1 Faalogo maia, E outou le lagi e, ma ua’i mai taliga, E le lalolagi e, ma olioli outou o e ua aumau ai, ona o le Alii o le Atua, ma e ese mai ai o ia ua leai se Faaola.

2 Ua tele lava lona poto, ua ofoofogia lava ona ala, ma o le lautele o ana mea e fai e leai sē e mafai ona iloaina.

3 E lē mafai ona i’uvale ona faamoemoe, pe i ai se tasi e mafai ona taofia lona aao.

4 Ua tutusa o ia mai le faavavau i le faavavau, ma e lē i’u lava ona tausaga.

5 Auā ua faapea ona fetalai mai o le Alii—o A’u, o le Alii, ou te alofa mutimutivale ma agalelei ia te i latou o e e matata’u mai ia te a’u, ma fiafia e faamamalu i latou o e e auauna mai ia te a’u i le amiotonu ma le upumoni e oo i le iuga.

6 O le a tele lava lo latou taui ma o le a faavavau lo latou mamalu.

7 Ma o i latou o le a Ou faaali atu i ai mealilo uma, ioe, mealilo natia uma o lo’u malo mai aso anamua, ma tausaga e oo mai, o le a Ou faailoa atu ia te i latou le fiafia lelei o lo’u loto e uiga i mea uma e faatatau i lo’u malo.

8 Ioe, e oo i mea ofoofogia o le faavavau o le a latou iloa, ma o mea o le a oo mai o le a Ou faaali atu ia te i latou, o mea lava ia o tupulaga e tele.

9 Ma o le a tele lava lo latou poto, ma tau i le lagi lo latou malamalama; ma o le a fano i o latou luma le poto o e e atamamai, ma o le malamalama o e e faautauta o le a avea ma meanoa.

10 Auā o lo’u Agaga o le a Ou faamalamalamaina ai i latou, ma o lo’u mana o le a Ou faailoa atu ai ia te i latou mealilo o lo’u loto—ioe, e oo lava i mea e lei vaaia e mata, pe ua faalogoina e taliga, pe ua ulu ifo i totonu o le loto o le tagata.

11 O ma’ua, o Iosefa Samita, Le Itiiti, ma Sini Rikitone, ina o ma i ai i le Agaga i le aso sefulu ono o Fepuari, i le tausaga o lo tatou Alii e tasi le afe valu selau ma le tolusefulu-lua—

12 Sa tatalaina o ma’ua mata ma faapupulaina o ma’ua malamalamaaga e le mana o le Agaga, ina ia mafai ona vaai ma malamalama i mea a le Atua—

13 O mea lava ia sa mai i le amataga ae le’i i ai le lalolagi, o mea sa faauuina e le Tamā, e ala i lona Atalii Pele e Toatasi, o lē sa i le finagalo o le Tamā, mai lava i le amataga;

14 O lē ma te molimau atu ai; ma o le mau ma te molimau atu o le atoatoaga lea o le talalelei a Iesu Keriso, o lē o le Alo, o lē na ma vaai i ai ma lē na matou fetautalatalaa’i i le faaaliga vaaia faalelagi.

15 Auā a’o ma faia le galuega o le faaliliuga, lea na tofia mai e le Alii ia te i ma’ua, sa ma oo mai i le fuaiupu luasefulu-iva o le mataupu e lima o le Ioane, lea sa tuuina mai ia te i ma’ua e faapea—

16 O loo tautala e uiga i le toetutu mai o e ua oti, e faatatau ia te i latou o e o le a faalogo i le siufofoga o le Atalii o le Tagata:

17 Ma o le a tutula’i mai; o i latou o e na faia mea lelei, i le toetutu mai o e amiotonu; ma o i latou o e na faia mea leaga, i le toetutu mai o e amioletonu.

18 O lenei mea na oo mai ai ia te i ma’ua le ofo, auā sa tuuina mai ia te i ma’ua e le Agaga.

19 Ma a’o ma manatunatu loloto i nei mea, sa pa’i mai le Alii i mata o o ma’ua malamalamaaga ma sa tatalaina, ma sa susulu faataamilo mai le mamalu o le Alii.

20 Ma sa ma vaaia le mamalu o le Alo, i le aao taumatau o le Tamā, ma sa maua lona atoatoa;

21 Ma sa ma vaai I agelu paia, ma I latou o e ua faapaiaina I luma o lona nofoaalii, o loo tapuai atu I le Atua, ma le Tamai Mamoe, o e ua tapuai atu ia te ia e faavavau, faavavau lava.

