1 Ngan yana magyayakan ako mahitungod han pagbunyag. Kamatuoran, an mga ansiano, mga saserdote, ngan mga magturutdo in ginbunyagan; ngan hira in dire ginbubunyagan labot la kun hira in takos ngan naangay hito.

2 Dire nakarawat han bisan hin-o nga nagpapabunyag labot la kun hira in nadaop nga may mabidoon nga kaburut-on ngan mabinasulon nga espiritu, ngan nagpamatuod ha simbahan nga hira in tinuod nga nagbasul han ngatanan nga ira mga sala.

3 Ngan waray usa nga ginkakarawat ha pagbunyag labot la kun ira kakarawaton adton ngaran ni Cristo, nga may hugot nga desisyon nga magserbi ha iya tubtub ha katapusan.

4 Ngan kahuman hira makarawat ngadto ha pagbunyag, nga ginhimo ngan nalimpyohan pinaagi han gahum han Espiritu Santo, ngan hira in nagin kaapi han mga tawo han simbahan ni Cristo; ngan adton ira mga ngaran in ginkuha, agud hira in mahinumduman ngan mabantayan hadton mag-upay nga mensahe han Diyos, agud hira in magpabilin han matadong nga dalan, agud magpadayon hira hin pagbantay ha pag-ampo, nga natapod la ha mga maupay nga buhat ni Cristo, nga amo an taghimo ngan paraghuman han ira pagtuo.

5 Ngan adton mga kaapi han simbahan in masukot magkatitirok, para magpuasa ngan mag–ampo, ngan magkurukayakan ha kada usa hiunong han kaupayan han ira mga kalag.

6 Ngan hira in masukot magkatitirok agud kumaon han tinapay ngan uminom han bino, hinumduman han Ginoo nga hi Jesus.

7 Ngan hira in estrikto ha pagsunod nga mawaray sala ha hugpo nira; ngan hin-o man nga mahisabotan nga magbuhat hin karaotan, ngan tulo nga mga testigo han simbahan in maghuhukom ha ira ha atubangan han mga ansiano, ngan kun dire hira magbasul, ngan dire magangkon, adton ira mga ngaran in paparaon, ngan hira in dire na iihapon kaupod hadton mga tawo ni Cristo.

8 Kundi kun ano kamasukot adton ira pagbasul ngan pagpangaro hin pasaylo, nga may tinuod nga panuyo, hira in papasayloon.

9 Ngan adton ira mga katitirok in ginhihimo han simbahan ha pamaagi ngan mga buruhaton han Espiritu, nga pinaagi han gahum han Espiritu Santo; kay tungod nga an gahum han Espiritu Santo amo an naggigiya ha ira kun hira in magwawali, o magsasagdon, o mag-ampo, o manginyupo, o magkanta, ngada nga ine in matuman.