Moronipaj Quilcashca
1 Capítulo
Moroni quilcan Lamanitacunapaj alicachun—Huañuchin maijan Nefitacuna Cristota na negajpi. Nara C.H. 401–421.
1 Cunan ñuca Moroni, Jaredpaj llactapuracunapaj tandachishpa quilcashcata ashallayachishpa tucuchishca jipa, ñuca yuyarcani ñana ashtahuan quilcana cani, ashtahuangari nara huañushcanichu; Lamanitacunaman na ricurinichu ama ñucata tucuchihuachun.
2 Riqui, paicunapaj macanajuicuna ninan millayashca carca paipuracunapi; paicunapaj napacha ricunayachimanda tucui Nefitacunata huañuchinajurca Cristota na negajpi.
3 Ñuca, Moroni, Cristota na negashachu; chaimanda, ñuca maitapash purini maita ushashcata, ñuca propio causaita huacaichi ushangapa.
4 Chaimanda, ñuca asha huaquin cuzascunata quilcani, na rurashachu yashcata; ashtahuan ñana quilcasha yashca carcani; ashtahuangari ñuca quilcani asha huaquin cuzascunata, imashpapash caicuna valishca canga ñuca huauqui, Lamanitacunapa, imaurapash jipa punllapi, Apunchijpaj munaimanda.