1 Le bix u bendecirtaal yétel u dzaʼabal u bakel yétel cu kiʼikel Cristo tumen le elderoʼob yétel le presbiteroʼob tiʼ le iglesiaoʼ; cu dzaicoʼobeʼ heʼebix u yaʼalmaʼhil Cristoeʼ le betiʼqueʼ c oheʼl cu betiʼcoʼob bey heʼebix tu beliʼleʼ; le tún le elder wá presbiterooʼ cu dzaic caʼachiʼ,

2 Cu xoltaloʼob yétel le iglesiaoʼ cu oraroʼob tiʼ le Tata cu kabaʼ Cristooʼ, tún u yaʼalicoʼobaʼ:

3 Hahal Dios Tata minaʼan u xul, c katiʼc tech tu kabaʼ a Pal Jesucristoeʼ ca a bendecirt yétel ca a saccunteʼ le wáhaʼ utiaʼal tulácal le maʼc cu hantiʼqueʼ utiaʼal cu hantiʼcoʼob yoʼolal u kaʼahsicoʼob u wínclil a Pal, yétel cu hach aʼalicoʼob, actán tech, Hahal Dios Tata minaʼan u xul, dzíboltiʼcoʼob u chʼaʼic u kabaʼ a Pal yókoloʼob yétel u kaʼahsicoʼob lailiʼeʼ yétel u mentoʼob u tʼan u dzamaʼhoʼ utiaʼal ca anchac u Pixan lailiʼ tu yételoʼoboʼ. Amen.