22 Ma o lenei, ina ua mavae le tele o molimau ua tuuina mai e uiga ia te ia, o le molimau mulimuli lenei, I molimau uma, ma te tuu atu e uiga ia te ia: O loo soifua o ia!

23 Auā sa ma vaai ia te ia, I le lima taumatau lava o le Atua; ma sa ma faalogo I le leo o molimau mai o ia o le Toatasi na Fanaua e le Tamā—

24 E faapea e mai ia te ia, ma ala mai ia te ia, ma o ia, ua I ai lalolagi ma na foafoaina, ma o e ua nonofo ai o atalii ma afafine fanauina I le Atua.

25 Ma sa ma vaai foi I le mea lenei, ma molimau ai, e I ai se agelu a le Atua o lē sa I le pule I luma o le Atua, o lē sa fouvale I le Atalii Pele e Toatasi o lē sa pele I le Tamā ma o lē sa I le finagalo o le Tamā, sa lafo ifo I lalo mai luma o le Atua ma le Alo,

26 Ma sa ta’ua o le Malaia, aua sa tutulu le lagi ona o ia—o ia o Lusifelo, o se atalii o le taeao.

27 Ma sa ma vaaia, ma faauta, ua pa’ū o ia! Ua pa’ū, o se atalii lava o le taeao!

28 Ma a’o ma I ai pea I le Agaga, sa poloaiina I ma’ua e le Alii e tatau ona ma tusi le faaaliga vaaia; auā na ma vaaia Satani, le gata tuai lena, le tiapolo lava, o lē na fouvale faasaga I le Atua, ma saili e aveese le malo o lo tatou Atua ma lana Keriso—

29 O le mea lea, ua sii taua ai o ia i le au paia a le Atua, ma si’o faataamilo i latou.

30 Ma sa ma vaai I se faaaliga vaaia I mafatiaga o I latou o e na sii taua I ai o ia ma faatoilaloina, auā sa faapea ona oo mai o le siufofoga o le Alii ia te I ma’ua:

31 Ua faapea ona fetalai mai o le Alii e faatatau ia te I latou uma o e ua latou iloa lo’u mana, ma sa faia ia latou mauaina, ma ua latou tuu I latou lava ia faatoilaloina e ala I le mana o le tiapolo, ma faafitia le upumoni ma tetee I lo’u mana—

32 O I latou ia o I latou o e o atalii o le malaia, o e Ou te fai atu ai sa sili atu mo I latou pe a na lē fananau mai;

33 Auā o I latou o ni ipu o le toasa, ua tuu-malaia e mafatia I le toasa o le Atua, faatasi ma le tiapolo ma ana agelu I le faavavau;

34 E faatatau lea I e na Ou fai atu ai ua leai se faamagalogaina I le lalolagi lenei po o le lalolagi a sau—

35 Ona ua latou faafitia le Agaga Paia ina ua uma ona latou mauaina, ma ona ua latou faafitia le Atalii Pele e Toatasi o le Tamā, ona ua latou faasatauroina o ia ia te I latou lava ma tuu o ia e faamaasiasia I luma o tagata.

36 O I latou ia o e o le a o ese atu I le lepa afi ma le teiō, faatasi ma le tiapolo ma ana agelu—

37 Ma na’o I latou ia o e o le a oo I ai I luga le mana o le oti faalua;

38 Ioe, e moni, na’o I latou lava ia o e o le a lē togiolaina I le taimi tatau ai a le Alii, pe a mavae mafatiaga o lona toasa.

39 Auā o I latou uma e totoe o le a faatutula’I mai I le toetutū mai o e ua oti, e ala I le manumalo ma le mamalu o le Tamai Mamoe, o lē na fasia, o lē na I ai I le loto o le Tamā ae lei faia lalolagi.

40 Ma o le talalelei lenei, o tala fiafia ia, na molimau mai e le siufofoga mai le lagi ia te i ma’ua—

41 E faapea na afio mai o ia I le lalolagi, o Iesu lava, e faasatauroina mo le lalolagi, ma tauave agasala a le lalolagi, ma faapaia le lalolagi, ma faamamā mai amioletonu uma;

42 Ina ia mafai ona faaolaina e ala ia te ia i latou uma o e na tuu e le Tamā i lona mana ma faia e ia;

43 O lē ua faamamaluina le Tamā, ma laveai galuega uma a ona aao, vaganā ai atalii na o le malaia o e ua faafitia le Alo ina ua uma ona faaali mai o ia e le Tamā.

