1 Le tʼanoʼob tu yaʼalah Cristo tiʼ le maʼc yéyaʼanoʼob tumen letiʼ le doce le ca tu dzah u kab yókol u póloʼobeʼ.

2 Ca tu tʼanah tu kabaʼoʼob tán u yaʼalic: Bín a kát teʼex tiʼ le Tata tiʼn kabaʼoʼ yétel oracion ca betiʼqueʼex yétel tulácal yól a pucsiʼkaleʼex; le tún quen dzoʼococ a betiʼqueʼex lelaʼ, cu yantal teʼex u páhtalil a dzaiqueʼex le Pixan cu túxtiʼc Dios tiʼ le maʼxoʼob quen a dzaeʼex a kabeʼex yókol u hoʼoloʼobeʼ; tumen bey u betiʼc le maʼc in yéyaʼanoʼobeʼ.

3 Heʼel Cristoeʼ letiʼ tu tʼanah le tʼanoʼob tiʼoʼob tu kinil le cah yáx chicpaheʼ; quex le yaʼabach maʼcoʼoboʼ maʼ tu yuʼubahoʼobiʼ, le maʼc yéyaʼanoʼoboʼ tu yuʼubahoʼob; tu yókol le heʼemaʼxacoʼob tu dzahoʼob u kaboʼob yókol u hoʼoloʼoboʼ, h tal tiʼ le Pixan cu túxtiʼc Diosoʼ.