1 Ngan yana ako, hi Moroni, in bisan tipaunan-o nagsusurat han mga inaabat ko nga maupay; ngan nagsusurat ako ngadto han akon mga kabugtoan, an mga Lamanite; ngan karuyag ko nga hira mabaro nga sobra na hin 420 katuig an nakalabay tikang ighatag an tigaman han pag-abot ni Cristo.

2 Ngan akon ginsilyohan hin mahugot ngan gintitipigan ine nga mga sinurat, kahuman ako magyakan hin dire damo nga mga tugon ha paagi hin pagsagdon ngadto ha iyo.

3 Kamatuoran, gin-aagda ko kamo, nga kun iyo babasahon ine nga mga nahuna-huna, kun ha kinaadman han Diyos nga ine angay niyo basahon, ngan iyo hinumduman an kamaloloy-on han Ginoo ngadto han mga anak han katawhan, tikang han pagkahimo ni Adan bisan ngada han takna nga iyo ine nakarawat nga mga nahuna-huna, ngan pamurobuoton han iyo mga kaburut-on.

4 Ngan kun iyo karawton ine nga mga nahuna-huna, gin-aagda ko kamo nga igpakiana ha Diyos, an Waray Katapusan nga Amay, ha ngaran ni Cristo, kun ine nga mga nahuna-huna in dire mga tinuod; ngan kun kamo in magpakiana ha tim-os nga kaburut-on, ngan ha matuod nga panuyo, nga may pagtuo kan Cristo, iya igpapadayag ha iyo adton kamatuoran, pinaagi han gahum han Espiritu Santo.

5 Ngan pinaagi han gahum han Espiritu Santo hibabaroan niyo adton kamatuoran han ngatanan nga nahuna-huna.

6 Ngan ano man nga butang nga maupay in matadong ngan tinuod; sanglit, waray maupay nga nagdidiwara kan Cristo, kundi nakakakilala gud ha iya.

7 Ngan iyo makikilala nga hiya gud, pinaagi han gahum han Espiritu Santo; sanglit gin-aaghat ko kamo nga dire igbali-waray adton gahum han Diyos; kay hiya in nagbubuhat pinaagi hin gahum, subay han pagtuo han mga anak han katawhan, pareho yana ngan buwas, ngan ha kadayonan.

8 Ngan liwat, gin-aagda ko kamo, mga kabugtoan, nga dire igdiwara an mga regalo han Diyos, kay damo ito; ngan adto in nagtitikang ha pareho nga Diyos. Ngan damo nga magkadirudilain nga pamaagi diin ine nga mga regalo gindudumara; kundi asya la gihapon nga Diyos an naghihimo hine ngatanan; ngan adto in iginhahatag pinaagi han mga pagpadayag han Espiritu han Diyos ngadto ha mga tawo, ha ikauupay nira.

9 Kay kamatuoran, ha usa iginhatag pinaagi han Espiritu han Diyos, nga hiya in magtutdo han pulong ha kinaadman;

10 Ngan ha usa, nga hiya in magtutdo han pulong han kaaram pinaagi han pareho nga Espiritu;

11 Ngan ha usa, kadako nga pagtuo; ngan ha iba, an gahum pagtambal pinaagi hin pareho nga Espiritu;

12 Ngan liwat, ha iba, nga hiya in makaghimo hin makagarahum nga mga milagro;

13 Ngan liwat, ha iba, nga hiya in makatagna mahitungod han ngatanan nga butang;

14 Ngan liwat, ha iba, an pakakita han mga anghel ngan nagseserbi nga mga Espiritu;

15 Ngan liwat, ha iba, an ngatanan nga klase hin pinulungan;

16 Ngan liwat, ha iba, an paghubad han mga yinaknan ngan iba-iba nga klase hin mga pinulungan;

17 Ngan an ngatanan hine nga mga regalo in naabot pinaagi han Espiritu ni Cristo; ngan ine in naabot ha kada tawo nga damo, subay han iya kaburut-on.

18 Ngan gin-aagda ko kamo, mga hinigugma ko nga mga kabugtoan, nga iyo hinumduman nga kada maupay nga regalo in tikang kan Cristo.

19 Ngan gin-aagda ko kamo, mga hinigugma ko nga mga kabugtoan, nga iyo hinumduman nga hiya in pareho kakulop, yana, ngan kadayonan, ngan ine ngatanan nga mga regalo nga akon iginyakan, nga mga espirituwal, in dire mahunong bisan san-o pa man, kun an kalibutan in magpapabilin, kundi ha kawaray la pagtuo han anak han katawhan.

20 Sanglit, kinahanglan magkamayada hin pagtuo; ngan kun mayada pagtuo mayada liwat paglaum; ngan kun mayada paglaum mayada liwat paghigugma.

