1 An pamaagi han mga ansiano ngan mga saserdote han pagdumara han unod ngan dugo ni Cristo ngadto ha simbahan; ngan an pagdumara nira hito subay han mga kasugoanan ni Cristo; sanglit maaram kami nga an pamaagi in tinuod; ngan an mga ansiano o saserdote nagdumara hine —

2 Ngan hira in lumuhod upod han simbahan, ngan nangadi ngadto ha Amay ha ngaran ni Cristo, nga nasiring:

3 O Diyos, an Waray Katapusan nga Amay, amon pinangangaro ha imo ha ngaran han imo Anak, nga Jesucristo, nga bendisyoni ngan limpyohan ine nga tinapay ngadto han mga kalag han ngatanan nga makaon hine; nga kumaon hira hinumduman han lawas han imo Anak, ngan magpamatuod ngada ha imo, O Diyos, an Waray Katapusan nga Amay, nga maruruyag hira pagdara dida ha ira han ngaran han imo Anak, ngan pirme manumduman hiya, ngan magsunod han iya mga kasugoanan nga iya ginhatag ha ira, nga mahangada unta ha ira pirme an iya Espiritu. Amen.