguichi, paipaj ushaita na neganguichi, shina canguna Cristopi achilyachishca canguichi Diospaj ninan juyaimanda, Cristopaj yahuarta jichaimanda, imami can Taitapaj conveniopi cangunapaj juchacunata anchuchingapa, canguna achil tigrangacaman, mapa illa.

34 Cunan ñuca tucuita, cayacaman nini. Ñuca ñalla risha Diospaj paraísoman, imaura ñuca espíritu, cuerpohuan cutin tandanajungacaman, apai tucushcapash casha jari jari huaira jahuata, tuparingapa cangunata munailla jatun Jehová jatun shayarinapi, Mana Tucurina Ricushpa Chasquichij causajcunapaj huañushcacunapajpash. Shinacapashcachun.