1 Imalaya discípulocuna, picuna shutichishca carca iglesiapaj éldercuna, ordenarca presbíterocuna, maestrocunapash—

2 Paicuna Taitata Cristopaj shutipi achil mañashca jipa, paicunapaj maquicunata paicunapaj jahuapi churashpa, nirca:

3 Jesucristopaj shutipi ñuca ordenani can cachun shuj presbítero (nacashpa maestro cachun, ñuca ordenani maestro can cachun) yachachichun arrepentimientota, juchacunata anchuchinatapash Jesucristomanda, paipaj shutipi fehuan tucurinacaman catina. Shinacapashcachun.

4 Cashna laya paicuna ordenarca presbíterocuna, maestrocuna, dongunahuan, Diospaj cayashcacunahuan runacunaman; paicuna ordenarca paicunata Espíritu Santopaj ushaihuan, ima paicunapi carca.