1 Cunan ñuca parlani bautismomanda. Riqui, éldercuna, presbíterocuna, maestrocuna bautizashcacuna carca; paicuna na bautizarishca carca imashpapash paicuna apamushpalla ali rurashcamanda fucuicunata ricuchingapa caipaj digno cajta.

2 Pitapash na chasquinajurca bautismopa imashpapash shamujpilla shuj faquirishca shunguhuan shuj cazuj amujlla espírituhuan, testificajpi iglesiaman ciertopacha arrepentirishcata tucui paicunapaj juchacunamanda.

3 Pitapash na chasquishca carca bautismopa imashpapash paicunapaj jahuapi Cristopaj shutita japijpilla, paita servishapacha yuyaihuan tucurinacaman.

4 Paicunata bautismopa chasquishca jipa, Espíritu Santopaj ushai paicunapapi cashca jipa, mapa illata saquishca, paicuna yupai tucushca carca Cristopaj iglesiapaj llactapuracunapi; paicunapaj shuticuna quilcashca carca, paicunata yaringapa, ali Diospaj shimihuan micuchishca cachun, alichichun ali ñanbi, catilla ricuriashpa alichingapa achil mañachun, confiashpa Cristopaj ali ruraicunapilla, pimi carca ruraj, paicunapaj feta alipacha ruraj.

5 Iglesia catilla tandanajurca, ayunangapa, achil mañangapa, parlangapash caishuhuan chaishuhuan paicunapaj almacunapaj ali canata.

6 Paicuna tandanajurca chasquingapa tandata, vinotapash, Apunchij Jesústa yarishpa.

7 Paicuna alichijcunapacha carca paipuracunapi ama na ali ruraicunata rurangapa; maijanbash tupashca cashpa na ali ruraicunata rurashpa, iglesiamanda quimsa testigocuna ricushpa chasquichina carca éldercunapaj ñaupapi, paicuna na arrepentirijpica, na villajpi, paicunapaj shuticuna anchuchishca carca Cristopaj llactapuracunapi ama yupashca cachun.

8 Ashtahuangari mashna arrepentirijcuna, perdónda mañajcunapash, ciertopacha munaihuan, paicuna perdonashca carca.

9 Paicunapaj tandanajuicuna apashca carca Espíritu imashna rurachijpi, Espíritu Santopaj ushaihuan, imashpa, ima laya Espíritu Santopaj ushai pushajpi yachachichun, nacashpa cutin yarichichun, nacashpa achil mañachun, nacashpa mañachun, nacashpa cantachun, shina rurashca carca.