44 O le mea lea, e laveai e ia tagata uma vaganā ai I latou na—o le a latou o ese atu I le faasalaga tumau e faavavau, o le faasalaga lea e lē gata, o le faasalaga faavavau lea, e pule faatasi ma le tiapolo ma ana agelu I le faavavau, I le mea e lē mamate ai o latou īlo, ma lē mate ai le afi, o lo latou mafatiaga lea—

45 Ma o lona iuga, po o lona nofoaga, po o lo latou mafatiaga, e leai se tagata na te iloaina;

46 Pe na faaali mai, pe ua faaali mai, pe o le a faaalia mai I tagata, vaganā ai ia te I latou o e o le a fai mo I latou;

47 Ae ui I lea, o A’u, o le Alii, Ou te faaalia atu I le toatele I se faaaliga vaaia, ae vave ona toe tapunia;

48 O le mea lea, o le i’uga, o le lautele, o le maualuga, o le loloto, ma lona pagatia, latou te lē malamalama I ai, po o soo se tagata foi vaganā ai I latou o e ua faauuina mo lenei ta’usalaga.

49 Ma sa ma faalogoina le siufofoga, ua fetalai mai: Ia tusi le faaaliga vaaia, auā faauta, o lei’uga lenei o le faaaliga vaaia e uiga I mafatiaga o e e lē amioatua.

50 O lenei foi ma te molimau atu—ona sa ma vaai ma faalogoina, ma o le molimau lenei o le talalelei a Keriso e faatatau ia te I latou o e o le a tutula’I mai I le toetutu mai o e amiotonu—

51 O I latou ia o e na taliaina le molimau ia Iesu, ma talitonu I lona suafa ma papatiso e tusa ma le ala o lona tanuga, I le tanumia lea I totonu o le vai I lona suafa, ma e tusa lenei ma le poloaiga na tuuina mai e ia—

52 Ina ia mafai, e ala I le tausia o poloaiga, ona fufuluina ma faamamāina I latou mai ia latou agasala uma, ma maua le Agaga Paia e ala I le faaee atu o lima o ia o lē ua faauuina ma faamauina I lenei mana;

53 Ma e e manumalo e ala I le faatuatua, ma ua faamauina e le Agaga Paia o le folafolaga, lea e liligi mai e le Tamā I luga o I latou uma o e amiotonu ma faamaoni.

54 O I latou ia o e o le ekalesia a le Ulumatua.

55 O i latou ia ua tuuina atu i ai e le Tamā mea uma i o latou lima—

56 O i latou ia o e o faitaulaga ma tupu, o e ua mauaina lona atoatoa, ma lona mamalu;

57 Ma o faitaulaga a le Silisili Ese, e tusa ma le faatulagaga a Mekisateko, lea sa tusa ma le faatulagaga a Enoka, lea sa tusa ma le faatulagaga a le Atalii Pele e Toatasi.

58 O le mea lea, e pei ona tusia, o i latou o ni atua, o atalii lava o le Atua—

59 O le mea lea, o mea uma e a I latou, pe o le ola po o le oti, po o mea o I ai nei, po o mea o le a oo mai, o mea uma e a I latou, ma o I latou e a Keriso, ma o Keriso e a le Atua.

60 Ma o le a latou manumalo I mea uma.

61 O le mea lea, ia lē tuu ai I se tagata e vivii ona o le tagata, ae ia tuu atu ia te ia e vivii ona o le Atua, o lē o le a faatoilaloina fili uma I lalo o ona aao.

62 O I latou ia o le a nonofo I luma o le Atua ma lana Keriso e faavavau faavavau lava.

63 O I latou ia o e o le a ia aumai faatasi ma ia, pe a afio mai o ia I ao o le lagi e nofotupu I le lalolagi I luga o lona nuu.

64 O i latou ia o e o le a mauaina se vaega i le uluai toetutu.

65 O I latou ia o e o le a tutula’I mai I le toetutu mai o e amiotonu.

66 O I latou ia o e e o mai I le Mauga o Siona, ma I le aai o le Atua soifua, le nofoaga faalelagi, e sili ona paia I aai uma.

67 O I latou ia o e na o mai I se ’au o agelu e lē mafaitaulia, I le faapotopotoga ma le ekalesia aoao a Enoka, ma a le Ulumatua.

68 O I latou ia o e o o latou igoa ua tusia I le lagi, I le mea o afifio ai le Atua ma Keriso o le faamasino o tagata uma.

69 O I latou ia o e o tagata amiotonu ua faaatoatoaina e ala ia Iesu le puluvaga o le feagaiga fou, o lē na faia lenei togiola ua atoatoa e ala I le faamaligiina o lona lava toto.

