Eteni 13
Litangi uta na mambi ya kala ya Joseph Smith kopesaka lisolo ya bokuli ya Joseph Smith mpe Oliver Cowdery na Bonganganzambe ya Alona penepene na Harmony, Pennsylvania, na mokolo ya 15, sanza ya mitano ya mobu 1829. Bokuli yango esalemaki na maboko ya anjelu moko oyo amiyebisaki ye moko lokola Yoane, se moko oyo wana abiangami Yoane Mobatisi kati na Boyokani ya Sika. Anjelu yango alimbolaki ete azali kosala na nse ya bokambi ya Petelo, Yakobo, mpe Yoane, Bapostolo ya kala, baye bazalaki na bafungola ya bonganganzambe ya likolo, oyo ebiangamaki Bonganganzambe ya Melikisedeki. Elaka epesamaki epayi ya Joseph mpe Oliver ete na ntango esengeli Bonganganzambe ya Melikisedeki ekopesama epayi na bango. (Tala eteni 27:7–8, 12.)
Bafungola mpe nguya ya Bonganganzambe ya Alona elimbolami.
1 Likolo na bino bandeko na ngai basali, na nkombo ya Masiya napesi Bonganganzambe ya Alona, boye ezali na bafungola ya mosala ya banjelu, mpe ya nsango malamu ya boyamboli, mpe ya libatisi na bozindisi kati na mai mpo na bolimbisi ya masumu; mpe oyo ekolongolama lisusu soki moke te uta na mabele, kino bana mibali ya Lewi bakobonza lisusu epayi ya Nkolo libonza moko kati na bosembo.