1 Elecha bocha le merek a Abinadi el melekoi aikael tekoi, ea King a dilu er a re priest me lenguu el mo er a kodall.

2 Endi ng mlarngii a tael mle teloi er tir el ngklel a mle Alma, el tara mle ulechell el mo er a Nephi. Ngika mle kekrei el chad; ng mloumerang a tikingel a Abinadi, leng mle medengei aikel mekngit lullekoi a Abinadi el omtok er tir. Mitia eng mocha meluluuch er a King me bollak le kesib a rengul er a Abinadi, ele becherei me lorael ngara budech.

3 Endi King a bai ngilasch a rengul meng nguldikii a Alma er a delongelir, e dilu er a re mesiungel me lotirii el mekodir.

4 Endi ngii a chiliis el mo mertii meng mlo diak le betik er ngii. Tiaikid lomart er ngii el betok el klebesei, eng liluches aike el rokui el mle tekingel a Abinadi.

5 A tara klebesei ea King a dilu er a remesiungel me bo lodechemii a Abinadi. Te mildechemii e lochetii e ngiluu lotungii er a kelbus.

6 A uriul er a edei el klebesei eng merekong el kaumiting ngii me a re priest er ngii, meng dilur tir me lenguu el mer medal.

7 Mitiang diluer ngii: Abinadi aki mla metik er a uchul a telmellem meng kirem el mo er a kodall.

8 Kau a diluel kmo a Dios a Ngii a me metengel me teloi er a rengalk el chad; meng tiaia uchul me ke mo er a kodall, endi ke mo suobel alsekum kelmuut el ngmai a ikel mekngit el tikingem el kirek ngak me a rechedak.

9 Me chelecha Abinadi a dulaer ngii, ng diak kulluut aikel blakduer kau me tirkael chad, leng ngii a klemerang; me bomungil medengei el kmo ng klemerang, me a uchul me a kmilchikemiu me komdechemak.

10 Oi, ak mo chuarm el mo er a kodall, e diak bo kulluut a tikingek, meng mo dechor el mo sioning lomtok er kemiu. Ea lsekum ke mokodkak e kau a mo mengoit a klikiid el rasch, meng tiaia dirrek el mo sioning lomtok er kau er a uriul klebesei.

11 Me chelchang ea King Noah mlo soal mengedoked er ngii leng medektang er a ikael tikingel; ng medektang el kirel a kerrekeriil er a Dios a leme er ngii.

12 Endi tirkal priest a mlo mesisiich el melkoi lomtok er ngii, e mocha oltelechakl er ngii el kmo: Ng mla otubii a King. Tiaia ulengeschii a rengul a King er ngii, meng kilngei meng mocha kirel mo okodall.

13 Elecha te ngourael mo lochetii e mengelebed er ngii loba chelebed el kor chekil meng dimlo cherur a kodall.

14 Elecha le klunga ngau el mocha melul er ngii, eng lilangel mor tir el kmo:

15 Momes er tiaikid lomrelliu el me er ngak, a tara klebesei ea rengelekiu a mouchul ete betok el chad a mor tiaikid el ringel el kngarngii, el mo er a rengelel a kodall er a ngau; tia mo uaisei letir loumerang er a ulengull el le bol besterir a Rubak e Dios er tir.

16 Ea tara klebesei e komo chuarm er a betok el bedengel a rakt leng kentmiu a uchul.

17 Oi, me a chimomiu a mo mechechelebed, me kemiu a mo modik, e obriid el mor tiei me tiei el diuaia delebechel charm el blal tuu er ngii a teblik e kengaol charm.

18 E seikid el sils e kau a mo siokel, me a chimal a cherroem a mo ngoikau, le seikid e kau a mo er a ringel el diuai tial rengelek, el rengelel a kodall er a ngau.

19 Misei a Dios otaut omlaitechei er tirkel lolekngemed er a rechedal. Dios mnguu a delbengek.

20 Elecha Abinadi ral delang aikael tekoi eng mlechiir el medei er a kodall er a ngau; oi ng mlora kodall leng dimlak lebor cheroid er a llechul a Dios, meng mlo saing er a klemrang er a tikingel loba kodellel.