70 O I latou ia o e o o latou tino ua selesitila, o e o lo latou mamalu o lena o le la, le mamalu lava lea o le Atua, le silisili I tagata uma, o lē o lona mamalu ua tusia e faapea ua faatusa I le la o le vanimonimo.

71 O lenei foi, sa ma vaai I le lalolagi terasitila, ma faauta ma tagai, o I latou ia o e ua o le terasitila, o e o lo latou mamalu ua ese mai le mamalu o le ekalesia a le Ulumatua o e ua mauaina le atoatoa o le Tamā, e pei lava ona ese le mamalu o le masina mai le la I le vanimonimo.

72 Faauta, o i latou ia o e na oti e aunoa ma le tulafono;

73 Ma o I latou foi o e o agaga o tagata sa taofia I le falepuipui, o e na asia e le Alo, ma tala’I atu le talalelei ia te I latou, ina ia mafai ona faamasinoina I latou e tusa ma tagata I la le tino;

74 O e sa lē taliaina le molimau ia Iesu i la le tino, ae mulimuli ane taliaina.

75 O I latou ia o tagata mamalu o le lalolagi, o e na faatauasoina I le faitogafiti o tagata.

76 O I latou ia o e e maua I lona mamalu, ae lē o lona atoatoa.

77 O I latou ia o e e mauaina mamalu o le Alo, ae lē o le atoatoa o le Tamā.

78 O le mea lea, o i latou o ni tagata tino terasitila, ae lē o ni tagata tino selesitila, ma e ese i le mamalu e pei ona ese le masina mai le la.

79 O I latou ia o e sa le’I totoa I le molimau ia Iesu; o le mea lea, latou te lē maua ai le pale I luga o le malo o lo tatou Atua.

80 Ma o lenei, o le faaiuga lenei o le faaaliga vaaia o le terasitila na ma vaai I ai, lea na poloaiina I ma’ua e le Alii e tusi a’o ma’ua I ai pea I le Agaga.

81 O lenei foi, sa ma vaai i le mamalu o le telesitila, le mamalu lea o le maualalo, e pei lava ona ese le mamalu o fetu mai le mamalu o le masina i le vanimonimo.

82 O i latou ia o e sa lē taliaina le talalelei a Keriso, po o le molimau ia Iesu.

83 O I latou ia o e ua lē faafitia le Agaga Paia.

84 O I latou ia o e ua lafo I lalo I seoli.

85 O I latou ia o e o le a lē togiolaina mai le tiapolo seia oo mai le toetutu mulimuli, seia mae’a ona faia e le Alii, o Keriso lava le Tamai Mamoe, lana galuega.

86 O I latou ia o e e lē mauaina lona atoatoa I le lalolagi faavavau, ae o le Agaga Paia e ala atu I le auaunaga a le terasitila;

87 Ma le terasitila e ala i le auaunaga a le selesitila.

88 Ma e maua foi e le telesitila mai asiasiga a agelu o e ua tofia e auauna mo I latou, po o e ua tofia e avea ma agaga auauna mo I latou; ona o le a avea I latou ma suli o le faaolataga.

89 Ma sa faapea ona ma vaai, i le faaaliga vaaia faalelagi, i le mamalu o le telesitila, lea ua sili mamao atu i malamalamaaga uma;

90 Ma e leai se tagata ua iloaina vaganā o ia o lē ua faaali i ai e le Atua.

91 Ma sa faapea ona ma vaai i le mamalu o le terasitila lea ua silisili atu i mea uma i le mamalu o le telesitila, i le mamalu lava, ma i le mana, ma i le malosi, ma i le pule’aga.

92 Ma sa faapea ona ma vaai I le mamalu o le selesitila, lea ua silisili atu I mea uma—le mea ua nofotupu ai le Atua, le Tamā lava lea, I luga o lona nofoalii e faavavau faavavau lava;

93 O lē o luma o lona nofoalii e ifo atu ai mea uma I le faaaloalo lotomaualalo, ma avatu ia te ia le mamalu e faavavau faavavau lava.

