1 E lmuut kung e rodam er ngak, ng soak chomorrenges, leng dirk ngarngii a tekoi el bo kulkoi er kemiu; kamosang, ngarngii a tekoi el bo kulkoi er kmiu el kirel a mo duubech er a ngarmedad el klebesei.

2 Ea ikel tekoi el bo kulkoi er kemiu, ak blokudengei loiak a Anghel er a Dios. Ng dilur ngak el kmo: Bekiis; me ak milkiis e milsang el dilechor er a medak.

3 E diluer ngak el kmo: Bekiis e merenges a tekoi el bo kulkoi er kau; Ak mei louchais er kau a ungil chais el kirel a tekoi er a klou el deuelreng.

4 Le Rubak a mla remenges a nglunguchem e mla mo metik er kau el melmalt el chad, meng mladerechak el me subedau el kmo, boelungil a rengum; e sebechem el mesubed er a rechedam mel dirrek el mo mui er a deuel reng.

5 Elechang merkung el diak le cheroid, loba klisiichel, ea Rubak lolab a bek el klisiich el ngii omtebechel, el dimla ngar, el dimla ngarngii e diak a ulebengelel, a me metengel er a babeluades el me teloi er a rengalk el chad, e mo nguu a cheklechel chutem, e mo merael er a delonglir er a rechad el meruul a meklou longasireng e lomekungil er a resmecher, e cholkiis er a rechad er a kodall, e meruul er a remechitchut el mo merael, me a remiko a momes, me a remechad a morrenges, e omkungil a betok el bedengel a secher.

6 Engii a mo choltobed a diablong me a mekngit el chelid el kiei er a rengrir er a rerengalk el chad.

7 Ng mo chuarm er a ongitikaik, me a ringel er a bedenged, me a klengrenger, me a chedelreng me a saul el diak a chad el sebechel mo erngii, ng ditael kodall; leng di mlo merael a kelesbengel rasech, ng kmal mo klou el ringel al boerngii el kirel a kentrir me a klikingelir ar chedal.

8 Ea ngklel a mo Jesus Kristo, el Ngelkel a Dios, el Demal er a ianged me a bluuelchad, el ngii a ulemeob a rokui el tekoi er a kot luuchul; ea Delal a mo ngklel a Maria.

9 E ngii a me teloi er a rebebil er ngii, meng mo sebechir el mo suobel a rengalk el chad a bo loumrang er a ngklel; ea uriul er a ikang ete mousbech el kmo ngdi uaia dichad, e mo kmo ng ngarngii a diablong er ngii, me temo cholbedii, e mo mekodir.

10 Ea uriul er a ongedei el klebsei eng mekiis er a kodall; e Ngii a mo oukerrekriil er a Bluulechad; chelcha ikael tekoi a mo meketmokl el uaisei meng mo sebechel mo erngii a melmalt el kerrekriil el le boerngii a rengalk el chad.

11 Me chelchang ea resechel a mo nguubet a kentrir tirkel rirebet leng kentil a Adam a uchul, me te mlora kodall el dimlak lodengelii a uldesuel a Dios el kirir, me a lechub e te remuul a klengit e diak lodengei.

12 Endi alii, alii, er ngikel medengei el kmo ngomtok er a Dios! Le ditael role ea chad a mo suobel a mouuchel a rengul er a kentil e oumrang er a Jesus Kristo.

13 Me a Rubak el Dios a mla oldurech er a rechedaol Profet erngii el mo er a delonglir er a rengalk el chad el louchais chouaikael tekoi el mo er a rokui el chad, me a rokui el beluu, me a bek el tekoi er a ngor, me tirkei el moumrang el kmo Kristo mei, tirkeia mo sebechel mengubet a ketrir e mo oldeu a rengrir er a klou el deuelreng el di uaia blal mei er a delongelir.

14 Endi Rubak el Dios a ulemes er a rechedal kmo, te mle medecherecher er a rengrir meng milsterir a llach el mle llechul a Moses.

