Ɔfã 2
Joseph Smith n’abakɔsɛm mu bi a ɔkãa faa ɔbɔfo Moroni ne nsɛm a ɔkãa kyerɛɛ Joseph Smith Nkɔnhyɛnyi no, wɔ ber a Nkɔnhyɛnyi no wɔ n’egya ne fie wɔ Manchester, New York, Fankwa 21, 1823 ewimbir no. Moroni yɛ abakɔsɛm akyerɛwfo santsen no mu nyia odzi ekyir a wɔkyerɛɛw abakɔsɛm a ɔda wiadze enyim seseiara a ɔyɛ Mormon Nwoma no. (Fa to Malachi 4:5–6 ho; na afã 27:9; 110:13–16; na 128:18 ho.)
1, Elijah bɛda asɔfodzi no edzi akyerɛ; 2–3, Wɔdze egyanom anohoba ahyɛ mba akoma mu.
1 Hwɛ, mubodua Elijah nkɔnhyɛnyi no ne nsa do ada Asɔfodzi no edzi akyerɛ hom, ansaana Ewuradze ne da kɛse no a ɔyɛ hu no aba.
2 Na ɔdze anohoba a wɔdze bɔɔ egyanom no bɛhyɛ mba no hɔn akoma mu, na mba no hɔn akoma bɛdan akɔ hɔn egyanom do.
3 Sɛ ɔnntse dɛm a, ber a ɔbɛba no wɔbɛsɛɛ asaase nyina koraa.