1 Kyk, so sê die Here aan julle my diensknegte Joseph Smith, Jr., en Sidney Rigdon, dat die tyd voorwaar gekom het dat dit noodsaaklik en raadsaam is in My dat julle jul monde moet open om my evangelie te verkondig, die dinge van die koninkryk, en die verborgenhede daarvan uit die skrifture uit te lê, volgens daardie gedeelte van die Gees en krag wat aan julle gegee sal word net soos Ek wil.

2 Voorwaar Ek sê vir julle, verkondig aan die wêreld in die streke rondom, en in die kerk ook, vir ’n tydperk, ja totdat dit aan julle bekend gemaak sal word.

3 Voorwaar, dit is ’n sending vir ’n tydperk wat Ek aan julle gee.

4 Daarom, arbei julle in my wingerd. Beroep julle op die inwoners van die aarde, en lewer getuienis, en berei die weg voor vir die gebooie en openbarings wat sal kom.

5 Nou, kyk dit is wysheid; wie ook al lees, laat hom verstaan en ook ontvang;

6 Want aan hom wat ontvang, sal meer oorvloedig gegee word, en wel mag.

7 Daarom, verwar jou vyande; doen ’n beroep op hulle om julle te ontmoet in die openbaar en in privaatheid; en in soverre julle getrou is, sal hulle skande openbaargemaak word.

8 Daarom, laat hulle hul sterk argumente teen die Here na vore bring.

9 Voorwaar, so sê die Here aan julle—daar is geen wapen gevorm teen julle wat sal slaag nie;

10 En as enigeen sy stem teen julle verhef, sal hy vernietig word in my eie bepaalde tyd.

11 Daarom, onderhou my gebooie; hulle is waar en getrou. Dit is so. Amen.