1 An mga tugon ni Cristo, nga iya ginyakan ngadto han iya mga disipolo, adton 12 nga iya pinili, samtang nga nakabutang adton iya mga kamot ha ira —

2 Ngan iya hira gintawag ha ngaran, nga nagsisiring: Kamo in matawag ha Amay ha akon ngaran, ha hugot nga pag-ampo; ngan kahuman niyo ine buhaton magkakamayada kamo hin gahum ha iya nga ginbutangan han iyo mga kamot, iyo ighatag adton Espiritu Santo; ngan pinaagi ha akon ngaran ighahatag niyo ito, kay ha sugad hine ginbubuhat han akon mga apostoles.

3 Ngan yana iginyakan ine nga mga tugon ni Cristo ha ira ha takna han iya siyahan nga pagpakita; ngan waray ine hibatii hadton kadam-an, kundi adton mga disipolo an nakabati hine; ngan kun ano kadamo an ira ginbubutangan han ira mga kamot, in napuno han Espiritu Santo.