94 O I latou o e e nonofo I ona luma o le ekalesia lea a le Ulumatua; ma latou te vaai e pei ona vaaia I latou, ma iloa e pei ona iloa I latou, ona ua latou maua lona atoatoa ma lona alofa tunoa;

95 Ma na te faia I latou ia tutusa I le mana, ma I le malosi, ma I pule’aga.

96 Ma o le mamalu o le selesitila ua tasi, e pei lava ona tasi le mamalu o le la.

97 Ma o le mamalu o le terasitila ua tasi, e pei lava ona tasi le mamalu o le masina.

98 Ma o le mamalu o le telesitila ua tasi, e pei lava ona tasi le mamalu o fetu; ona e pei ona ese le tasi fetu mai le isi fetu i le mamalu, ua faapea foi ona ese le tasi mai le isi i le mamalu i le lalolagi telesitila;

99 Ona o i latou ia o e o lo Paulo, ma lo Apolo, ma lo Kefa.

100 O I latou ia o e ua fai mai o I latou o ni isi o le tasi ma ni isi o le isi—o ni isi o Keriso, ma ni isi o Ioane, ma ni isi o Mose, ma ni isi o Elaia, ma ni isi o Esaia, ma ni isi o Isaia, ma ni isi o Enoka;

101 Ae sa lē taliaina le talalelei, po o le molimau ia Iesu, po o perofeta, po o le feagaiga tumau e faavavau.

102 Mulimuli lava I mea uma, o I latou uma ia o e o le a lē faapotopotoina faatasi ma le au paia, e aveina a’e I luga I le ekalesia a le Ulumatua, ma taliaina I totonu o le ao.

103 O I latou ia o e o pepelo, ma faataulaitu, ma mulilulua, ma faitaaga, ma soo se tasi e fiafia I le pepelo ma fai le pepelo.

104 O I latou ia o e e mafatia I le toasa o le Atua I le lalolagi.

105 O I latou ia o e e mafatia I le tauimasui o le afi e faavavau.

106 O I latou ia o e e lafo I lalo I seoli ma mafatia I le toasa o le Atua Malosi Aoao, seia oo I le atoatoaga o taimi, pe a uma ona faatoilaloina e Keriso fili uma I lalo o ona aao, ma ua uma ona faaatoatoaina e ia lana galuega;

107 Pe a ava’e e ia le malo, ma tuu atu I le Tamā, ua lē ponā, ma fetalai atu: Ua Ou manumalo ma ua Ou solia toatasi le soliga-vine, le soligavine lava lea o le mata’utia tele o le toasa o le Atua Malosi Aoao.

108 Ona faapaleina ai lea o ia I le pale o lona mamalu, e afio I luga I le nofoalii o lona mana e nofotupu ai e faavavau faavavau lava.

109 Ae faauta, ma tagai, sa ma vaai I le mamalu ma e e nonofo I le lalolagi telesitila, sa pei ona lē mafaitaulia I latou e pei o fetu I le vanimonimo o le lagi, po o le oneone I luga o le matafaga;

110 Ma sa faalogoina le siufofoga o le Alii ua fetalai mai: O I latou uma nei o le a tootutuli tulivae, ma o le a tautino atu e laulaufaiva uma ia te ia o lē ua afio I luga o le nofoalii e faavavau ma faavavau lava;

111 Ona o le a faamasinoina i latou e tusa ma a latou galuega, ma o le a maua e tagata taitoatasi e tusa ma ana lava galuega, lana lava pule’aga, i maota ua saunia;

112 Ma o le a avea I latou ma auauna a le Silisili Ese; ae o le mea e afio ai le Atua ma Keriso, e lē mafai ona latou o atu I ai, o lalolagi e leai se iuga.

113 O le faaiuga lenei o le faaaliga vaaia na ma vaai I ai, lea na poloaiina I ma’ua e tusi a’o ma I ai pea I le Agaga.

114 Ae ua maoa’e lava ma ofoofogia galuega a le Alii, ma mealilo o lona malo na faaali mai e ia ia te I ma’ua, ua silisili mamao atu I malamalamaaga uma I le mamalu, ma I le malosi, ma I le pule’aga;

115 Ia na ia poloaiina I ma’ua e lē tatau ona ma tusia a’o ma I ai pea I le Agaga, ma ua lē faatagaina mo se tagata ia tautala I ai;

116 Pe mafai foi e le tagata ona faailoa atu I latou, aua ua na’o le mana lava o le Agaga Paia, lea e faaee e le Atua I luga o I latou o e e alolofa ia te ia, ma faamamā I latou lava I ona luma, e vaaia ma malamalama ai;

117 Ia i latou e tuu atu i ai e ia lenei avanoa o le vaai ma le iloaina mo i latou lava;

118 Ina ia mafai ona latou gafatia ona luma I le lalolagi o le mamalu, e ala I le mana ma faaaliga a le Agaga, a’o I ai I la le tino.

119 Ma ia i ai i le Atua ma le Tamai Mamoe le mamalu, ma le viiga, ma le pule’aga e faavavau ma faavavau lava. Amene.