15 E betok lolangech me a ongasireng me a kora betok el ngodech el tekoi a ngii a ullecholt er tir lolchotel sel le merkung; me a rechedaol Profet a millekoi el kmo ng mei; endi tir a mle medecherecher er a rengerir meng dimlak lodngei el kmo, a llechul a Moses a diak a belkul alsekum ng dimlak a tngakireng er a resechel.

16 Me cholkum eng mlo sebechir a remekekrel ngalk el meruul a klengit, eng mo diak el sebechir el suobel; endi ak subedemiu el kmo te ngeltengat; le ngulkiu a Adam, me a lechub eng klechad, e tir a rirebet, me chelechang eng resechel a Kristo mla melubet a kenterir.

17 Me a kelmuut el subedemiu el kmo, ng diak a ngodech el ngakl me a rael me a lechub engii dil ngerang el mouchul ea osobel a mei er a rengalk el chad, a ditang el rael a ngklel a Kristo el Rubak lolab a bekl klisiich.

18 Me kamosang, Ngii a mo oukerrekriil, e melmalt a loukerrekriil, me a re tolechoi a diak el bora ringel alsekum tedi mekekrei e mad; ar meklou el chad a bai melim a dellebeakl el mo er a delbengir alsekum eng diak el ngai a renegrir el moriou e boel uaia remekekrei el ngalk, e loumrang er a osobel er a ngara mong, me chelechang, me a ngar medad, loeak a tngakireng er a resechel a Kristo el Rubak lolab a bekl klisiich.

19 Ele a di klechad er a tech a cheraro el mo er a Dios, el di mla uaisei er a rebetel a Adam el mei, me a mormedad el diak a ulebengelel, ng di merekmo bo loltirakl er a okedongel Edaol Reng, e bol becherei adi klechad e bol santo, lokiu a tngakireng er a Kristo el Rubak, e mo uaia ngalk el bekongesengs, e medemdemk, e ngariou, e klou a rengul, e mui er a beltik el reng, el di ungil er a rengul a rokui el tekoi el Rubak a omsang el di uaia ngalk el lorrenges er a demal.

20 Ng soak lelmuut el dmur kemiu el kmo, a taem a merkung el klaodengei er a Osobel a mo oberk el mo er a rokui el beluu, me a klebliil me a rosisiu a tikingir me a di rechad.

21 Me chelcha sel lemei sel taem, eng diak a sebechel mo er medal a Dios e kmo, ng dimlak a ngerang lodengei, tedi mekekrei el ngalk, ngdi ouuchel reng el kirel a kentid, me a klaumerang er a ngklel a Rubak el Dios lolab a rokui el klilsiich.

22 Me chelechael taem el bla molisechakl er a rebebil er kemiu, a ikel tekoi el Rubak el Dios a mla mellach er kemiu, eng dirrek el dirke diak el sebecherir el mor medal a Dios e kmo tir a klikiid, ndi otireklel aikel tekoi el blak dung er kemiu.

23 Me chelechang ea kmla dmung a ikel tekoi el Rubak el Dios a diluer ngak me kulkoi.

24 Me a Rubak a dilul kmo: ng mo dechor e sioning lomtok er tirkael chad er a kerrekriil sils; me temo er a kerrekriil el chad me a ikel lurruul el kmo ng mle ungil ng mle mekngit.

25 Malsekum temlo dengrenger, eng mo mocholt er tir a klikinglel a berrotel kenterir, e mouchul ete kmal di mo merat er medal a Rubak, el ngii a teletael er a ringel el diak a ulebengelel a rengelel, el boer ngii eng dikeael lluut el tobed; me a uchul eng kmo te mla nguim a dellebeakl el mo er a delbengir.

26 Me chelcha temla ngilmii a kob er a ngesechel a rengul a Dios, me a llemalt a dikeael sebechel lochebir a medal, el diuaia Adam el mlo kirel ruebet ral kelii a blul rodech; misei a uchul, ea klechubechub a dikeael sebechel ngosuterir el mo er a diak a ulebengelel.

27 Me a ringel le boer ngii a uaia le ngara diosch ngau me a mekeald el bad, el ngeuil a diak el mad, me a chetul a di merael moer bab el diak a ulebengelel. Me a ikaia mle llechul a Rubak el mler ngak. Boluaisei.