21 Ngan labot la kun mayada niyo paghigugma kamo in waray paagi nga matatalwas ha ginhadian han Diyos; saypa kamo matalwas ha ginhadian han Diyos kun waray kamo pagtuo; saypa kun waray paglaum.

22 Ngan kun kamo in waray paglaum kamo in kinahanglan nga aada ha kapakyasan; ngan an kapakyas in naabot tungod han karaotan.

23 Ngan ungod nga nagsiring hi Cristo ha aton mga kaapoy-apoyan: Kun kamo in mayada pagtuo makakahimo kamo han ngatanan nga buruhaton nga kaangayan ngadto ha akon.

24 Ngan yana ako in magyayakan ngadto ha ngatanan nga aadto ha katapusan han kalibutan — kun umabot an panahon nga an gahum ngan mga regalo han Diyos in mawara ha hugpo niyo, ito in tungod han kawaray pagtuo.

25 Ngan kairo han anak han katawhan kun amo ine; kay waray bisan man usa nga nagbubuhat hin maupay ha butnga niyo, waray bisan usa. Kay kun may usa man ha iyo nga nagbubuhat hin kaupayan, hiya magbubuhat pinaagi han gahum ngan mga regalo han Diyos.

26 Ngan kairo nira nga nagbubuhat hin harayo hine nga mga nahuna-huna ngan namamatay, kay mamamatay hira ha ira sala, ngan dire hira matatalwas ha ginhadian han Diyos; ngan ako in nagyayakan hine subay han mga tugon ni Cristo; ngan ako dire nagbibinuwa.

27 Ngan ginaaghat ko kamo nga hinumduman niyo ine nga mga butang; kay an takna in madali nga maabot nga mahibabaroan niyo nga dire ako nagbibinuwa, kay makikita niyo ako ha hukuman han Diyos; ngan an Ginoo nga Diyos in magsisiring ngadto ha iyo: Dire ba iginpasamwak ko an akon mga tugon ngadto ha iyo, nga iginsurat hine nga tigurang nga lalaki, sugad han usa nga nagguguliat tikang ha mga patay, oo, ngan bisan adton nagyayakan tikang ha tapo-tapo?

28 Iginpapasamwak ko ine nga mga nahuna-huna ngadto han katumanan han mga panagna. Ngan kamatuoran, ine in natikang han baba han waray katapusan nga Diyos; ngan an iya tugon in mag-aaningal tikang ha usa nga katulinan ngadto ha usa nga katulinan.

29 Ngan igpapakita han Diyos ngadto ha iyo nga adto nga akon iginsurat in tinuod.

30 Ngan liwat gin-aaghat ko kamo nga dumaop ngadto kan Cristo, ngan pagkapti an kada maupay nga regalo, ngan ayaw pagkapot hadton maraot nga regalo, o adton mahugaw nga butang.

31 Ngan pagmata, ngan buhat tikang ha tapo-tapo, O Jerusalem; oo, ngan igsul-ot an imo maanyag nga panapton, O anak nga babaye han Sion; ngan pakusga adton imo mga stake ngan padaku-a an imo pag-ultan ha kadayonan, ngan ikaw in dire na magugupong pa, ngan adton mga kauyonan ha Waray Katapusan nga Amay nga ginhimo ngadto ha imo, O sulod balay han Israel, in matutuman.

32 Oo, ngan daop ngadto kan Cristo, ngan magin hingpit ha iya, ngan igsikway tikang ha iyo kalugaringon an ngatanan nga karaotan; ngan kun igdiwara niyo an ngatanan nga karaotan, ngan higugmaon an Diyos ha bug-os niyo nga gahum, panhuna-huna ngan kusog, kun sugad an iya grasya masadang ha iyo, ngan pinaagi han iya grasya kamo in magigin hingpit kan Cristo; ngan kun pinaagi han grasya han Diyos kamo in hingpit kan Cristo, kamo in dire makakagdiwara han gahum han Diyos.

33 Ngan liwat, kun ha grasya han Diyos kamo in hingpit kan Cristo, ngan dire igdiwara adton iya gahum, kun sugad kamo in magigin baraan kan Cristo pinaagi han grasya han Diyos, tungod hadton pagpaawas han dugo ni Cristo, nga amo an kauyonan han Amay ngadto han pagpasaylo han iyo mga sala, ngan kamo in nagin baraan, ngan waray dum-it.

34 Ngan yana ako in nananamilit ha iyo ngatanan, adyos. Ako in makadto na pagpahuway didto ha paraiso han Diyos, ngada han an akon espiritu ngan han akon lawas in mag-usa na liwat, ngan ako in malinamposon nga madadara pinaagi han hangin, agud kamo in tapoon ha atubangan han makaruruyag nga hukuman han darayawon nga hi Jehovah, an Waray Katapusan nga Hukom hadton mga buhi ngan mga patay. Amen.