1 Sannlega segi ég yður, að það er vilji minn, að þjónn minn Jared Carter fari aftur til landsvæðanna í austri, fari stað úr stað og borg úr borg, í krafti þeirrar vígslu, sem hann hefur verið vígður, og kunngjöri gleðitíðindin um mikinn fögnuð, já, hið ævarandi fagnaðarerindi.

2 Og ég mun senda honum huggarann, sem kennir honum sannleikann og segir honum hvert halda skal —

3 Og reynist hann trúr, mun ég enn krýna hann með kornbindum.

4 Ver þess vegna glaður í hjarta, þjónn minn Jared Carter, og óttast ei, segir Drottinn þinn, sjálfur Jesús Kristur. Amen.